Arolwg Ymgysylltu â Staff 2026 - Canlyniadau Cyffredinol

Eleni, cymerodd 2,225 ohonoch yr amser i gwblhau'r arolwg a dweud eich dweud. Mae hyn yn cyfateb i 26% o weithlu'r Cyngor ac mae'n gynnydd o 129 o bobl o'i gymharu ag arolwg y llynedd.

Mae'r graff isod yn dangos faint o bobl sydd wedi cymryd yr amser i gymryd rhan yn yr arolwg dros y pedair blynedd diwethaf – ac mae'n braf gweld bod cynnydd wedi bod mewn cyfranogiad dros y tair blynedd diwethaf.

Gofynnom ni i chi ymateb i gyfres o ddatganiadau drwy nodi i ba raddau rydych chi’n cytuno ar raddfa o Cytuno'n Gryf i Anghytuno'n Gryf.

Isod, fe welwch grynodeb o'r canlyniadau cyffredinol ar gyfer 2026 ynghyd â chymhariaeth â blynyddoedd blaenorol yr arolwg. Mae'r canlyniadau eleni hefyd wedi'u rhestru mewn trefn i nodi'n glir ein meysydd cryfder mwyaf yn ogystal â'r rhai y mae angen eu datblygu ymhellach.

Rydym ni wedi defnyddio system cod lliwiau i'w gwneud hi'n hawdd gweld sut y gwnaethom ni:

Gofynnom ni i chi ymateb i gyfres o ddatganiadau drwy nodi i ba raddau rydych chi’n cytuno ar raddfa o Cytuno'n Gryf i Anghytuno'n Gryf.

Isod, fe welwch grynodeb o'r canlyniadau cyffredinol ar gyfer 2025 ynghyd â chymhariaeth â blynyddoedd blaenorol yr arolwg. Mae'r canlyniadau eleni hefyd wedi'u rhestru mewn trefn i nodi'n glir ein meysydd cryfder mwyaf yn ogystal â'r rhai y mae angen eu datblygu ymhellach.

Rydym ni wedi defnyddio system cod lliwiau i'w gwneud hi'n hawdd gweld sut y gwnaethom ni:

• Gwyrdd Tywyll: Cytuno'n gryf

• Gwyrdd Golau: Cytuno

• Ambr: Niwtral / Cytuno rhywfaint
  Coch: Anghytuno

• Coch Tywyll: Anghytuno’n gryf

Mae'r canlyniadau'n dangos bod ymgysylltiad gweithwyr yn parhau'n gryf ar draws y Cyngor, gyda gweithwyr yn adrodd am brofiadau cadarnhaol ym mron pob maes a fesurwyd yn yr arolwg.

Mae cydweithwyr yn parhau i fynegi lefelau uchel o falchder wrth weithio i Gyngor Sir Caerfyrddin, ymrwymiad i wasanaeth cyhoeddus, a hyder yn y cyfraniad pwysig y maent yn ei wneud i gymunedau lleol. Tynnodd gweithwyr sylw hefyd at dimau cefnogol, perthnasoedd cadarnhaol â rheolwyr, cyfleoedd ar gyfer dysgu a datblygu, a manteision gweithio i'r Cyngor. Mae llawer o weithwyr yn parhau i weld y Cyngor fel lle da i weithio a byddent yn ein hargymell fel cyflogwr.

Ochr yn ochr â'r canfyddiadau cadarnhaol hyn, nododd gweithwyr feysydd lle mae angen gwelliant pellach. Roedd y themâu a gododd dro ar ôl tro yn cynnwys cyfathrebu ac ymwybyddiaeth sefydliadol, tryloywder ynghylch penderfyniadau, llais a chyfranogiad gweithwyr, cydnabyddiaeth, gwelededd arweinwyr, pwysau llwyth gwaith a chapasiti'r gweithlu.

Trafodwyd y canfyddiadau yng Nghyfarfod Fforwm Penaethiaid Gwasanaeth y mis diwethaf. Mewn ymateb i'r hyn a ddywedodd gweithwyr wrthym, cytunodd Penaethiaid Gwasanaeth ar nifer o gamau gweithredu ar draws y sefydliad:

• Strategaeth Cyfathrebu Mewnol newydd, wedi'i chefnogi gan fframwaith cyfathrebu mewnol a fydd yn newid y ffordd rydym yn ymdrin â chyfathrebu ar draws y Cyngor.

• Fframwaith cydnabod i gefnogi dull mwy cyson o gydnabod cyfraniad gweithwyr.

• Fframwaith llais a chyfranogiad gweithwyr i gryfhau'r ffordd y gall cydweithwyr rannu eu barn a helpu i lywio penderfyniadau.

• Safon glir ar gyfer gwelededd arweinyddiaeth ar draws y Cyngor, y mae Penaethiaid Gwasanaeth yn cydweithio i'w datblygu.

• Bydd ein prosesau cynllunio’r gweithlu presennol yn cael eu defnyddio i feithrin dealltwriaeth gadarn o alw am wasanaethau, pwysau llwyth gwaith a chapasiti’r gweithlu, gan helpu gwasanaethau i nodi a chynllunio’r camau gweithredu sydd eu hangen.

Gyda'i gilydd, mae'r camau hyn yn ymateb yn uniongyrchol i'r themâu o gyfathrebu a thryloywder, llais a chydnabyddiaeth gweithwyr, gwelededd arweinyddiaeth, a rheoli llwyth gwaith a chapasiti'r gweithlu.

Byddwn yn parhau i rannu diweddariadau wrth i'r gwaith hwn ddatblygu, fel y gall cydweithwyr weld sut mae eu hadborth yn dylanwadu ar newid ar draws y Cyngor.

Ochr yn ochr â'r gwaith hwn ar lefel y sefydliad, bydd Timau Rheoli Adrannol yn ystyried eu canlyniadau a'u hadborth eu hunain, yn nodi unrhyw bryderon sy'n benodol i'r adran, ac yn cytuno ar gamau gweithredu lleol priodol. Bydd adrannau'n rhoi'r wybodaeth ddiweddaraf i weithwyr am y gwaith hwn drwy eu sianeli cyfathrebu adrannol presennol.