Y Polisi a’r Weithdrefn Disgyblu - Chwefror 2021
Yn yr adran hon
- 10. Achwyniadau a Godwyd yn Ystod Achos Disgyblu
- 11. Swyddogion yr Undeb Llafur
- 12. Cyhuddiadau Troseddol a Rhybuddion neu Euogfarnau y tu allan i'r Gwaith
- 13. Apeliadau
- 14. Cadw Cofnodion
- 15. Monitro’r Polisi a’r Weithdrefn
- 16. Cydraddoldebau
- 17. Rôl y Cydymaith yn ystod y Broses Ddisgyblu ac Achwyniadau
1. Cyflwyniad
• Mae Rheolau a Gweithdrefnau Disgyblu yn helpu i gefnogi cysylltiadau gweithwyr yn ogystal â thegwch a chysondeb wrth drin gweithwyr. Bwriad y Weithdrefn hon yw helpu ac annog yr holl weithwyr i gyflawni a chynnal safonau uchel o ran ymddygiad a phresenoldeb yn y gweithle.
• Nid yw'r polisi a'r weithdrefn disgyblu yn delio ag absenoldeb salwch (ac eithrio absenoldeb heb ei awdurdodi a chamddefnyddio'r Cynllun Absenoldeb Salwch), perfformiad / galluogrwydd gwaith, dileu swyddi neu ymchwiliadau bwlio ac aflonyddu, y mae'r Polisi Rheoli Absenoldeb Salwch, Polisi Galluogrwydd, Polisi Dileu Swyddi a Pholisi Urddas yn y Gwaith yn delio â phob un ohonynt.
• Ceir crynodeb o’r rheolau yn ymwneud ag ymddygiad a phresenoldeb gweithwyr yn y contract cyflogaeth, Cod Ymddygiad Gweithwyr, Codau Ymarfer a Safonau Proffesiynol ar gyfer galwedigaethau penodol, y Canllaw i Weithwyr, y Weithdrefn hon a dogfennaeth gysylltiol.
• Mae’r Weithdrefn hon yn adlewyrchu’r canllawiau a nodwyd yng Nghod Ymarfer ACAS ar Weithdrefnau Disgyblu ac Achwyniadau.