Y Polisi a’r Weithdrefn Disgyblu - Adolygwyd: Mehefin 2026
Yn yr adran hon
- 11. Swyddogion yr Undeb Llafur
- 12. Cyhuddiadau Troseddol a Rhybuddion neu Euogfarnau y tu allan i'r Gwaith
- 13. Apeliadau
- 14. Cadw Cofnodion
- 15. Hyfforddiant a Chymorth
- 16. Monitro’r Polisi a’r Weithdrefn
- 17. Cydraddoldebau
- 18. Rôl y Cydymaith yn ystod y Broses Ddisgyblu ac Achwyniadau
- 19. Gweithdrefn Disgyblu Mewn Crynodeb
- 20. Canllaw Cefnogi i Dystion
13. Apeliadau
Mae gan weithiwr yr hawl i apelio yn erbyn camau disgyblu (ac eithrio camau disgyblu anffurfiol) ar y seiliau a ganlyn:
- Pan fydd y gweithiwr o'r farn bod y gosb yn annheg neu'n afresymol o dan yr amgylchiadau.
- Pan ddaw tystiolaeth newydd i'r fei a allai fod wedi effeithio ar ganlyniad y gwrandawiad disgyblu.
- Methu â dilyn y gweithdrefnau.
Dylai'r apêl gael ei gwneud yn ysgrifenedig lle bynnag y bo modd i'r Prif Weithredwr Cynorthwyol (Pobl, Digidol a Pholisi) cyn pen 14 diwrnod calendr ar ôl derbyn y llythyr disgyblu neu ddiswyddo. Dylai'r llythyr amlinellu'r rhesymau manwl dros apelio a chaiff ei gydnabod cyn pen 14 diwrnod calendr. Dylai gweithwyr sydd angen cyngor wrth gyflwyno apêl gysylltu â'r Partner Busnes Adnoddau Dynol neu eu cynrychiolydd Undebau Llafur.
Bydd y Prif Weithredwr Cynorthwyol (Pobl, Digidol a Pholisi) yn galw panel apêl i ystyried yr apêl. Ar gyfer yr holl sancsiynau, bydd y Panel Apeliadau yn cynnwys dau Gyfarwyddwr (neu gynrychiolydd a enwebwyd ganddynt). Dylid cynnal y Gwrandawiad Apêl ar adeg resymol ac mewn man rhesymol. Dylai hwn ddigwydd cyn gynted â phosibl a dylai’r cyflogai gymryd pob cam rhesymol i fod yn bresennol. Darperir cyngor i’r Panel gan Bartner Busnes Adnoddau Dynol.
Mae'r Apêl a phenderfyniad y Panel yn derfynol ac nid oes hawl i apelio ymhellach o fewn y Cyngor.