Y Polisi Absenoldeb Rhiant - Ebrill 2026
Yn yr adran hon
- Gohirio eich absenoldeb rhiant cyffredin
- Yn ystod cyfnod eich absenoldeb rhiant cyffredin
- Dychwelyd i'r gwaith ar ôl absenoldeb rhiant cyffredin
- Diogelu Data
- Camddefnyddio'r Polisi Absenoldeb Rhiant
- Contractau Deuol neu Aml-gontractau
- Apeliadau
- Sicrhau cyfle cyfartal
Dychwelyd i'r gwaith ar ôl absenoldeb rhiant cyffredin
Os ydych chi'n cymryd cyfnod unigol o absenoldeb rhiant cyffredin o bedair wythnos neu lai, mae gennych hawl i ddychwelyd i'r un swydd yr oeddech chi'n ei gwneud cyn eich absenoldeb.
Gallwch hefyd ddychwelyd i'ch swydd flaenorol os byddwch yn cymryd cyfnod o absenoldeb rhiant cyffredin o bedair wythnos neu lai ar unwaith yn dilyn cyfnod (neu gyfnodau olynol) o absenoldeb mamolaeth, mabwysiadu, tadolaeth a/neu rannu absenoldeb rhiant (a gymerwyd mewn perthynas â'r un plentyn) nad oedd yn para mwy na 26 wythnos.
Mae gennych hawl i ddychwelyd i'ch swydd flaenorol neu, os nad yw hynny'n ymarferol i'n sefydliad, i swydd arall sy'n addas ac yn briodol yn yr amgylchiadau os ydych chi:
• yn cymryd cyfnod o absenoldeb rhiant cyffredin o fwy na phedair wythnos; neu
• yn cymryd cyfnod o absenoldeb rhiant cyffredin o bedair wythnos neu lai ar unwaith yn dilyn cyfnod (neu gyfnodau olynol) o absenoldeb mamolaeth, absenoldeb mabwysiadu, tadolaeth a/neu rannu absenoldeb rhiant (a gymerwyd mewn perthynas â'r un plentyn) a oedd wedi para dros 26 wythnos.
Os ydych chi'n cymryd absenoldeb rhiant cyffredin, ac yn ansicr ble rydych chi'n sefyll o ran dychwelyd i'r gwaith, cysylltwch â'ch Tîm Absenoldeb.