Hunanarchwiliad Croen
676 diwrnod yn ôl
Cynhelir ymwybyddiaeth o Ganser y Croen mae'n ymgyrch i godi ymwybyddiaeth o beryglon dod i gysylltiad â'r haul heb ddiogelwch ac addysgu pobl am y ffyrdd o atal canser y croen, yn y gobaith o leihau achosion o ganser y croen a chynyddu'r tebygolrwydd o ganfod canser yn gynnar drwy addysg.
Un o brif achosion canser y croen yw dod i gysylltiad â phelydrau UV o'r haul, sydd hefyd yn un o'r achosion y gellir eu hatal. Math anweledig o ymbelydredd sy'n dod o'r haul, gwelyau haul a lampau haul yw pelydrau UV. Gall pelydrau UV niweidio celloedd eich croen. Mae diogelwch rhag pelydrau UV yn bwysig drwy'r flwyddyn, nid yn unig yn yr haf. Gall pelydrau UV eich cyrraedd mewn unrhyw dywydd ac maent yn adlewyrchu oddi ar arwynebau. Gallwch leihau'r risg o ddatblygu canser y croen drwy gyfyngu ar gysylltiad ag ymbelydredd UV, neu osgoi hynny.
Mae hefyd yn bwysig monitro ac archwilio eich croen am unrhyw newidiadau. Isod mae rhai awgrymiadau i wneud hyn:
- Archwiliwch eich croen yn rheolaidd.
Tua unwaith y mis, archwiliwch eich croen am fannau duon neu farciau a all fod yn newid neu'n newydd.
- Archwiliwch eich croen mewn ystafell sydd wedi'i goleuo'n dda.
Efallai y byddai'n syniad gofyn i rywun eich helpu neu ddefnyddio drych hyd llawn a drych llaw i sicrhau eich bod yn gallu gweld pob rhan.
- Sylwch ar unrhyw newidiadau.
Cadwch lygad am faint, siâp, lliwiau newydd, gwaedu, poen, crawennu, ymylon coch a chosi.
- Dywedwch wrth eich meddyg teulu ar unwaith.
Os ydych wedi gwneud hunanarchwiliad ac wedi sylwi ar unrhyw un o'r newidiadau a grybwyllir uchod, ewch i weld eich meddyg teulu am gyngor pellach. Os yw'n pryderu, bydd yn eich atgyfeirio at arbenigwr croen y GIG.
Mae Checking your skin | British Skin Foundation yn cynnig canllaw cynhwysfawr i chwilio am unrhyw newidiadau.
Erthygl gan: Tim Iechyd a Llesiant