Proses Llys / Tystiolaeth Orau /Proses PLO

Ar gyfer pwy mae'r cwrs?

Gweithwyr Cymdeithasol Cymwys yn y Gwasanaethau Plant.

Beth yw'r amcanion?

Diwrnod 1

  • Diweddariad Gweithgor Cyfraith Gyhoeddus 2021 a newidiadau i’r PLO ail-lansio 2023 a sut y mae'r Llysoedd yn disgwyl i hyn effeithio ar Ymarfer Gwaith Cymdeithasol cyn yr achosion, yn ystod achosion ac mewn perthynas â Cheisiadau Gwarcheidiaeth Arbennig.
  • Bydd Gweithwyr Cymdeithasol yn cael eu harwain drwy'r broses Cyn Achosion, gan symud ymlaen o weithio gyda theulu o dan Gynllun Gofal a Chymorth i gyhoeddi achosion.
  • Bydd Gweithwyr Cymdeithasol yn cael canllawiau ar baratoi'n effeithiol ar gyfer Cyfarfodydd Porth Cyfreithiol, gan gynnwys paratoi'r crynodeb a strategaeth rheoli risg effeithiol a pha dystiolaeth sydd ei hangen ar gyfer cyhoeddi achosion.
  • Bydd Gweithwyr Cymdeithasol yn cael eu harwain ar sut i gasglu a pharatoi tystiolaeth effeithiol o gasglu tystiolaeth bwrpasol wrth weithio gyda theulu o dan Gynllun Gofal a Chymorth, i baratoi eich ceisiadau a thystiolaeth ategol ar gyfer y llys. Bydd hyn yn cynnwys Datganiadau/Cynllunio Gofal/Asesiadau Rhianta/R-BS (Ymarfer Cydbwyso)/Meini Prawf Baker/S37/S7.
  • Rhoddir arweiniad i weithwyr cymdeithasol ar bwysigrwydd triongli gwybodaeth a gesglir i greu dadansoddiad cryf sy'n seiliedig ar dystiolaeth.

Diwrnod 2

  • Bydd Gweithwyr Cymdeithasol yn cael eu harwain drwy broses y Llys o'r dechrau i'r diwedd gan dîm o Fargyfreithwyr lleol a'r tîm cyfreithiol mewnol.
  • Rhoddir canllawiau ar y dystiolaeth y bydd angen i Weithiwr Cymdeithasol ei darparu lle mae'r cynllun gofal yn nodi y bydd plentyn yn cael ei wahanu wrth ei rieni a lle mae'r cynllun gofal ar gyfer Gorchymyn Gofal Interim ond nid ei symud.
  • Rhoddir canllawiau ar wahanol rolau bargyfreithiwr ym mhob gwrandawiad llys.
  • Rhoddir canllawiau ar y dystiolaeth y bydd angen i Weithiwr Cymdeithasol ei darparu mewn gwrandawiad terfynol, sy'n cwmpasu diben arholiad yn y prif holiad a'r croesholi.
  • Wedyn bydd Gweithwyr Cymdeithasol yn cael cyfle i gymryd rhan lawn ac arsylwi ar y gwahaniaeth ymarferol mewn perthynas â rhoi tystiolaeth Gwaith Cymdeithasol mewn gwrandawiad terfynol. Bydd hyn yn cynnwys y prif holiad yn bennaf gan Fargyfreithiwr yr ALl i groesholi gan Fargyfreithiwr y rhieni a'r Gwarcheidwad. .
  • Bydd gan weithwyr cymdeithasol well dealltwriaeth o sut y defnyddir tystiolaeth yn ystod proses y Llys, gan gysylltu â'r diwrnod hyfforddiant blaenorol.

Sut y bydd yn gwneud gwahaniaeth?

Bydd Gweithwyr Cymdeithasol yn meithrin y sgiliau sydd eu hangen i reoli achos yn hyderus drwy Achosion Teuluol, yn ogystal â datblygu eu sgiliau a'u hyder o ran darparu tystiolaeth ar lafar ac yn ysgrifenedig i'r Llys.

Dull darparu:

Ystafell Ddosbarth

Hyd y cwrs:

2 Diwrnod

Cost:

Dim Tâl

Sut i gwneud cais:

Os ydych chi'n gweithio i Gyngor Sir Caerfyrddin ac wedi mewngofnodi i ddyfais CSC - cyfrifiadur, gliniadur, llechen neu ffôn clyfar, cwblhewch y ffurflen gais hon.

Os ydych chi'n gweithio i'r Cyngor ond HEB fod â mynediad i ddyfais CSC na chyfeiriad e-bost, bydd angen i'ch rheolwr llinell wneud cais ar eich rhan.

Ni all gweithwyr y Cyngor wneud cais am unrhyw gyrsiau o'u dyfeisiau personol.

Ni all partneriaid, staff asiantaeth neu bobl sydd ddim yn gweithio i'r Cyngor gwneud cais am y cwrs hwn.

Bydd y system ymgeisio ar-lein dim ond yn dangos cyrsiau sy'n agored i archebu lle arnynt. Os nad yw'r cwrs rydych chi â diddordeb yn ei fynychu ar y rhestr, gallwch gofrestru eich diddordeb drwy gysylltu â'r Tîm Dysgu a Datblygu, e-bost: dysguadatblygu@sirgar.gov.uk.

Gallwch gael rhagor o wybodaeth ynghylch sut i wneud a rheoli eich cais. Os oes angen unrhyw gymorth neu os oes gennych ymholiad, e-bostiwch y Tîm Dysgu a Datblygu.