Trawsnewid

Trawsnewid – Ein Gweledigaeth

‘Creu newid mewnol sylweddol a chyflym dros gyfnod o 5 mlynedd fydd yn galluogi’r Cyngor i gyflawni ei nodau ac amcanion yn llwyddiannus fel y’u hamlinellir yn ei Strategaeth Gorfforaethol.’

Mae ein Rhaglen Drawsnewid yn rhaglen waith uchelgeisiol a chyffrous sydd â'r nod o barhau i foderneiddio a gwella'r ffordd rydym yn cefnogi ein nod o ddarparu gwasanaethau o ansawdd uchel ac effeithlon, gan sicrhau'r canlyniadau gorau posibl gyda'r adnoddau sydd ar gael.

Ei nod yw caniatáu i'r Cyngor:

• Fod yn sefydliad modern, blaengar a deinamig.
• Sicrhau dyfodol ariannol cynaliadwy.
• Datblygu gweithlu medrus a hyblyg a dod yn ‘Gyflogwr o Ddewis’.
• Darparu gwasanaethau mwy pwrpasol, o ansawdd uchel i gwrdd ag anghenion cwsmeriaid am lai o gost i’r Cyngor.

Mae Strategaeth Drawsnewid y Cyngor yn darparu'r fframwaith strategol ar gyfer cyflawni'r rhaglen hon a'i nod yw creu'r newid mewnol i gefnogi'r gwaith o gyflawni'r nodau a'r amcanion a nodir yn ei Strategaeth Gorfforaethol.

Trosolwg o'r Rhaglen Drawsnewid

Prif nod y Strategaeth Drawsnewid yw 'darparu fframwaith strategol i gynnal rhaglen o newid sefydliadol o bwys fydd yn cefnogi’r Cyngor i gyflawni ei nodau ac amcanion ehangach fel y’u cyflwynir yn ei Strategaeth Gorfforaethol’.

Mae'r Strategaeth yn cynnwys wyth blaenoriaeth thematig. Mae wyth Ffrwd Waith yn goruchwylio rhaglen waith gyda'r nod o helpu i gyflawni'r blaenoriaethau thematig hyn.

 Mae Bwrdd Trawsnewid, dan gadeiryddiaeth y Prif Weithredwr, yn cyfarfod bob chwarter i fonitro cynnydd a chyflawni'r Rhaglen Drawsnewid. 

Mae'r Tîm Trawsnewid yn helpu i gydgysylltu gwaith y ffrydiau gwaith thematig ac yn darparu'r gallu i helpu i weithredu gweithgareddau trawsnewid a newid ar draws y Cyngor.