Dyfynbrisiau gwerth hyd at £75,000

Ar ôl ichi ddarllen y canllaw cam wrth gam ac amcangyfrif bod gwerth eich ymarfer yn is na £75,000 ac ar ôl i chi wirio nad oes contract neu fframwaith addas eisoes wedi'i sefydlu, bydd angen i chi ddewis gwerth eich ymarfer isod i ddilyn y llwybr caffael cywir...

***Ar gyfer pryniannau o dan £30,000 gofynnir swyddogion i ‘Meddyliwch Sir Gâr Gyntaf!’ wrth geisio dyfyniadau ar gyfer prynu Nwyddau/Gwasanaethau nad ydynt yn dod o dan y trefniadau a grybwyllir uchod. Felly, archwiliwch y farchnad i weld a oes unrhyw fusnesau yn Sir Gaerfyrddin a all ddarparu'r nwyddau / gwasanaeth yr ydych yn ceisio eu prynu a'u cynnwys yn eich gwahoddiadau i ddyfynnu.***

Gwerth hyd at £10,000

Er eich bod yn meddwl o bosib fod llai na £10,000 yn swm cymharol isel o arian, mae'n arian cyhoeddus ac mae angen ichi sicrhau o hyd eich bod yn cael gwerth am arian. Hefyd mae'n werth nodi bod y trafodion bach hyn o bwys gyda'i gilydd a'i bod yn bosibl mai'r dyfynbrisiau hyn fydd y rhai mwyaf deniadol i'r busnesau bach a chanolig llai a'r rhai y maent yn ceisio bod yn ymwybodol ohonynt.

• Dylech fod yn fodlon y cafwyd y gwerth gorau am arian, ac y cymerwyd gofal rhesymol i gael nwyddau neu wasanaethau o ansawdd digonol am bris cystadleuol.
• Sicrhewch fod gennych y gymeradwyaeth neu'r awdurdodiad angenrheidiol i fynd ati i brynu.
• Dylid cadw cadarnhad o'r gwerth am arian ar ffeil (eich rhesymau pam mae'n rhoi gwerth am arian).

Gwerth £10,000 - £30,000

• Dylid ceisio o leiaf 3 dyfynbris o ffynonellau cystadleuol a dylent gael eu cadarnhau yn ysgrifenedig.
• Rhaid cadw cofnod dogfennol o'r gwerthusiad a'r penderfyniad i ddyfarnu. Mae angen ichi gynnwys eich rhesymau pam mai'r cyflenwr a ffafrir yw'r gwerth gorau am arian.

Gwerth £30,000 - £75,000

Rhaid hysbysebu pob cyfle i gyflwyno dyfynbrisiau sy'n werth mwy na £30,000 ar wefan GwerthwchiGymru. Bydd yr Uned Caffael Corfforaethol yn cyhoeddi'r hysbyseb, oni bai y cytunir fel arall.

• Rhaid i'r dyfynbrisiau fod yn seiliedig ar yr un fanyleb, meini prawf gwerthuso a dyddiad cau.
• Rhaid dychwelyd y dyfynbrisiau'n electronig drwy gyfleuster e-bost diogel neu drefniant e-dendro priodol.
• Bydd y Swyddog Arweiniol yn gyfrifol am gadw cofnodion dogfennol digonol o'r holl ymarferion ceisio dyfynbrisiau a gynhelir (gan gynnwys y broses werthuso)
• Os mai dim ond un dyfynbris sy'n dod i law, rhaid i'r penderfyniad i symud ymlaen i brynu gael ei gymeradwyo gan Bennaeth Gwasanaeth yr adran berthnasol.

Beth yw ystyr 'gwerth gorau am arian'?

Ystyr gwerth gorau am arian yw'r cyfuniad mwyaf manteisiol o ran cost, ansawdd a chynaliadwyedd i ddiwallu gofynion y cwsmer.

Yn y cyd-destun hwn:
•    mae cost yn golygu ystyried y gost oes gyfan
•    mae ansawdd yn golygu bodloni manyleb sy'n addas i'r diben ac yn ddigon i ddiwallu gofynion y cwsmer
•    mae cynaliadwyedd yn golygu manteision economaidd, cymdeithasol ac amgylcheddol