Llunio Adroddiadau a Chofnodi Achosion
Ar gyfer pwy mae'r cwrs?
Bydd staff gwaith cymdeithasol mewn Timau Adnoddau Cymunedol yn cael blaenoriaeth ond bydd ceisiadau hefyd yn cael eu derbyn gan staff gwaith cymdeithasol mewn timau eraill sy'n cynnig gwasanaethau i oedolion.
Beth yw'r amcanion?
Nod yr hyfforddiant yw datblygu gwybodaeth a sgiliau staff mewn perthynas â llunio adroddiadau a chofnodion achosion effeithiol. Yn benodol, bydd yn helpu staff i:
- Ysgrifennu'n hyderus fel sy'n ofynnol gan God Ymarfer Deddf Gwasanaethau Cymdeithasol a Llesiant (Cymru)
- Ysgrifennu am alluedd yn effeithiol gan ddefnyddio iaith briodol o Ddeddf Galluedd Meddyliol 2005.
- Ysgrifennu'n hyderus am ddiogelu a risg, gan ddefnyddio iaith sy'n ystyrlon ar gyfer y broses rheoli risg.
- Ysgrifennu'n broffesiynol, yn gryno, yn gywir ac yn glir at ddibenion atebolrwydd.
- Mynegi rhesymau a phenderfyniadau yn glir.
Sut y bydd yn gwneud gwahaniaeth?
Bydd yr hyfforddiant yn helpu'r rhai sy'n cymryd rhan i lunio adroddiadau a chofnodion achosion cywir a llawn gwybodaeth sy'n bodloni gofynion cyfreithiol.
Dull darparu:
Ar-lein
Hyd y cwrs:
1 Diwrnod
Cost:
Dim Cost
Sut i gwneud cais:
Os ydych chi'n gweithio i Gyngor Sir Caerfyrddin ac wedi mewngofnodi i ddyfais CSC - cyfrifiadur, gliniadur, llechen neu ffôn clyfar, cwblhewch y ffurflen gais hon.
Os ydych chi'n gweithio i'r Cyngor ond HEB fod â mynediad i ddyfais CSC na chyfeiriad e-bost, bydd angen i'ch rheolwr llinell wneud cais ar eich rhan.
Ni all gweithwyr y Cyngor wneud cais am unrhyw gyrsiau o'u dyfeisiau personol.
Ni all partneriaid, staff asiantaeth neu bobl sydd ddim yn gweithio i'r Cyngor gwneud cais am y cwrs hwn.
Bydd y system ymgeisio ar-lein dim ond yn dangos cyrsiau sy'n agored i archebu lle arnynt. Os nad yw'r cwrs rydych chi â diddordeb yn ei fynychu ar y rhestr, gallwch gofrestru eich diddordeb drwy gysylltu â'r Tîm Dysgu a Datblygu, e-bost: dysguadatblygu@sirgar.gov.uk.
Gallwch gael rhagor o wybodaeth ynghylch sut i wneud a rheoli eich cais. Os oes angen unrhyw gymorth neu os oes gennych ymholiad, e-bostiwch y Tîm Dysgu a Datblygu.