Rheoli Gweithwyr sydd ar Gyfnod Prawf - Tachwedd 2026

9. Canlyniadau Posibl ar Ddiwedd y Cyfnod Prawf

Ar ddiwedd y cyfnod prawf o dri mis, neu ar ddiwedd unrhyw gyfnod prawf estynedig o hyd at bum mis, mae dau ganlyniad posibl:

• Cadarnhau'r penodiad.

• Diswyddo'r gweithiwr.

CADARNHAU'R PENODIAD

Os yw'r gweithiwr yn dangos bod pob agwedd ar ei berfformiad a'i ymddygiad yn foddhaol, dylai'r rheolwr llinell ysgrifennu i gadarnhau ei benodiad cyn y chweched mis ar ôl ei benodiad.

DISWYDDO'R GWEITHIWR

Os nad yw perfformiad y gweithiwr yn erbyn y targedau/amcanion a osodwyd, ymddygiad, rheoli amser, absenoldeb salwch neu lefelau presenoldeb yn foddhaol ac mae'r rheolwr llinell eisoes wedi ymestyn y cyfnod prawf gwreiddiol o dri mis, dylid gwahodd y gweithiwr i gyfarfod gyda'r Pennaeth Gwasanaeth Adrannol neu gynrychiolydd enwebedig, i drafod terfynu ei gyflogaeth.

Dylid rhoi gwybod i'r gweithiwr y gall cydweithiwr neu gynrychiolydd undeb llafur cydnabyddedig ddod gydag ef/hi. Pwrpas y cyfarfod fydd egluro'r rhesymau dros y bwriad i'w ddiswyddo (h.y. perfformiad anfoddhaol) a bydd y gweithiwr yn cael cyfle i ymateb os yw'n dymuno. Bydd y Partner Busnes Adnoddau Dynol hefyd yn bresennol yn y cyfarfod hwn.

Rhaid i'r penderfyniad i ddiswyddo gael ei gadarnhau'n ysgrifenedig gan y rheolwr llinell o fewn saith niwrnod calendr. Os nad yw hyn yn ymarferol, gellir ymestyn y terfyn amser hwn trwy gytundeb ar y cyd a dylid rhoi rhybudd o un wythnos galendr i'r gweithiwr.

Bydd y cyfarfod hwn yn cael ei gynnal cyn diwedd y cyfnod prawf o chwe mis.