Polisi Absenoldeb a Thâl Gofal Newyddenedigol - Ebrill 2025
Yn yr adran hon
- 7. Cymhwysedd ar gyfer Tâl Gofal Newyddenedigol Ychwanegol
- 8. Dechrau eich Absenoldeb Gofal Newyddenedigol
- 9. Newid eich cynlluniau o ran Absenoldeb Gofal Newyddenedigol
- 10. Eich hawliau yn ystod absenoldeb gofal newyddenedigol
- 11. Absenoldeb Statudol Arall
- 12. Sicrhau Triniaeth Gyfartal
10. Eich hawliau yn ystod absenoldeb gofal newyddenedigol
Yn ystod absenoldeb gofal newyddenedigol, bydd holl delerau ac amodau eich contract, heblaw eich cyflog arferol, yn parhau. Byddwch yn cael tâl gofal newyddenedigol ychwanegol os ydych yn gymwys i'w gael, yn lle eich cyflog. Fodd bynnag, bydd buddion eraill, fel eich hawl i wyliau, yn parhau i gronni a bydd cyfraniadau pensiwn yn parhau fel y nodir isod.
Hawl i wyliau
Bydd eich hawl i wyliau yn parhau i gronni yn ystod eich absenoldeb gofal newyddenedigol.
Gall unrhyw wyliau nad ydynt wedi'u cymryd oherwydd absenoldeb gofal newyddenedigol gael eu trosglwyddo i'r flwyddyn wyliau nesaf.
Cyfraniadau pensiwn
Byddwn yn parhau i wneud cyfraniadau pensiwn yn seiliedig ar eich cyflog arferol yn ystod unrhyw gyfnod o absenoldeb gofal newyddenedigol â thâl. Bydd y cyfraniadau y byddwch chi'n eu gwneud yn seiliedig ar y tâl gwirioneddol a gewch yn ystod eich absenoldeb gofal newyddenedigol.
Bydd cyfraniadau pensiwn y sefydliad yn dod i ben yn ystod unrhyw gyfnod o absenoldeb gofal newyddenedigol di-dâl.
Cyswllt yn ystod absenoldeb gofal newyddenedigol
Rydym yn cadw'r hawl i gynnal cyswllt rhesymol â chi yn ystod eich absenoldeb gofal newyddenedigol. Gall hyn fod i drafod eich cynlluniau o ran cymryd absenoldeb, trafod unrhyw drefniadau arbennig er mwyn esmwytho eich amser i ffwrdd o'r gwaith, neu roi gwybod i chi am ddatblygiadau yn y gwaith yn ystod eich absenoldeb.