Polisi Absenoldeb a Thâl Gofal Newyddenedigol - Ebrill 2025
Yn yr adran hon
1. Cyflwyniad
Daw'r Ddeddf Gofal Newyddenedigol (Absenoldeb a Thâl) i rym ar 6 Ebrill 2025.
Mae'r polisi hwn yn nodi hawliau gweithwyr i absenoldeb a thâl gofal newyddenedigol ar ôl genedigaeth neu fabwysiadu plentyn.
Mae absenoldeb gofal newyddenedigol statudol a hawliau eraill hefyd ar gael i weithwyr sy'n rhieni maeth yr awdurdod lleol mewn sefyllfa "maethu i fabwysiadu", neu weithwyr sy'n disgwyl dod yn rhieni cyfreithiol plentyn a anwyd o dan drefniant benthyg croth.
Rydym yn deall ei fod yn brofiad heriol a llawn straen os yw eich plentyn mewn gofal newyddenedigol. Fel sefydliad, rydym wedi ymrwymo i'ch cefnogi a gwneud yr hyn y gallwn i helpu i sicrhau eich bod yn gallu bod wrth ochr eich plentyn gan ofalu am eich iechyd a'ch llesiant eich hun.