Polisi Patrwm Gweithio Rhagweladwy
Yn yr adran hon
- 1. Cyflwyniad
- 2. Cwmpas
- 3. Cymhwysedd
- 4. Nifer y ceisiadau statudol a ganiateir.
- 5. Yr hawl statudol i wneud cais am weithio hyblyg i weithwyr
- 6. Gwneud cais am batrwm gweithio rhagweladwy
- 7. Ystyried cais am batrwm gweithio rhagweladwy
- 8. Cyfarfod i drafod cais
- 9. Cyfathrebu penderfyniad am gais
- 10. Delio ag Apêl
- 11. Caniatáu i weithiwr ddod gyda nhw
- 12. Penderfynu ar geisiadau o fewn y cyfnod penderfynu statudol o fis
- 13. Penderfynu ar geisiadau lle mae contract y gweithiwr yn dod i ben yn ystod y cyfnod penderfynu statudol o fis
- 14. Sicrhau cyfle cyfartal
6. Gwneud cais am batrwm gweithio rhagweladwy
Dylid gwneud pob cais am batrwm gweithio rhagweladwy yn ysgrifenedig drwy lenwi’r ffurflen gais yn Atodiad A.
Mae'n rhaid cyflwyno'r cais ffurfiol a gwblhawyd i'ch rheolwr llinell.
Mae'n rhaid i'r cais gynnwys:
- dyddiad y cais.
- y newidiadau rydych chi'n eu ceisio i'ch telerau ac amodau.
- y dyddiad yr hoffech i’r telerau ac amodau ddod i rym.
- p’un a ydych wedi gwneud cais blaenorol am batrwm gweithio rhagweladwy neu weithio hyblyg ac os felly, pryd y gwnaethoch y cais.
Pethau y mae angen i chi eu hystyried:
- Bydd patrwm gweithio rhagweladwy newydd fel arfer yn newid parhaol i'ch telerau ac amodau oni bai y gofynnir yn wahanol ac y cytunir arno fel arall.
- Os caiff eich cais ei gymeradwyo, ni fydd modd i chi ddychwelyd i'ch patrwm gwaith blaenorol pryd bynnag y byddwch yn dymuno gwneud hynny.
- Dylech fod yn ymwybodol y bydd eich cyflog a’ch gwyliau blynyddol yn pro rata i’ch patrwm gweithio newydd os byddwn yn cytuno i’ch patrwm gwaith newydd.
- Ystyriwch sut y bydd eich cydweithwyr yn ymdopi os byddwch yn newid eich trefniant gweithio.
- Meddyliwch yn ofalus pa effaith a gaiff newid eich trefniant gwaith ar eich swydd.
- Efallai y byddwch yn gallu cytuno i gyfnod prawf cyn cwblhau newid parhaol.