Polisi ynghylch Costau Teithio a Chynhaliaeth Staff - Pobl, Digidol a Pholisi - Dyddiad: Ebrill 2009, Diweddarwyd EBM/ACE: 14 Ionawr 2010, 3 Ionawr 2023, Chwefror 2025, Adolygwyd: Mai 2025, Dyddiad Adolygu: Ebrill 2028

Datganiad Gyrwyr – Milltiroedd Busnes

Os nad oes gennych drwydded yrru, neu os oes gennych drwydded yrru ond nad ydych yn gyrru mewn unrhyw fodd ar gyfer eich gwaith gallwch ddiystyru’r adran hon.

Os byddwch yn ymgymryd â thaith sy’n gysylltiedig â busnes yn ystod eich cyflogaeth gan ddefnyddio'ch cerbyd personol, rydych yn gyfrifol fel gyrrwr a pherchennog cyfreithiol eich cerbyd am sicrhau bod yr holl ofynion cyfreithiol mewn perthynas â'ch cerbyd yn cael eu bodloni, ni waeth a ydych yn hawlio treuliau busnes ai peidio, e.e. yn y sefyllfa lle nad yw'r daith o'r cartref i'r gweithle yn gadael milltiroedd pellach i'w hawlio.
 
Os ydych yn ymgymryd â thaith sy'n gysylltiedig â busnes ac yn gwneud cais am hawlio milltiroedd drwy MyView ar Resourcelink, gofynnir i chi ddarllen a llofnodi'r datganiad canlynol:

Rwy'n tystio bod:

a) Y Milltiroedd a hawliwyd mewn cysylltiad â busnes y Cyngor Sir yn unig.

b) Gwariant ychwanegol wedi'i ysgwyddo uwchlaw'r gwariant arferol ac mae'n cynrychioli gwariant gwirioneddol, pan fo treuliau cynhaliaeth yn cael eu hawlio.
  
c) Y cerbyd a ddefnyddir mewn perthynas â'r hawliad hwn yn bodloni'r holl ofynion cyfreithiol o ran addasrwydd ar gyfer y ffordd.

d) Gan y cerbyd y lefel briodol o yswiriant sy'n caniatáu defnydd busnes. Mae gan y cerbyd dystysgrif MOT ddilys. Mae gan y cerbyd dreth y car ddilys.

e) Gen i drwydded yrru ddilys sy'n caniatáu i mi yrru'r cerbyd yn gyfreithiol mewn perthynas â'r hawliad hwn.
 
f) Rwy'n deall, drwy ffugio unrhyw wybodaeth a nodir mewn perthynas â'r hawliad, gallai fod yn destun gweithdrefnau disgyblu'r Cyngor.
 
g) Dylid ticio derbynneb TAW i gadarnhau bod derbynneb ar gael ar gyfer y tanwydd a brynwyd am y cyfnod teithio.