Disgwyliadau a Chydnabyddiaeth

• Help gyda benthyciadau: Rydym bellach wedi creu partneriaeth gyda Salary Finance, darparwr llesiant ariannol sy'n cynnig mynediad at fenthyciadau fforddiadwy a ad-delir drwy eich cyflog, blaendaliadau ar dâl a enillir ac addysg ariannol am ddim.
• Cynllun buddion staff: mae 3,505 o aelodau staff eisoes wedi ymuno â’n Cynllun buddion Staff, dan reolaeth Terry Berry. Mae'r rhaglen wych hon yn mynd o nerth i nerth gyda manwerthwyr cenedlaethol yn ychwanegu gostyngiadau newydd yn rheolaidd. Os ydych chi wedi cofrestru, byddwch yn derbyn e-bost bob tro y bydd gostyngiad newydd ar gael. Heb gofrestru eto? Peidiwch â cholli'r cyfle hwn! Cofrestrwch yma -  (buddionstaffcsg.co.uk). O ran y dyfodol, rydym hefyd yn archwilio ffyrdd o gynnwys gostyngiadau gan gwmnïau lleol, gan ychwanegu hyd yn oed mwy o werth at eich buddion.
• Cynllunio ar gyfer eich ymddeoliad: Rydym bellach yn gweithio gyda My Money Matters i’ch helpu i adeiladu cynilion ychwanegol ochr yn ochr â’ch Cynllun Pensiwn Llywodraeth Leol (a elwir hefyd yn gyfraniadau gwirfoddol ychwanegol – AVCs). Mae Rhannu Cost Cyfraniadau Gwirfoddol Ychwanegol yn gadael i chi adeiladu cronfa ychwanegol o arian ochr yn ochr â'ch pensiwn. Mae'r cyfraniadau hyn wedi'u heithrio rhag Treth Incwm a chyfraniadau Yswiriant Gwladol (CYG), ac mae'n bosibl y gallwch gymryd y cyfan fel cyfandaliad di-dreth pan fyddwch yn ymddeol. Nid yw byth yn rhy gynnar i ddechrau paratoi ar gyfer eich ymddeoliad. Ewch i'w gwefan My Money Matters i ddysgu mwy am yr ystod lawn o fanteision sydd ar gael i chi fel cyflogai Cyngor Sir Caerfyrddin.
• Diweddariadau ynghylch Polisïau Adnoddau Dynol: Eleni, rydym wedi gwneud rhai diweddariadau gwych i’n polisïau Adnoddau Dynol! Mae’r newidiadau hyn yn agor drysau i lawer o hawliau, gan wella’ch hawliau o ran absenoldeb tadolaeth, absenoldeb gofalwr, dileu swydd a gweithio hyblyg. Dysgwch fwy drwy ymweld â tudalennau Adnoddau Dynol ar ein Mewnrwyd neu drwy siarad â'ch rheolwr neu aelod o'n tîm Adnoddau Dynol.

Eleni, rydym yn falch o gyflwyno'r Gwobrau Dysgu a Datblygu. Mae'r gwobrau hyn yn cael eu cyflwyno i gydnabod ymroddiad a gwaith caled ein staff sydd wedi dangos ymrwymiad cryf i ddysgu a thwf proffesiynol. P'un ai drwy gyflawniadau academaidd neu ddatblygiad personol, rydym yn falch o gydnabod yr unigolion hyn. Hoffech chi gael gwybod mwy? Ewch i'n tudalen fewnrwyd Gwobrau Dysgu a Datblygu i gael gwybodaeth. A chadwch lygad am y newyddion diweddaraf am y digwyddiad gwobrau a fydd yn cael ei gynnal yn ddiweddarach eleni.

Lansiwyd ein Fframwaith newydd ym mis Tachwedd 2023 sydd â thudalen fewnrwyd bwrpasol, “Un Cyngor – Ein Gwerthoedd a’n Hymddygiadau Craidd.” Mae llawer o'n rheolwyr gwasanaeth bellach yn defnyddio'r fframwaith yn ystod gweithgareddau recriwtio gwasanaethau ac arfarniadau, gan ei wneud yn rhan annatod o'r ffordd y maent yn gweithredu.

Rydym wedi cytuno ar gynllun i adolygu ein system arfarnu. Yn ddiweddarach eleni, byddwn yn siarad â staff a rheolwyr i gael eu syniadau a dod o hyd i ffyrdd o’i gwella. Ein nod yw sicrhau bod arfarniadau yn fwy effeithiol a chefnogol i bawb. Cadwch olwg am ddiweddariadau pellach a ffyrdd o gymryd rhan.

Ar ôl cwblhau ein hadolygiad o’r fframwaith arfarnu, a fydd yn cynnwys casglu adborth gan staff a rheolwyr, byddwn yn symud ymlaen i’r cam nesaf. Bydd hyn yn cynnwys archwilio sut yr ydym yn defnyddio MyView i gofnodi a monitro gweithgareddau yn effeithiol.