Y Polisi a'r Weithdrefn Dileu Swyddi - Ionawr 2024

Yn yr adran hon

9. Mynediad at Bensiwn Llywodraeth Leol
10. Taliadau Sydd eto i'w Gwneud
11. Cymorth Arall
12. Apeliadau
13. Cyngor a Chymorth
14. Monitro'r Polisi Hwn a'r Weithdrefn hon
15. Cyfeiriadau
Atodiad 1 - Cyfnod Diogelu o Ran Dileu Swyddi yn Ystod Beichiogrwydd ac Wrth Ddychwelyd o Absenoldeb Teulu

Atodiad 1 - Cyfnod Diogelu o Ran Dileu Swyddi yn Ystod Beichiogrwydd ac Wrth Ddychwelyd o Absenoldeb Teulu

O 6 Ebrill 2024, bydd gweithwyr sy'n feichiog neu'n dychwelyd ar ôl absenoldeb mamolaeth, absenoldeb mabwysiadu neu absenoldeb rhiant a rennir yn cael statws blaenoriaeth ar gyfer cyfleoedd adleoli pan fydd swyddi'n cael eu dileu.

O dan y gyfraith bresennol, mae gan weithwyr ar absenoldeb mamolaeth, absenoldeb rhiant a rennir neu absenoldeb mabwysiadu ddiogelwch arbennig eisoes pan fydd swyddi'n cael eu dileu. Mae ganddynt yr hawl i gael cynnig swydd wag amgen addas, os oes un ar gael, cyn i'w swyddi gael eu dileu. Mae hyn yn rhoi blaenoriaeth i weithwyr yn ystod y mathau hyn o absenoldeb i gael cyfleoedd adleoli dros weithwyr eraill y mae eu swyddi'n cael eu dileu.

Mae Deddf Diogelu rhag Dileu Swyddi (Absenoldeb Beichiogrwydd a Theulu) 2023 yn ymestyn y statws blaenoriaeth i weithwyr beichiog a'r rhai sydd wedi dychwelyd yn ddiweddar o absenoldeb mamolaeth/mabwysiadu ac absenoldeb rhiant a rennir. Mae'r llywodraeth bellach wedi cyhoeddi'r rheoliadau sy'n nodi sut y bydd yr hawliau newydd yn gweithio'n ymarferol ac yn dod â'r hawliau i rym o 6 Ebrill 2024.

Pwy sy'n cael eu diogelu a phryd?

Hyd y diogelu
Gweithiwr beichiog sy'n cymryd absenoldeb mamolaeth	Dechrau: Pan fydd y cyflogwr wedi cael gwybod am feichiogrwydd Gorffen: 18 mis o ddyddiad geni'r plentyn os caiff ei hysbysu i'r cyflogwr cyn diwedd absenoldeb mamolaeth (neu 18 mis o'r Wythnos Geni Disgwyliedig os na hysbyswyd) (Yn cynnwys unrhyw amser a dreulir yn ystod y cyfnod hwn ar absenoldeb mamolaeth neu absenoldeb statudol arall)
Gweithiwr sydd wedi dioddef camesgoriad	Dechrau: Pan fydd y cyflogwr wedi cael gwybod am feichiogrwydd Gorffen: Bythefnos ar ôl diwedd y beichiogrwydd, ar gyfer beichiogrwydd sy'n dod i ben cyn 24 wythnos. Sylwer: Mae beichiogrwydd sy'n dod i ben ar ôl 24 wythnos yn cael eu hystyried yn farw-enedigaethau a byddai gan y gweithiwr hawl i absenoldeb mamolaeth statudol (gweler uchod).
Gweithwyr yn cymryd absenoldeb mabwysiadu	Dechrau: Dechrau absenoldeb mabwysiadu Gorffen: 18 mis o ddyddiad y lleoliad neu ddyddiad cyrraedd Prydain Fawr (os yw'r plentyn yn cael ei fabwysiadu o wlad dramor). (Yn cynnwys unrhyw amser a dreulir yn ystod y cyfnod hwn ar absenoldeb mabwysiadu neu absenoldeb statudol arall)
Gweithiwr yn cymryd absenoldeb rhiant a rennir	Sylwer: Os yw'r gweithiwr hefyd wedi cymryd absenoldeb mamolaeth neu fabwysiadu, mae'r cyfnodau uchod yn berthnasol yn lle hynny. Dechrau: Dechrau'r absenoldeb rhiant a rennir Gorffen: Os cymerir llai na chwe wythnos o absenoldeb rhiant a rennir, ar ddiwedd yr absenoldeb. Os cymerir mwy na chwe wythnos ddi-dor o absenoldeb rhiant a rennir, 18 mis o ddyddiad geni'r plentyn (gan gynnwys unrhyw amser a dreulir ar absenoldeb statudol).