Canllawiau Safonau Ymddygiad (Gwerthoedd craidd diwygiedig) - Hydref 2024

Yn yr adran hon

Argraffwch y dudalen hon

Atodiad 2 - Rheoli Perfformiad

Mae'r Awdurdod yn disgwyl i'w holl reolwyr gymhwyso egwyddorion ei Fframwaith Rheoli Perfformiad yn gyson ar draws y sefydliad cyfan er mwyn sicrhau y darperir gwasanaethau cyhoeddus o ansawdd uchel yn effeithiol.

Un o gyfrifoldebau allweddol pob rheolwr yw ymgysylltu â'i dîm, ei arwain a'i gynorthwyo i gyflawni amcanion perfformiad y cytunwyd arnynt drwy'r fframwaith goruchwylio/arfarnu.

Fodd bynnag, drwy'r broses hon bydd adegau pan fydd rheolwr yn nodi gweithiwr unigol sy'n tanberfformio ac yn y sefyllfa hon mae'r Awdurdod yn disgwyl i'r rheolwr reoli a chefnogi'r gweithiwr yn briodol er mwyn iddo wella.

Mae tanberfformiad nad eir i'r afael ag ef yn cael effaith andwyol ar ddarparu gwasanaethau a llwyth gwaith a morâl gweithwyr eraill.

Mae'r wybodaeth a amlinellir isod yn rhan o'r Sefydliad Siartredig Personél a Datblygu sy'n helpu i ddangos y gwahaniaeth rhwng rheoli cadarnhaol a bwlio. Mae'r Awdurdod yn disgwyl i'w reolwyr reoli tanberfformiad yn gadarnhaol.

Mae'r wybodaeth yn cyfeirio'n benodol at berfformiad mewn timau ond yn yr un modd gellir ei defnyddio mewn perthynas ag unigolion.

Rheoli cadarnhaol a bwlio

Yn aml, mae'r bobl sy'n cael eu cyhuddo o fwlio yn ei chael hi'n anodd cydnabod eu bod yn ymddwyn fel bwli neu mewn ffordd ymosodol. Ar y llaw arall, mae rhai rheolwyr yn pryderu am fynd i'r afael â pherfformiad gwael a chael eu cyhuddo o fwlio.

Pan fydd rheolwyr llinell yn gorfod delio â thîm sy'n tanberfformio, rhan o'u rôl yw ysgogi'r tîm i berfformio'n fwy effeithiol. Mae'r broses o gyflwyno newidiadau i'r ffordd y mae timau'n gweithio fel arfer yn cynnwys nifer o feysydd, gan gynnwys gosod safonau, nodi a delio â gwallau a chamgymeriadau, mwy o hyblygrwydd o ran rolau, newid blaenoriaethau a lleihau gwariant afresymol.
Os yw'r newidiadau hyn yn cael eu cyflwyno a'u rheoli'n gywir, gallant wneud y gwelliannau busnes angenrheidiol heb achosi dim neu fawr ddim o drallod i weithwyr. Fodd bynnag, os yw'r rheolwr llinell yn delio â newid yn wael, gall honiadau o fwlio ddigwydd.
Gwahaniaethau rhwng rheoli positif a bwlio wrth reoli timau sy'n perfformio'n wael:

 

Mynd i'r afael â pherfformiad gwael mewn timau Rheoli Cadarnhaol Bwlio
Nodi'r broblem o ran perfformiad.

 

Edrych ar yr holl resymau posibl dros y perfformiad gwael, er enghraifft pobl, systemau, hyfforddiant ac offer.

Dim ymgais i ganfod natur neu wraidd y perfformiad gwael.

 
Gofyn am farn y tîm neu unigolyn er mwyn nodi achos y lefel annerbyniol o ran perfformiad.

 

Mae'r tîm yn cymryd rhan mewn chwilio am ffynhonnell y problemau o ran perfformiad a helpu'r rheolwr i ganfod datrysiadau ar gyfer y tîm cyfan.

 Dim trafodaeth ynghylch achos y diffyg o ran perfformiad neu gyfleoedd i aelodau'r tîm drafod eu hanawsterau.
Cytuno ar safonau newydd o ran perfformiad gyda holl aelodau'r tîm.

 

Gosod safonau o ran perfformiad ac ymddygiad ar gyfer pob aelod o'r tîm a'r rheolwr a chytuno arnynt.

 Gosod safonau newydd heb gynnal trafodaeth tîm ar safonau priodol o ran perfformiad neu ymddygiad.
Cytuno ar y dull o fonitro/archwilio perfformiad y tîm ac amseriad gwneud hyn.

 

Lle bynnag y bo'n bosibl, mae'r tîm neu aelod o'r tîm yn cymryd rhan yn y broses fonitro. Mae canlyniad y gwaith monitro yn cael ei drafod yn agored.

 

Heb gytuno ar safonau, gall y monitro ddigwydd ar unrhyw adeg a gall gynnwys meysydd nad yw aelodau'r tîm yn eu disgwyl.

 
Caiff methu â chyrraedd safonau perfformiad ei drin fel mater o wella perfformiad.

 

Cymerir cyfleoedd i nodi unigolion sy'n ei chael hi'n anodd, a darperir cymorth. Pan fydd unigolion yn amharod i gydymffurfio â'r broses o wella perfformiad y cytunwyd arni, gellir cymryd camau disgyblu.

 

Caiff unigolion sy'n methu â chyrraedd y safonau perfformiad eu rhoi dan bwysau i gydymffurfio. Gallai hyn gynnwys gwawdio, beirniadu, gweiddi, dal manteision yn ôl, diraddio, pryfocio neu watwar.
Cydnabod cyfraniadau cadarnhaol. Cydnabod a gwobrwyo gwelliannau mewn perfformiad, agweddau ac ymddygiadau.

 

Heb unrhyw fonitro, mae'n amhosibl cydnabod lle cafwyd cyfraniadau cadarnhaol. Felly mae gwobrau a chydnabyddiaeth yn fympwyol ac yn agored i ffafriaeth.