Gweithio Cydweithredol - Gweithdy Datblygu Blwyddyn Gyntaf yn Ymarfer
Ar gyfer pwy mae'r cwrs?
Mae'r cwrs hyfforddi hwn yn ddigwyddiad undydd ac mae'n un o'r sesiynau hyfforddi gorfodol ar gyfer Gweithwyr Cymdeithasol Newydd Gymhwyso yn eu Blwyddyn Gyntaf o Ymarfer. Mae hefyd yn rhan bwysig o drefniadau paratoadol ar gyfer gweithwyr cymdeithasol a fydd yn cwblhau'r Rhaglen Gadarnhau yn ystod eu hail flwyddyn o ymarfer.
Beth yw'r amcanion?
- Archwilio'r gwerthoedd a'r egwyddorion sy'n sail i weithio ar y cyd â phobl sydd angen gofal a chefnogaeth.
- Datblygu dealltwriaeth o'r hyn a olygir drwy weithio ar y cyd / cydgynhyrchu gwaith.
- Ystyried sut y mae sgiliau cyfathrebu effeithiol yn sail i hyn.
- Archwilio'r heriau a all wynebu staff wrth gymryd agwedd gydweithredol.
- Ystyried pwysigrwydd hunan ymwybyddiaeth, myfyrio a meddwl yn feirniadol wrth weithio ar y cyd.
Sut y bydd yn gwneud gwahaniaeth?
Bydd gan weithwyr cymdeithasol newydd gymhwyso ddealltwriaeth well o'r cyd-destun ar gyfer ymarfer gwaith cymdeithasol. Bydd ganddynt y wybodaeth i ddatblygu sgiliau a strategaethau ar gyfer cydweithio proffesiynol a gweithio mewn partneriaeth.
Dull darparu:
Ystafell Ddosbarth
Hyd y cwrs:
1 Diwrnod
Cost:
Dim Cost
Sut i gwneud cais:
Os ydych chi'n gweithio i Gyngor Sir Caerfyrddin ac wedi mewngofnodi i ddyfais CSC - cyfrifiadur, gliniadur, llechen neu ffôn clyfar, cwblhewch y ffurflen gais hon.
Os ydych chi'n gweithio i'r Cyngor ond HEB fod â mynediad i ddyfais CSC na chyfeiriad e-bost, bydd angen i'ch rheolwr llinell wneud cais ar eich rhan.
Ni all gweithwyr y Cyngor wneud cais am unrhyw gyrsiau o'u dyfeisiau personol.
Ni all partneriaid, staff asiantaeth neu bobl sydd ddim yn gweithio i'r Cyngor gwneud cais am y cwrs hwn.
Bydd y system ymgeisio ar-lein dim ond yn dangos cyrsiau sy'n agored i archebu lle arnynt. Os nad yw'r cwrs rydych chi â diddordeb yn ei fynychu ar y rhestr, gallwch gofrestru eich diddordeb drwy gysylltu â'r Tîm Dysgu a Datblygu, e-bost: dysguadatblygu@sirgar.gov.uk.
Gallwch gael rhagor o wybodaeth ynghylch sut i wneud a rheoli eich cais. Os oes angen unrhyw gymorth neu os oes gennych ymholiad, e-bostiwch y Tîm Dysgu a Datblygu.