Awtistiaeth, Syndrom Asperger a Chamddefnyddio Sylweddau
Ar gyfer pwy mae'r cwrs?
Staff gwaith cymdeithasol yn y Tîm Camddefnyddio Sylweddau. Bydd lleoedd dros ben yn cael eu cynnig i staff yn y Timau Iechyd Meddwl Cymunedol, y Timau Cymunedol Anableddau Dysgu, ac yn y Gwasanaeth Anableddau 0-25.
Beth yw'r amcanion?
Datblygu gwybodaeth cyfranogwyr am y cydberthynas rhwng awtistiaeth, Syndrom Asperger a chamddefnyddio sylweddau. Bydd y rhaglen yn cynnwys y canlynol:
- Sesiwn ddiweddaru am awtistiaeth a Syndrom Asperger
- Strategaethau cyfathrebu effeithiol
- Awtistiaeth/Syndrom Asperger a'r perygl o gamddefnyddio sylweddau
- Effaith camddefnyddio sylweddau ar bobl sydd ag awtistiaeth/Syndrom Asperger
- Awtistiaeth/Syndrom Asperger - iechyd meddwl a chamddefnyddio sylweddau
- Triniaethau
- Strategaethau i reoli camddefnyddio sylweddau ymysg unigolion ag awtistiaeth/Syndrom Asperger
Sut y bydd yn gwneud gwahaniaeth?
Bydd yn cynorthwyo gweithwyr cymdeithasol i ymarfer yn effeithiol wrth gefnogi pobl ag awtistiaeth/Syndrom Asperger sydd hefyd yn camddefnyddio sylweddau
Dull darparu:
Ar-lein
Hyd y cwrs:
1 Diwrnod
Cost:
Dim Tâl
Sut i gwneud cais:
Os ydych chi'n gweithio i Gyngor Sir Caerfyrddin ac wedi mewngofnodi i ddyfais CSC - cyfrifiadur, gliniadur, llechen neu ffôn clyfar, cwblhewch y ffurflen gais hon.
Os ydych chi'n gweithio i'r Cyngor ond HEB fod â mynediad i ddyfais CSC na chyfeiriad e-bost, bydd angen i'ch rheolwr llinell wneud cais ar eich rhan.
Ni all gweithwyr y Cyngor wneud cais am unrhyw gyrsiau o'u dyfeisiau personol.
Ni all partneriaid, staff asiantaeth neu bobl sydd ddim yn gweithio i'r Cyngor gwneud cais am y cwrs hwn.
Bydd y system ymgeisio ar-lein dim ond yn dangos cyrsiau sy'n agored i archebu lle arnynt. Os nad yw'r cwrs rydych chi â diddordeb yn ei fynychu ar y rhestr, gallwch gofrestru eich diddordeb drwy gysylltu â'r Tîm Dysgu a Datblygu, e-bost: dysguadatblygu@sirgar.gov.uk.
Gallwch gael rhagor o wybodaeth ynghylch sut i wneud a rheoli eich cais. Os oes angen unrhyw gymorth neu os oes gennych ymholiad, e-bostiwch y Tîm Dysgu a Datblygu.