Ymwybyddiaeth o Iechyd Meddwl
Ar gyfer pwy mae'r cwrs?
Y rheiny sydd â fawr ddim dealltwriaeth/profiad o weithio ym maes materion Iechyd Meddwl sydd eisiau datblygu eu hymwybyddiaeth.
Beth yw'r amcanion?
Bydd cyfranogwyr yn:
- Gallu disgrifio'r prif anhwylderau iechyd meddwl y gellir eu diagnosio
- Gallu disgrifio'r prif fathau o driniaethau sydd ar gael
- Bod yn ymwybodol o'r adrannau o'r Ddeddf Iechyd Meddwl a ddefnyddir fwyaf
- Bod yn ymwybodol o'r gwasanaethau sydd ar gael a sut i atgyfeirio iddynt/cysylltu â nhw
- Deall pwysigrwydd cynnal eu hiechyd meddwl eu hunain
Sut y bydd yn gwneud gwahaniaeth?
Bydd y cyfranogwyr yn gallu cefnogi'n well y rheiny sydd â materion iechyd meddwl, ac yn gallu adnabod pan fydd rhywun yn anhwylus.
Dull darparu:
Ar-lein
Hyd y cwrs:
2 Awr
Cost:
Dim Cost
Sut i gwneud cais:
Os ydych chi'n gweithio i Gyngor Sir Caerfyrddin ac wedi mewngofnodi i ddyfais CSC - cyfrifiadur, gliniadur, llechen neu ffôn clyfar, cwblhewch y ffurflen gais hon.
Os ydych chi'n gweithio i'r Cyngor ond HEB fod â mynediad i ddyfais CSC na chyfeiriad e-bost, bydd angen i'ch rheolwr llinell wneud cais ar eich rhan.
Ni all gweithwyr y Cyngor wneud cais am unrhyw gyrsiau o'u dyfeisiau personol.
Ni all partneriaid, staff asiantaeth neu bobl sydd ddim yn gweithio i'r Cyngor gwneud cais am y cwrs hwn.
Bydd y system ymgeisio ar-lein dim ond yn dangos cyrsiau sy'n agored i archebu lle arnynt. Os nad yw'r cwrs rydych chi â diddordeb yn ei fynychu ar y rhestr, gallwch gofrestru eich diddordeb drwy gysylltu â'r Tîm Dysgu a Datblygu, e-bost: dysguadatblygu@sirgar.gov.uk.
Gallwch gael rhagor o wybodaeth ynghylch sut i wneud a rheoli eich cais. Os oes angen unrhyw gymorth neu os oes gennych ymholiad, e-bostiwch y Tîm Dysgu a Datblygu.