Polisi Rheoli Straen ac Iechyd Meddwl yn y Gweithle 2026-2029
Yn yr adran hon
Pwrpas
Pwrpas y polisi yw darparu gwybodaeth am straen ac iechyd meddwl, eu symptomau a'u hachosion posibl, a sut y gellir eu rheoli yn y gweithle. Mae gan y Cyngor ddyletswydd gofal hefyd i sicrhau nad yw'n rhoi unrhyw weithiwr mewn sefyllfa sy'n peryglu ei allu i gynnal ei lesiant meddyliol a chorfforol. Felly, mae'n ystyriaeth allweddol i'r Cyngor, o ran iechyd a diogelwch gweithwyr, rheoli absenoldeb salwch, morâl gweithwyr a chysylltiadau â gweithwyr, bod straen ac iechyd meddwl yn y gweithle yn cael eu rheoli'n effeithiol.
Bydd y polisi hwn yn cynorthwyo Rheolwyr a Goruchwylwyr i gydnabod y gall straen a salwch sy'n gysylltiedig ag iechyd meddwl leihau gallu gweithwyr i gyfrannu'n llawn at ddisgwyliadau eu rôl o fewn y Cyngor a bydd yn helpu i gydnabod a rheoli straen ac iechyd meddwl yn y gweithle.