Fis Pride LHDTC+

Mae mis Mehefin yn fis Pride LHDTC+!

Pam rydyn ni'n dathlu mis Pride?

Mae Pride yn derm ar gyfer hyrwyddo urddas, cydraddoldeb a mwy o amlygrwydd i bobl LHDTC+. Balchder yw'r prif gymhelliant ar gyfer mudiadau hawliau LHDTC+, yn hytrach na chywilydd a stigma. Mae'n ddathliad o bobl yn dod at ei gilydd mewn cariad a chyfeillgarwch, i ddangos pa mor bell y mae hawliau LHDTC+ wedi dod, a sut mae gwaith i'w wneud o hyd mewn rhai mannau.

Mae Pride yn ymwneud â bod yn falch o bwy ydych chi waeth pwy rydych chi'n ei garu a dod at eich gilydd fel cymuned. Mae rhai ohonom yn ystyried ein hunain yn LHDTC+. Mae hyn yn golygu y gallwn fod yn lesbiaidd, hoyw, deurywiol, traws, rhyngryw, anneuaidd, cwiar neu ansicr ac ati.

LHDTC+ ac Iechyd Meddwl a Llesiant

Gall unrhyw un brofi problem iechyd meddwl. Ond mae'r rhai ohonom sy'n LHDTC+ yn fwy tebygol o ddatblygu:

• 
  Diffyg hunan-barch
• 
  Iselder
• 
  Gorbryder, gan gynnwys gorbryder cymdeithasol
• 
  Problemau bwyta
• 
  Camddefnyddio cyffuriau ac alcohol
• 
  Hunan-niweidio
• 
  Teimladau hunanladdol
• 
  Problemau iechyd meddwl eraill.

 

Nid yw bod yn LHDTC+ yn achosi'r problemau hyn.

Mae'r rhesymau pam mae'r rhai ohonom sydd â hunaniaeth LHDTC+ yn fwy tebygol o brofi'r problemau hyn yn gymhleth iawn. Ond mae'n fwyaf tebygol o ymwneud â wynebu pethau fel:

• Homoffobia, deuffobia a thrawsffobia.
• 
  Stigma a gwahaniaethu.
• 
  Profiadau anodd o ddod allan.
• 
  Arwahanrwydd cymdeithasol, eithrio a gwrthodiad. Gall unrhyw un brofi problem iechyd meddwl.

Ond rydym yn gwybod y gallai'r rheiny ohonom sydd â hunaniaeth LHDTC+ wynebu heriau ychwanegol o ran cael y cymorth cywir.

Mae yna grŵp LHDTC+ mewnol sy'n cwrdd yn fisol ar sail anffurfiol, mae'r grŵp hwn ar gyfer unrhyw un sy'n ystyried eu bod yn LHDTC+. Mae'r cyfarfod nesaf yn cael ei gynnal ddydd Mercher 26 Mehefin am 13:30, dilynwch y ddolen gyswllt hon i'ch ychwanegu at eich calendr Outlook.

I gael rhagor o wybodaeth a chymorth, ewch i'n tudalennau Cymorth a Chefnogaeth  LHDTRCA+ ar ein mewnrwyd a gweler y polisi Adnoddau Dynol Cefnogi Staff Lesbiaidd, Hoyw a Deurywiol. Os oes unrhyw ymholiadau gennych, mae croeso i chi e-bostio iechydadiogelwch@sirgar.gov.uk

Erthygl gan: Tim Iechyd a Llesiant