Hyfforddiant Ymwybyddiaeth o Bobl Drawsryweddol ac Anneuaidd
Ar gyfer pwy mae'r cwrs?
Staff gwaith cymdeithasol mewn Timau Cymunedol Anableddau Dysgu ac yn y Tîm Anabledd 0-25. Bydd ceisiadau hefyd yn cael eu derbyn gan staff gwaith cymdeithasol mewn timau eraill sy'n cynnig gwasanaethau i oedolion, a chynigir lleoedd, os byddant ar gael, ar ôl y dyddiad cau.
Beth yw'r amcanion?
Nod yr hyfforddiant hwn yw datblygu gwell dealltwriaeth o brofiadau pobl drawsryweddol ac anneuaidd a mwy o wybodaeth am ffyrdd o gynnig cymorth effeithiol. Yn benodol, bydd yn cynnig y canlynol:
- Cyfle i ailystyried cysyniadau sy'n berthnasol i arferion gwrthwahaniaethol a gwrth-ormesol
- Ystyried mythau, rhagdybiaethau ac ystrydebau ynghylch pobl drawsryweddol ac anneuaidd
- Gwybodaeth am yr heriau beunyddiol a brofir gan bobl drawsryweddol ac anneuaidd
- Gwybodaeth am ba mor gyffredin yw gwahaniaethu a throseddau casineb a brofir gan bobl drawsryweddol ac anneuaidd
- Ystyried y defnydd o iaith a therminoleg briodol
- Ystyried deddfwriaeth berthnasol a'i rôl wrth amddiffyn hawliau pobl drawsryweddol ac anneuaidd
- Ystyried yr arferion gorau o ran cynnwys a grymuso pobl drawsryweddol ac anneuaidd
Sut y bydd yn gwneud gwahaniaeth?
Bydd yr hyfforddiant yn cynnig y wybodaeth sydd ei hangen ar weithwyr cymdeithasol i gynnig cymorth mwy effeithiol i bobl drawsryweddol ac anneuaidd.
Dull darparu:
Ystafell Ddosbarth
Hyd y cwrs:
1 Diwrnod
Cost:
Dim Cost
Sut i gwneud cais:
Os ydych chi'n gweithio i Gyngor Sir Caerfyrddin ac wedi mewngofnodi i ddyfais CSC - cyfrifiadur, gliniadur, llechen neu ffôn clyfar, cwblhewch y ffurflen gais hon.
Os ydych chi'n gweithio i'r Cyngor ond HEB fod â mynediad i ddyfais CSC na chyfeiriad e-bost, bydd angen i'ch rheolwr llinell wneud cais ar eich rhan.
Ni all gweithwyr y Cyngor wneud cais am unrhyw gyrsiau o'u dyfeisiau personol.
Ni all partneriaid, staff asiantaeth neu bobl sydd ddim yn gweithio i'r Cyngor gwneud cais am y cwrs hwn.
Bydd y system ymgeisio ar-lein dim ond yn dangos cyrsiau sy'n agored i archebu lle arnynt. Os nad yw'r cwrs rydych chi â diddordeb yn ei fynychu ar y rhestr, gallwch gofrestru eich diddordeb drwy gysylltu â'r Tîm Dysgu a Datblygu, e-bost: dysguadatblygu@sirgar.gov.uk.
Gallwch gael rhagor o wybodaeth ynghylch sut i wneud a rheoli eich cais. Os oes angen unrhyw gymorth neu os oes gennych ymholiad, e-bostiwch y Tîm Dysgu a Datblygu.