Mentorio Gweithwyr Cymdeithasol yn eu Blwyddyn Gyntaf Mewn Ymarfer
Ar gyfer pwy mae'r cwrs?
Gweithwyr Cymdeithasol Cymwysedig sydd ag o leiaf 3 blynedd o brofiad ôl-gymhwyso, Uwch-ymarferwyr Gwaith Cymdeithasol, Arweinwyr Proffesiynol a Rheolwyr Tîm (sy'n gymwysedig i weithio ym maes Gwaith Cymdeithasol) sy'n dymuno bod yn fentoriaid i weithwyr cymdeithasol newydd gymhwyso sydd yn eu blwyddyn gyntaf o ymarfer.
Beth yw'r amcanion?
- Rôl a Diben Mentora - bydd y cyfranogwyr yn deall gofynion Gofal Cymdeithasol Cymru ar gyfer y Flwyddyn Gyntaf o Ymarfer, cyfrifoldebau, datblygu cymhwysedd a meithrin hyder a'r cysylltiadau â safonau galwedigaethol a Chodau Ymarfer Proffesiynol Gofal Cymdeithasol.
- Egwyddorion Mentora – bydd y cyfranogwyr yn deall y broses, y gwerthoedd a'r berthynas rhwng goruchwylio, hyfforddi a mentora. Byddant yn deall ac yn rheoli ffiniau, a fydd yn cymell ac yn grymuso'r mentorai.
- Rhoi Mentora ar Waith – bydd y cyfranogwyr yn deall y sgiliau sy'n gysylltiedig â mentora gan gynnwys rhyngweithio, gwrando, hwyluso, hybu rhwydweithiau, paratoi, hunanwerthuso a phennu amcanion.
- Y Contract Mentora - bydd y cyfranogwyr yn deall diben y contract mentora a'r wybodaeth y dylid ei chynnwys ar gyfer y mentor a'r mentorai.
Sut y bydd yn gwneud gwahaniaeth?
Bydd y mentoriaid yn datblygu gwybodaeth a dealltwriaeth yn ymwneud â'r broses fentora a fydd yn eu galluogi i wneud y defnydd mwyaf effeithiol o'r rôl fentora er mwyn cefnogi datblygiad gweithwyr cymdeithasol newydd gymhwyso.
Dull darparu:
Ar-lein
Hyd y cwrs:
1 Diwrnod
Cost:
Dim tâl
Sut i gwneud cais:
Os ydych chi'n gweithio i Gyngor Sir Caerfyrddin ac wedi mewngofnodi i ddyfais CSC - cyfrifiadur, gliniadur, llechen neu ffôn clyfar, cwblhewch y ffurflen gais hon.
Os ydych chi'n gweithio i'r Cyngor ond HEB fod â mynediad i ddyfais CSC na chyfeiriad e-bost, bydd angen i'ch rheolwr llinell wneud cais ar eich rhan.
Ni all gweithwyr y Cyngor wneud cais am unrhyw gyrsiau o'u dyfeisiau personol.
Ni all partneriaid, staff asiantaeth neu bobl sydd ddim yn gweithio i'r Cyngor gwneud cais am y cwrs hwn.
Bydd y system ymgeisio ar-lein dim ond yn dangos cyrsiau sy'n agored i archebu lle arnynt. Os nad yw'r cwrs rydych chi â diddordeb yn ei fynychu ar y rhestr, gallwch gofrestru eich diddordeb drwy gysylltu â'r Tîm Dysgu a Datblygu, e-bost: dysguadatblygu@sirgar.gov.uk.
Gallwch gael rhagor o wybodaeth ynghylch sut i wneud a rheoli eich cais. Os oes angen unrhyw gymorth neu os oes gennych ymholiad, e-bostiwch y Tîm Dysgu a Datblygu.