Ailgylchu yn y Gweithle. Mae'n bryd i ni sortio hyn

Neges i'ch atgoffa ei bod yn ofynnol yn ôl y gyfraith yng Nghymru i wahanu ac ailgylchu eich holl wastraff yn y swyddfa.

Yn ystod archwiliadau diweddar yn Heol Spilman, Neuadd y Sir a Pharc Myrddin, roedd tystiolaeth o halogiad mewn sawl bin - gan gynnwys plastig mewn biniau cardbord/papur a deunydd lapio plastig mewn biniau bwyd.

Bydd ein contractwr gwastraff yn gwrthod cymryd whilfin cyfan os bydd tystiolaeth o unrhyw halogiad, sy'n amharu ar y gwaith ac yn achosi cost ddiangen. Mae'r broblem hon yn digwydd ar draws sawl safle.

Mae pob bin wedi'i labelu, a rhaid gwahanu gwastraff yn y categorïau canlynol:

• Cardbord a phapur
• Cynwysyddion plastig, cartonau a metelau
• Poteli a jariau gwydr
• Gwastraff bwyd (dim pecynnu)
• Biniau gwastraff gweddilliol ar gyfer pob gwastraff na ellir ei ailgylchu

Os nad ydych yn siŵr beth sy'n mynd i ble, cyfeiriwch at ein A-Z o Ailgylchu ar gyfer staff ar ein mewnrwyd.  Gallwch hefyd lawrlwytho posteri gyda rhagor o fanylion o wefan Wrap: Y Busnes o Ailgylchu Cymru - Canllawiau ar gyfer pob gweithle

Mae eich cydweithrediad yn hanfodol i sicrhau ein bod yn bodloni safonau ailgylchu ac yn osgoi casgliadau'n cael eu gwrthod. Diolch am eich cefnogaeth wrth sicrhau bod ein safleoedd yn cydymffurfio ac yn gynaliadwy.