Datblygiad yr Ymennydd a Chamddefnyddio Sylweddau
Ar gyfer pwy mae'r cwrs?
Pob aelod o staff a allai ddod i gysylltiad â phobl ifanc sy'n defnyddio cyffuriau ac alcohol.
Beth yw'r amcanion?
- Dod i ddeall y newidiadau sy'n digwydd i bobl ifanc yn ystod y glasoed
- Dod yn gyfarwydd â'r sgiliau ar gyfer sgrinio'n sylfaenol ar gyfer sylweddau ac atgyfeirio at wasanaethau priodol
- Ymarfer drwy ddefnyddio technegau ymyrryd
Sut y bydd yn gwneud gwahaniaeth?
Bydd y staff yn cael cyflwyniad i ddatblygiad pobl ifanc yn ystod y glasoed ac i gamddefnyddio sylweddau, a golwg gyffredinol ar ddefnyddio technegau ymyrryd wrth weithio gyda phobl ifanc ym maes camddefnyddio sylweddau.
Dull darparu:
Ar-lein
Hyd y cwrs:
4 Awr
Cost:
Dim Tâl
Sut i gwneud cais:
Os ydych chi'n gweithio i Gyngor Sir Caerfyrddin ac wedi mewngofnodi i ddyfais CSC - cyfrifiadur, gliniadur, llechen neu ffôn clyfar, cwblhewch y ffurflen gais hon.
Os ydych chi'n gweithio i'r Cyngor ond HEB fod â mynediad i ddyfais CSC na chyfeiriad e-bost, bydd angen i'ch rheolwr llinell wneud cais ar eich rhan.
Ni all gweithwyr y Cyngor wneud cais am unrhyw gyrsiau o'u dyfeisiau personol.
Dylai partneriaid, staff asiantaeth neu bobl nad ydynt yn gweithio i'r Cyngor ond sy'n bodloni'r meini prawf o ran mynychu'r cwrs hwn gwblhau'r ffurflen gais hon.
Bydd y system ymgeisio ar-lein dim ond yn dangos cyrsiau sy'n agored i archebu lle arnynt. Os nad yw'r cwrs rydych chi â diddordeb yn ei fynychu ar y rhestr, gallwch gofrestru eich diddordeb drwy gysylltu â'r Tîm Dysgu a Datblygu, e-bost: dysguadatblygu@sirgar.gov.uk.
Gallwch gael rhagor o wybodaeth ynghylch sut i wneud a rheoli eich cais os ydych yn gweithio i'r Cyngor neu gallwch ymweld â'r dudalen hon os nad ydych chi'n gweithio'n uniongyrchol i ni. Mae'n bwysig eich bod chi'n cwblhau'r ffurflen gais gywir ar-lein. Os oes angen unrhyw gymorth neu os oes gennych ymholiad, e-bostiwch y Tîm Dysgu a Datblygu.