Y Ddeddf Galluedd Meddyliol mewn Ymarfer

Ar gyfer pwy mae'r cwrs?

Mae'r cwrs wedi'i anelu at Weithwyr Cymdeithasol, Cynorthwywyr Gwaith Cymdeithasol a gweithwyr proffesiynol Gofal Cymdeithasol mewn lleoliadau cysylltiedig (e.e. cartrefi gofal cofrestredig etc) sy'n dymuno datblygu'r sgiliau angenrheidiol i gynnal asesiadau sy'n benodol i amser ac sy'n benodol i benderfyniad.

Beth yw'r amcanion?

Drwy fynychu'r sesiwn hon, bydd cynrychiolwyr yn cael eu cefnogi i:

  • Ddeall pam, pryd, a sut i asesu galluedd meddyliol.
  • Deall materion caniatȃd cymhleth a sut i symud ymlaen mewn modd atebol, diogel a phriodol os na ellir cael caniatâd ystyrlon.
  • Llunio cwestiwn cywir ar gyfer sail Asesiad Galluedd Meddyliol a gallu penderfynu a oes angen mwy nag un cwestiwn/asesiad.
  • Asesu'r ymatebion a roddir gan ddinasyddion yn hyderus i lywio penderfyniad ynghylch a oes ganddynt y gallu i wneud y penderfyniad hwnnw, gan gynnwys galluedd sy’n amrywio.
  • Penderfynu pwy yw'r penderfynwr mwyaf priodol ar gyfer gwneud pob penderfyniad a sicrhau bod yr ymateb yn gymesur â'r penderfyniad.
  • Defnyddio amrywiaeth o ddulliau cyfathrebu gwahanol a all helpu person i wneud ei benderfyniadau ei hun lle bo hynny'n bosibl.
  • Gwybod pryd a pham i ofyn am gefnogaeth seiciatryddion neu weithwyr proffesiynol eraill.
  • Deall pwysigrwydd cofnodi'r holl wybodaeth yn briodol ac yn unol â'r cod ymarfer a'r Ddeddf.

Sut y bydd yn gwneud gwahaniaeth?

Mae'r sesiwn undydd hon wedi'i chynllunio i adeiladu ar yr hyfforddiant flaenorol, sef Ymwybyddiaeth o’r Ddeddf Galluedd Meddyliol, gan symud y tu hwnt i ddealltwriaeth sylfaenol o'r ddeddfwriaeth i ddatblygu hyder wrth gymhwyso gwybodaeth i ymarfer a gwella sgiliau asesu o dan y fframwaith cyfreithiol hwn.

Dull darparu:

Ar-lein

Hyd y cwrs:

1 Dydd

Cost:

Dim Tâl

Sut i gwneud cais:

Os ydych chi'n gweithio i Gyngor Sir Caerfyrddin ac wedi mewngofnodi i ddyfais CSC - cyfrifiadur, gliniadur, llechen neu ffôn clyfar, cwblhewch y ffurflen gais hon.

Os ydych chi'n gweithio i'r Cyngor ond HEB fod â mynediad i ddyfais CSC na chyfeiriad e-bost, bydd angen i'ch rheolwr llinell wneud cais ar eich rhan.

Ni all gweithwyr y Cyngor wneud cais am unrhyw gyrsiau o'u dyfeisiau personol.

Dylai partneriaid, staff asiantaeth neu bobl nad ydynt yn gweithio i'r Cyngor ond sy'n bodloni'r meini prawf o ran mynychu'r cwrs hwn gwblhau'r ffurflen gais hon.

Bydd y system ymgeisio ar-lein dim ond yn dangos cyrsiau sy'n agored i archebu lle arnynt. Os nad yw'r cwrs rydych chi â diddordeb yn ei fynychu ar y rhestr, gallwch gofrestru eich diddordeb drwy gysylltu â'r Tîm Dysgu a Datblygu, e-bost: dysguadatblygu@sirgar.gov.uk.

Gallwch gael rhagor o wybodaeth ynghylch sut i wneud a rheoli eich cais os ydych yn gweithio i'r Cyngor neu gallwch ymweld â'r dudalen hon os nad ydych chi'n gweithio'n uniongyrchol i ni. Mae'n bwysig eich bod chi'n cwblhau'r ffurflen gais gywir ar-lein. Os oes angen unrhyw gymorth neu os oes gennych ymholiad, e-bostiwch y Tîm Dysgu a Datblygu.