Newyddion Diweddaraf Iechyd a Diogelwch

Mae gennych gyfrifoldeb i roi gwybod i'ch rheolwyr llinell am bob damwain / digwyddiad cyn gynted â phosibl ar ôl iddo ddigwydd. Mae gan eich rheolwr llinell gyfrifoldeb i nodi eich damwain/digwyddiad ar y system rhoi gwybod ar-lein, a chymryd unrhyw gamau angenrheidiol i'w atal rhag digwydd eto.

Dyma enghreifftiau o ddamweiniau / digwyddiadau:

• Ymosodiadau ar lafar, ymddygiad bygythiol neu frawychus. Nid yw'r digwyddiadau hyn byth yn 'rhan o'r swydd' a dylech roi gwybod i'ch rheolwyr llinell am hyn BOB
• Ymddygiad ymosodol, bygythiol neu frawychus mewn modd nad yw ar lafar megis ar gyfryngau cymdeithasol neu drwy e-bost, dylid rhoi gwybod i'ch rheolwr llinell am y rhain hefyd a'u cofnodi fel ymddygiad ymosodol ar lafar.
• Llithro, baglu a chwympo - os nad oes unrhyw anafiadau dylid eu cofnodi fel 'damwain a fu bron â digwydd', drwy wneud hyn mae'n caniatáu i'ch rheolwr llinell fod yn ymwybodol o'r mater e.e. llawr gwlyb, a chymryd camau i atal rhywun arall rhag llithro a fydd yn arwain at anaf.
• Mân anafiadau yn y gwaith - weithiau nid yw'r rhain yn cael cofnodi gan mai cleisiau neu friwiau bach ydynt yn unig ond gallai'r rhain fod â'r potensial i achosi anaf mwy difrifol felly dylid rhoi gwybod amdanynt.
• Camddefnyddio offer - gallai hyn olygu nad yw'r offer yn addas ar gyfer y swydd neu fod angen hyfforddiant ychwanegol o ran ei ddefnyddio.

A oeddech chi'n gwybod - Mae rhoi gwybod am ‘ddamweiniau a fu bron â digwydd' yr un mor bwysig â rhoi gwybod am ddamwain sydd wedi arwain at anaf. Damweiniau a fu bron â digwydd yw unrhyw ddigwyddiadau sydd â'r potensial i arwain at anaf neu afiechyd.

OS NAD YDYCH YN SIŴR A DDYLECH ROI GWYBOD AM DDAMWAIN NEU DDIGWYDDIAD SIARADWCH Â'CH RHEOLWR LLINELL.

Mae aflonyddu a bwlio gan unrhyw un yn annerbyniol ar unrhyw ffurf ac ni fyddant yn cael eu goddef gennym ni. Gellir cyfeirio digwyddiadau aflonyddu neu fwlio at yr heddlu. Bydd rhai agweddau ar aflonyddu a bwlio wedi’u cynnwys o fewn cwmpas y Ddeddf Cydraddoldebau a’r nodweddion gwarchodedig sydd wedi’u cynnwys ynddi.

Mae aflonyddu a bwlio’n digwydd pan fo rhywun yn cael ei gam-drin, ei fygwth neu ei fychanu drosodd a throsodd ac yn fwriadol gan unigolyn neu grŵp o unigolion oherwydd y gwaith y mae’n ei wneud, e.e. defnyddwyr gwasanaethau neu eu teuluoedd, aelodau o’r cyhoedd neu bobl sy’n cael gwasanaethau’r Cyngor.

Mae asesiad risg cyffredinol ar gyfer aflonyddu rhywiol wedi'i ddatblygu a dylai Rheolwyr sicrhau eu bod yn cynnwys unrhyw risgiau penodol yn eu gwasanaeth yn eu hasesiadau risg gweithgaredd a chymryd unrhyw gamau rhesymol i atal y cyfle i aflonyddu rhywiol i weithwyr o ffynonellau mewnol ac allanol.

Dylid cyfeirio achosion mewnol o aflonyddu a bwlio at y weithdrefn Canllawiau ar Safonau Ymddygiad yn y Gweithle a’r Weithdrefn Gwyno, a chyda chymorth ac arweiniad gan Rheoli Pobl (Swyddogion Adnoddau Dynol).

Os ydych chi'n gweithio dan do mewn swyddfa/gwasanaeth cyngor neu gartref – beth allwch chi ei wneud i gadw'n oer?

Cadwch y gwres allan:

• Cadwch lenni ffenestri sy'n wynebu'r haul ar gau tra bo'r tymheredd y tu allan yn uwch nag y mae y tu mewn. Pan fydd y tymheredd y tu allan wedi gostwng yn is na'r tymheredd y tu mewn, agorwch y ffenestri.

Cadwch dymheredd y corff i lawr:

• Gwisgwch ddillad cotwm llac
• Yfwch ddigon o ddŵr drwy gydol y diwrnod
• Bwytewch fwyd oer – salad a ffrwythau i ginio
• Os ydych chi'n teimlo'n arbennig o boeth ac anghyfforddus, ysgeintiwch ddŵr dros eich dillad a'ch wyneb. Gall tywel/tywel papur llaith ar gefn y gwddf helpu i reoleiddio tymheredd.
• Os ydych yn mynd allan i'r haul, defnyddiwch eli haul sydd â ffactor amddiffyn rhag yr haul (SPF) o 15 o leiaf (gan wneud hynny 20-30 munud cyn mynd allan) ar unrhyw groen sydd yn y golwg. Dylech fod yn hynod ofalus os oes gennych frychni haul neu groen golau nad yw'n troi'n frown, neu sy'n cochi neu'n llosgi cyn troi'n frown; gwallt golau neu goch a llygaid lliw golau; a llawer o fannau duon;
• Rhowch ddŵr i blanhigion allanol a mewnol, a chwistrellwch ddŵr ar y ddaear y tu allan i ffenestri (osgoi creu perygl o lithro) i helpu i oeri'r aer

Os oes angen i chi deithio mewn cerbydau:

• Cofiwch wirio lefelau olew a'r oerydd cyn teithio i sicrhau eu bod yn uchel a'u llenwi yn ôl yr angen
• Wrth yrru ar gyflymder sy'n llai na 50 mya, trowch y system aerdymheru i lawr neu ei diffodd er mwyn arbed ynni sy'n cael ei wastraffu gan yr injan. Mae gyrru'n arafach yn golygu bod yn rhaid i'r injan weithio'n galetach i gynhyrchu'r aer oer, a allai achosi cerbyd i dorri i lawr mewn gwres eithafol
• Gwiriwch fod gennych yswiriant torri i lawr
• Cariwch ddŵr ychwanegol gyda chi rhag ofn eich bod yn cael eich dal mewn traffig
• Ceisiwch barcio ceir yn y cysgod
• Os oes un gennych, rhowch orchudd ar y ffenestr flaen i atal yr haul rhag disgleirio'n uniongyrchol ar offer rheoli'r cerbyd

Os ydych yn gweithio yn yr awyr agored - beth allwch chi ei wneud i ddiogelu eich hun?

• Cadwch eich dillad amdanoch – gwisgwch ddillad sy'n eich amddiffyn rhag yr haul megis crysau t llewys hir a throwsus hir.
• GWISGWCH EICH CYFARPAR DIOGELU PERSONOL - RHAID GWISGO HETIAU CALED A SIACEDI LLACHAR BOB AMSER (fel y nodir mewn asesiadau risg)
• Lle bo'n bosibl arhoswch yn y cysgod pan fyddwch ar egwyl, yn enwedig amser cinio.
• Os yw'n ddiogel gwneud hynny ac nad yw'n torri unrhyw reolau safle neu ofynion asesiad risg, gallwch dynnu cyfarpar diogelu personol yn ystod egwyliau i'ch helpu i oeri.
• Defnyddiwch eli haul sydd â ffactor amddiffyn rhag yr haul (SPF) o 15 o leiaf (gan wneud hynny ryw 20–30 munud cyn mynd allan) ar unrhyw groen sydd yn y golwg. Dylech fod yn hynod ofalus os oes gennych frychni haul neu groen golau nad yw'n troi'n frown, neu sy'n cochi neu'n llosgi cyn troi'n frown; gwallt golau neu goch a llygaid lliw golau; a llawer o fannau duon;
• Yfwch ddigon o ddŵr / diodydd oer i osgoi dadhydradu. Wrth weithio'n galed yn y gwres dylai gweithwyr yfed tua 250 ml (hanner peint) bob 15 munud neu 500 ml (peint) bob 30 munud.
• Bydd rheolwyr yn trafod gyda thimau gweithredol unigol a ellir addasu amseroedd gwaith (os yw hyn yn bosibl yn ymarferol) e.e. i ddechrau'n gynharach, dechrau'n hwyrach neu gymryd seibiant i osgoi'r haul canol dydd.
• Cadwch lygad allan am symptomau cynnar o straen gwres a chadwch lygad barcud ar gydweithwyr am arwyddion o salwch gwres. Ymhlith y symptomau arferol y mae:
1. Methu â chanolbwyntio;
2. Cramp yn y cyhyrau;
3. Brech gwres;
4. Syched difrifol – un o symptomau hwyr straen gwres;
5. Llewygu;
6. Blinder gwres – blinder, pendro, teimlo'n gyfoglyd, pen tost, croen llaith;
7. Trawiad gwres – croen sych a thwym, dryswch, confylsiynau, ac yn y pen draw mynd yn anymwybodol;

Dolenni Defnyddiol

HSE: Straen Gwres

Lawrlwytho PDF