Ffair Iechyd a Lles
2 diwrnod yn ôl
Ffair Iechyd a Lles
29 Medi – 8 Hydref
Rydym yn gyffrous i gyhoeddi ein Ffair Iechyd a Lles sydd ar ddod, a gynhelir rhwng 29 Medi ac 8 Hydref, gyda rhaglen wych o sesiynau wedi'u cynllunio i gefnogi eich iechyd, eich lles a'ch bywyd bob dydd.
Mae'r Ffair yn agored i holl staff Cyngor Sir Caerfyrddin, ac rydym yn falch iawn o groesawu ystod o siaradwyr gwadd a sefydliadau gwych a fydd yn rhannu eu gwybodaeth, eu cyngor a'u cefnogaeth ymarferol gyda chi.
Bydd rhywbeth at ddant pawb, gyda sesiynau yn ymdrin ag ystod o bynciau lles corfforol, emosiynol a phersonol, gan gynnwys:
Deiet a Maeth
Cyngor ymarferol ar fwyta'n iach, cynnal lefelau egni a chefnogi'ch lles trwy faeth bob dydd.
Ymwybyddiaeth ofalgar
Technegau syml ac ymarferol i helpu i leihau straen, gwella ffocws a chefnogi eich lles yn y gwaith ac yn y cartref.
Ffrwythlondeb ac Endometriosis
Gwybodaeth ac ymwybyddiaeth ynghylch ffrwythlondeb ac endometriosis, gan gynnwys sut y gall y profiadau hyn effeithio ar bobl yn y gwaith ac yn y cartref, a'r cymorth sydd ar gael.
Ymwybyddiaeth o alar gyda Marie Curie
Helpu staff a rheolwyr i ddeall galar yn well, ei effaith bosibl yn y gweithle a sut y gallwn ddarparu cymorth priodol i gydweithwyr sy'n profi profedigaeth.
Hygyrch i bawb
Rydym am wneud y Ffair mor hygyrch â phosibl, felly bydd pob sesiwn yn cael ei gyflwyno ar-lein trwy Microsoft Teams. Mae hyn yn golygu y gallwch ymuno o ble bynnag rydych chi'n gweithio, heb orfod teithio.
Bydd sesiynau hefyd yn cael eu recordio, lle bo hynny'n briodol, felly os na allwch fynychu'n fyw, byddwch yn dal i gael y cyfle i gael mynediad at y wybodaeth wedyn.
Cadwch lygad am y rhaglen lawn o sesiynau a manylion ymuno, sydd ar gael yma.
Rydym yn gobeithio y byddwch chi'n manteisio ar y cyfle i ymuno â ni, dysgu rhywbeth newydd a gwneud eich lles yn flaenoriaeth. Edrychwn ymlaen at eich gweld yno!
I gael rhagor o wybodaeth i gefnogi eich lles, gwnewch yn siŵr eich bod yn ymweld â'n tudalennau Iechyd a Lles neu e-bostiwch: Health&wellbeing@carmarthenshire.gov.uk