Y Polisi Absenoldeb Rhiant - Ebrill 2026
Yn yr adran hon
Cyflwyniad
Mae'r polisi hwn yn nodi'r amgylchiadau lle gall gweithwyr sydd â chyfrifoldebau rhieni gymryd amser heb dâl i ffwrdd o'r gwaith i ofalu am eu plant sydd o dan 18 oed.
Rydyn ni wedi ymrwymo i gefnogi cydbwysedd cadarnhaol rhwng bywyd a gwaith ar gyfer ein holl weithwyr ac yn cydnabod bod amser gyda phlant yn bwysig. Os ydych chi'n gymwys (gweler isod), gallwch gymryd absenoldeb rhiant cyffredin i ofalu am eich plentyn - gall hyn fod i ofalu am eich plentyn yn ystod gwyliau ysgol, pan fydd yn sâl, neu fwynhau mwy o amser gwerthfawr gyda nhw.
Gall y math hwn o absenoldeb rhiant fod yn ddefnyddiol iawn os oes angen amser i ffwrdd arnoch i ofalu am eich plentyn ond eich bod wedi defnyddio, neu heb hawl i ddefnyddio, mathau eraill o absenoldeb sy'n ystyriol o deuluoedd (gweler isod).
Nid yw'r polisi yn rhan o'ch contract cyflogaeth, ac rydyn ni’n cadw'r hawl i'w ddiwygio ar unrhyw adeg.