Gweithio'n ddwyieithog

Diweddarwyd y dudalen: 22/10/2026

Mae data Cyfrifiad 2021 yn dangos bod 72,838 o bobl yn Sir Gaerfyrddin yn gallu siarad Cymraeg, sy'n cyfateb i 39.9% o boblogaeth y sir.

Er bod hyn yn ostyngiad ers Cyfrifiad 2011, mae gan Sir Gaerfyrddin o hyd yr ail nifer uchaf o siaradwyr Cymraeg yng Nghymru ac mae'n parhau ymhlith yr ardaloedd â'r cyfrannau uchaf o siaradwyr Cymraeg yn y wlad.

Mae gan Sir Gâr ased unigryw yn ei phoblogaeth ddwyieithog ac mae'n gwneud cyfraniad pwysig at weledigaeth Cymru o fod yn genedl wirioneddol ddwyieithog.

Ein rôl yn darparu gwasanaeth dwyieithog

Mae’r iaith Gymraeg yn allwedd i hunaniaeth a diwylliant nifer o’n poblogaeth, gall llawer o bobl fynegi eu barn a'u hanghenion yn well yn eu hiaith gyntaf. Mae yna garfanau o siaradwyr Cymraeg sydd wirioneddol angen cael gwasanaeth yn eu hiaith gyntaf er mwyn cael eu trin yn effeithiol. Mae’n ddyletswydd arnon ni i hwyluso dewis iaith i’n defnyddwyr.

Rydyn wedi creu canllawiau i’ch cynorthwyo i ddarparu gwasanaeth dwyieithog yn y gweithle beth bynnag fo lefel eich sgiliau iaith chi.