Cefnogi achosion
Diweddarwyd y dudalen: 02/06/2025
Hoffem glywed beth rydych chi’n ei wneud i gefnogi elusen neu achos sy'n agos at eich calon.
Os ydych yn codi arian rhowch wybod i ni drwy anfon e-bost at marchnatacyfryngau@sirgar.gov.uk
Timau Diogelu Oedolion a Threfniadau Diogelu wrth Amddifadu o Ryddid
Enw: Timau Diogelu Oedolion a Threfniadau Diogelu wrth Amddifadu o Ryddid
Adran: Cymunedau
Pryd: Dydd Llun, 22 Mehefin 2026
Amser: 10-4pm
Ble: Ystafell 103, Llawr 1af, 3 Heol Spilman, Caerfyrddin SA31 1LE
Beth: Digwyddiad Codi Arian Elusennol Iechyd a Llesiant - Gwerthiant Blodau/Planhigion/Llysiau Awyr Agored a Dan Do.
Pam: Codi arian ar gyfer dwy elusen deilwng sy'n berthnasol i waith y ddau dîm jaclewisfoundation.co.uk ac alzheimers.org.uk
Rhoddion ar ffurf arian parod yn unig.
Os oes gennych unrhyw ymholiadau, cysylltwch ag Emma – Ekettle@sirgar.gov.uk
Amber Daniels - Taith Gerdded Mighty Macmillan
Enw: Amber Daniels
Adran: Lle, Seilwaith a Datblygu Economaidd
Pryd: 27 Mehefin 2026
Ble: Penrhyn Gŵyr
Beth: Taith Gerdded Mighty Macmillan – Taith Marathon 26.5 ar draws y Gŵyr.
Ar 27 Mehefin 2026 byddwn yn ymgymryd â Mighty Hike Penrhyn Gŵyr gan wthio ein hunain bob cam o'r ffordd i godi arian hanfodol i bobl sy'n byw gyda chanser.
Cwblhaodd Amber y Mighty Hike y llynedd, ac er bod yr her yn anodd, roedd y caredigrwydd, haelioni ac anogaeth a gafodd ar hyd y ffordd yn wirioneddol arbennig. Mae'r gefnogaeth anhygoel honno yn rheswm enfawr i roi ei hesgidiau cerdded ymlaen unwaith eto eleni, y tro hwn gyda'i gŵr Mike, a'i ffrindiau Kerry a Scott sy’n ymuno â'r her hefyd. Mae canser wedi cyffwrdd â'n bywydau ni i gyd. Rydyn ni wedi cefnogi anwyliaid trwy eu brwydrau gyda’r clefyd, ac yn anffodus mae rhai ohonom wedi colli pobl rydyn ni'n eu caru. Mae'r daith hon ar eu cyfer nhw ac i'r miliynau o bobl ledled y DU sy'n wynebu diagnosis canser ar hyn o bryd, ac sy'n dibynnu ar gefnogaeth Macmillan yn ystod rhai o gyfnodau anoddaf eu bywydau.
Gyda thua 3 miliwn o bobl yn byw gyda chanser yn y DU, mae Macmillan yn gweithio'n ddiflino i sicrhau nad oes neb yn wynebu canser ar ei ben ei hun. Ond ni allant wneud hynny heb haelioni pobl fel chi.
Bydd pob rhodd, boed yn fach neu’n fawr, yn helpu i wneud gwahaniaeth gwirioneddol ac yn werth y byd i ni wrth i ni ymgymryd â'r her hon gyda'n gilydd.
Diolch ichi ymlaen llaw am eich cefnogaeth