Polisi a Gweithdrefn Rhannu Swyddi - Medi 2020

10. Amodau Gwasanaeth

Bydd yr holl delerau ac amodau cyflogaeth yn cael eu cymhwyso'n gyson yn yr un modd ag yn achos gweithiwr amser llawn, gyda thaliadau, lwfansau a gwyliau pro rata i nifer yr oriau a weithir.

Cynhwysir nodweddion penodol, lle maent yn wahanol, yn Natganiad Manylion y gweithiwr:

Datganiad Manylion

Bydd pob partner rhannu swydd yn derbyn datganiad manylion unigol.

Nodir oriau'r contract yn unigol ar gyfer y ddau weithiwr sy'n rhannu'r swydd. Bydd cyfanswm yr oriau a weithir yn hafal i oriau'r swydd amser llawn ac ni fydd yn fwy na hynny. Bydd y disgrifiad swydd a'r fanyleb person yr un fath ag ar gyfer y swydd amser llawn.

Cyfnod Prawf

Bydd pob gweithiwr sy'n newydd i'r Awdurdod yn gorfod cwblhau cyfnod prawf yn foddhaol, yn unol â Pholisi Cyfnodau Prawf y Cyngor, a chaiff ei asesu yn yr un modd â gweithiwr amser llawn.

Graddau Cyflog

Cyfrifir y cyflog ar sail pro-rata, yn unol â'r radd a nifer yr oriau a weithir. Pennir y cyflog cychwynnol ar sail unigol, yn unol â Chanllawiau Cyflogau Recriwtio'r Cyngor. Gall partneriaid rhannu swydd fod ar wahanol bwyntiau tâl o fewn yr un radd yn seiliedig ar feini prawf gwrthrychol fel yr amlinellir yn y canllawiau hyn.

Cynyddrannau

Bydd symud i fyny'r cynyddrannau yn cael eu gwneud yn unol ag amodau sy'n berthnasol i weithwyr amser llawn. Gellir gosod unigolion sy'n rhannu swydd ar wahanol bwyntiau cynyddran wrth gychwyn a hynny'n unol â Chanllawiau Cyflogau Recriwtio'r Cyngor. Bydd eich tîm AD yn rhoi cyngor yn yr amgylchiadau hyn.

Goramser/Oriau yn lle amser a weithiwyd (TOIL)

Ni fyddai disgwyl i bob gweithiwr sy'n rhannu swydd weithio y tu hwnt i'w oriau contract fel arfer. Fodd bynnag, os ceir cais awdurdodedig i wneud hynny, e.e. yn ystod absenoldeb salwch eu partner rhannu swydd, telir am unrhyw oriau ychwanegol ar y gyfradd arferol yr awr (heb ychwanegiadau).

Os bydd gofyn i weithiwr sy'n rhannu swydd weithio oriau ychwanegol dros ben yr wythnos waith 37 awr, neu'r tu hwnt i'r patrwm gweithio contractiol sydd â chyfartaledd o wythnos waith 37 awr (e.e. rota/oriau blynyddol), bydd y gyfradd goramser berthnasol yr awr yn daladwy.

Os bydd gweithiwr yn gofyn am TOIL, caiff y Rheolwr gydsynio i hynny, ar sail yr union oriau a weithiwyd.

Gofynion aros galwad ac ymateb i alwad

Lle bo aros galwad a galw allan yn rhan o ofynion y swydd, dylid rhannu hynny rhwng y partneriaid rhannu swydd ar sail rota. Gwneir taliad ar y gyfradd gyffredinol yn unol â'r rota aros galwad ac ymateb i alwad y cytunwyd arnynt yn unigol. Gall partneriaid Rhannu Swydd gytuno i gyfnewid neu newid eu rotâu aros galwad/ymateb i alwad gyda'i gilydd, ond rhaid iddynt roi gwybod i'w rheolwr/i'r Llinell Gofal am unrhyw newidiadau o'r fath.

Gwyliau Blynyddol

Bydd yr hawl i wyliau ar sail pro-rata i'r oriau a weithiwyd, ac yn cael ei chyfrifo'n unol â Pholisi Gwyliau Blynyddol a Thâl Gwyliau y Cyngor.

Gwyliau Cyhoeddus a Gwyliau Statudol

Rhennir yr hawl i wyliau cyhoeddus/gwyliau banc rhwng y partneriaid rhannu swydd ar sail pro-rata. Os yw gŵyl banc yn disgyn ar ddiwrnod gwaith, bydd yr oriau hynny'n cael eu tynnu o'r hawl i wyliau banc.

Lle rhennir swydd trwy rannu'r wythnos, mae'n debygol y bydd un partner rhannu swydd yn elwa o fwy o wyliau banc nag y mae ganddo hawl iddynt. Rhaid tynnu unrhyw ddiffyg o ran yr hawl i wyliau cyhoeddus/gwyliau banc o'r hawl i dderbyn gwyliau blynyddol, neu weithio oriau ychwanegol i sicrhau cydbwysedd yn yr oriau.

Gellir trefnu'r gwyliau cyhoeddus/gwyliau banc dros ben ar adegau eraill o flwyddyn wyliau'r gweithiwr, yn yr un modd â gwyliau blynyddol.

Tâl Salwch Statudol/Galwedigaethol

Bydd hawl i dâl salwch yn unol â Rheoliadau Tâl Salwch Statudol, Cynllun Tâl Salwch Galwedigaethol a Pholisi Absenoldeb Salwch y Cyngor.

Enghraifft:

Mae partneriaid rhannu swydd yn gweithio 2 ½ diwrnod yr wythnos yr un:

• Partner 1: Bore Llun, Mawrth a Mercher, a
• Partner 2: Prynhawn Mercher, Iau a Gwener.

Mae gan y ddau hawl i 4 o Wyliau Cyhoeddus/Gwyliau Banc ond yn ystod y flwyddyn gwyliau blynyddol mae 6 o wyliau cyhoeddus yn disgyn ar ddydd Llun a 2 ar ddydd Gwener.

Nid oes gan Bartner Rhannu Swydd 1 hawl i 6 o wyliau cyhoeddus felly gall naill ai trefnu gwyliau blynyddol am y 2 ddiwrnod dros ben neu weithio’r oriau cyfatebol ar ddiwrnodau y cytunwyd arnynt gyda'i gilydd.

Mae gan Bartner Rhannu Swydd 2 hawl i 4 o wyliau cyhoeddus, y mae 2 ohonynt yn disgyn ar ddydd Gwener yn ystod ei wythnos waith arferol a.

Tâl Salwch Statudol/Galwedigaethol

Bydd hawl i dâl salwch yn unol â Rheoliadau Tâl Salwch Statudol, Cynllun Tâl Salwch Galwedigaethol a Pholisi Absenoldeb Salwch y Cyngor.

Absenoldeb Mamolaeth

Bydd gan weithwyr sy'n rhannu swydd hawl i dderbyn absenoldeb mamolaeth a/neu dâl mamolaeth, yn unol â Rheoliadau Tâl Mamolaeth Statudol a Pholisi Mamolaeth y Cyngor.

Pensiwn

Bydd gan weithwyr sy'n rhannu swydd hawl i ymuno neu aros yn y Cynllun Pensiwn Llywodraeth Leol. Fodd bynnag, dylai gweithwyr sy'n rhannu swydd fod yn ymwybodol bod gweithio llai o oriau'n effeithio ar fuddion pensiwn.

Dylai gweithwyr sy'n gweithio llawn amser ac sy'n dymuno rhannu swydd geisio cyngor gan Gronfa Bensiwn Dyfed neu'r Cynllun Pensiynau Athrawon cyn cychwyn ar drefniant gwaith rhannu swydd, fel bod modd cael eglurhad ar effaith hynny ar eu buddion pensiwn.

Absenoldeb Arbennig

Bydd ceisiadau am absenoldeb arbennig, fel y'u nodwyd ym Mholisi Amser o'r Gwaith Polisi Amser O'r Gwaith Gorffennaf 2022 y Cyngor, yn cael eu hystyried yn yr un modd â gweithwyr amser llawn, ac fe'u caniateir pro-rata i'r oriau a weithiwyd.

Cyflenwi yn ystod Absenoldeb

Pan nad yw un partner sy'n rhannu swydd yn y gwaith oherwydd salwch, absenoldeb mamolaeth neu absenoldeb arall gellir gofyn i'r gweithiwr arall sy'n rhannu'r swydd weithio oriau ychwanegol hyd at oriau llawn amser y swydd ond heb fod yn fwy na hynny (yn amodol ar gael awdurdodiad). Pan fydd un partner ar wyliau blynyddol ni ofynnir i'r gweithiwr arall sy'n rhannu'r swydd weithio oriau ychwanegol fel arfer oni bai bod hynny'n hanfodol ar gyfer cynnal y gwasanaeth a ddarperir.

Nid yw'r sawl sy'n rhannu'r swydd o dan unrhyw rwymedigaeth i ymgymryd â'r oriau ychwanegol hyn.

Teithio a Chynhaliaeth

Lle bo angen i weithwyr sy'n rhannu swydd deithio yng nghyswllt eu gwaith er mwyn cyflawni cyfrifoldebau'r swydd, ad-delir eu costau teithio a chynhaliaeth yn unol â Pholisi Teithio a Chynhaliaeth y Cyngor ar gyfer teithiau awdurdodedig a gyflawnwyd gan bob partner sy'n rhannu swydd.

Amcanion perfformiad a chyfleoedd datblygu

Bydd gan bartneriaid sy'n rhannu swydd amcanion ar y cyd o ran gofynion y rôl, ond byddant yn derbyn arfarniadau perfformiad Helpu Pobl i Berfformio unigol. Bydd y rhain yn canolbwyntio ar gyfraniad personol at yr amcanion yn ogystal ag archwilio anghenion datblygiad a pherfformiad personol.

Bydd gweithwyr sy'n rhannu swydd yn gallu cyrchu hyfforddiant ac absenoldeb astudio ar yr un sail â gweithwyr amser llawn pro-rata.

Dyrchafiad

Gall partneriaid sy'n rhannu swydd wneud cais am ddyrchafiad yn unigol neu ar y cyd. Os yw'n gais ar y cyd byddant yn cael eu cyfweld ar wahân ac er mwyn i'r ddau gael eu penodi, rhaid i'r ddau fodloni gofynion y swydd.

Cyflogaeth Eilaidd a Chôd Ymddygiad Gweithwyr

Yn amodol ar y darpariaethau a nodwyd yng Gôd Ymddygiad y Cyngor, ni chaiff gweithwyr rhannu swydd eu hatal gan eu contractau cyflogaeth rhag derbyn cyflogaeth arall y tu allan i'w horiau contractiol arferol.

Fodd bynnag, o dan Gôd Ymddygiad y Cyngor, mae gofyniad cyffredinol ar bob gweithiwr i beidio ag ymgymryd â gwaith ychwanegol a allai wrthdaro â buddiannau'r Cyngor neu gael effaith niweidiol ar waith y gweithiwr gyda'r Cyngor. Felly cynghorir gweithwyr i roi sylw arbennig i Adrannau 8 a 9 o'r Côd Ymddygiad mewn perthynas â'r mater hwn. Os bydd gweithwyr yn amau, dylent ofyn am gyngor gan eu rheolwr llinell cyn ymgymryd â chyflogaeth arall.

Oriau Hyblyg a Rhannu Swydd

Nid yw gweithio mewn partneriaeth rhannu swydd yn atal gweithwyr rhag bod yn rhan o'r cynllun oriau hyblyg. Dylid ystyried hyn fel rhan o'r weithdrefn o ran gwneud cais a'i gytuno gan y Rheolwr Llinell os yw'n ymarferol o safbwynt gweithredol.

Terfynu Cytundeb

Bydd angen i gontract cyflogaeth y gweithiwr sy'n rhannu swydd gynnwys cymal sy'n nodi, os na fydd yr awdurdod yn llwyddo i recriwtio person cymwys i lenwi'r gyfran o'r swydd a rennir sy'n wag, ac os yw deiliad presennol y swydd a rennir yn amharod i weithio'n llawn amser neu nad yw'n gallu gwneud hynny, mae gan yr Awdurdod hawl i derfynu ei gyflogaeth o dan y Cynllun trwy roi'r cyfnod priodol o rybudd, fel y pennir yn Neddf Hawliau Cyflogaeth 1996. Ni fyddai'r cyfryw gamau'n cael eu cymryd ond wedi ymgynghori â'r gweithiwr presennol sy'n rhannu'r swydd a'i Gynrychiolydd Undeb Llafur, petai'n dymuno, ynghylch yr amrywiol ddewisiadau sydd ar gael ar y pryd.