Polisi a Gweithdrefn Rhannu Swyddi - Medi 2020
Yn yr adran hon
Rhannu Swydd
Rydym yn gwbl ymroddedig i gyfle cyfartal ym maes cyflogaeth. Nod Rhannu Swyddi yw darparu cyfleoedd i chi os oes well gennych weithio llai o oriau neu os ydych yn methu â gweithio'n llawn amser i gael a chynnal gyrfa gyda ni; a gwella'r cyfleoedd i weithio'n hyblyg ar bob lefel o fewn ein sefydliad.
Gall rhannu swyddi gynnig atebion cadarnhaol i bawb gan fod modd cadw sgiliau a phrofiad ac ychwanegu atynt, yn hytrach na'u colli neu wneud defnydd annigonol ohonynt. Rydym yn cefnogi ystod o drefniadau gweithio hyblyg parhaol a thros dro, i'ch galluogi i sicrhau cydbwysedd rhwng gwaith a bywyd personol. Un o'r trefniadau hyn yw rhannu swyddi.
Rydym wedi diffinio rhannu swydd fel dull o weithio lle mae dau berson yn rhannu swydd ‘gyfan’ neu 'amser llawn' sy'n cynnwys o leiaf 30 awr yr wythnos. Mae rhannu swydd yn golygu bod modd gweithio wythnos lawn, ac mae'n caniatáu trefniadau gweithio hyblyg mewn swyddi nad ydynt yn addas i'w cyflawni'n rhan amser.
Dylid nodi nad oes rhwymedigaeth arnoch i gychwyn ar drefniant rhannu swydd heb ichi gytuno i hynny ymlaen llaw.