Ceir Pwll

Gweler isod dablau o'r holl gerbydau:

Parc Myrddin

Trostre Depot 

Neuadd y Sir

Ar gyfer y cerbydau isod rhoddir blaenoriaeth i ddefnyddio'r swyddogaethau democrataidd ac mewn amgylchiadau eithriadol gellir gwrthod/canslo archeb gan fod angen y cerbydau ar gyfer swyddogaethau democrataidd.

Sylwch fod yn rhaid cwblhau hyfforddiant ymgyfarwyddo penodol ar gyfer yr EV6+EV9 cyn gyrru'r cerbydau hyn, ni waeth a yw hyfforddiant EV blaenorol wedi'i gwblhau. Cysylltwch â TStraining@sirgar.gov.uk  i archebu.

Sylwch, er mwyn defnyddio Car awtomatig mae'n rhaid eich bod wedi cwblhau'r sesiwn Ymgyfarwyddo i Yrwyr Ceir awtomatig. Os nad ydych chi wedi llwyddo i gwblhau'r cwrs hwn, cysylltwch TStraining@sirgar.gov.uk i archebu.

Mae'n rhaid i bob gweithiwr ddychwelyd y Ceir Adrannol i'r mannau dynodedig.

Sut i agor a gweld Calendrau

Gellir gweld argaeledd y ceir drwy wirio Microsoft Outlook ac edrych ar y dyddiaduron o dan 'Calendar’.

Mae sawl ffordd i agor y calendrau, un o'r rhain yw:

1. Agor Microsoft Outlook a chlicio ar yr 2il opsiwn 'Calendr' ar waelod ochr chwith Microsoft Outlook.

2. O dan y pennawd Hafan, cliciwch ar 'Ychwanegu at y calendr...' a dewiswch yr opsiwn cyntaf, 'O'r llyfr cyfeiriadau…’

3. Bydd opsiwn yn ymddangos yng nghanol eich sgrin yn nodi 'Dewiswch enw: Pob defnyddiwr'. Yn y maes Chwilio, teipiwch 'Pool Vehicle Parc Myrddin' a dylai'r calendrau ar gyfer pob cerbyd ymddangos.

4. Gallwch ddewis bob un yn unigol neu gallwch ddewis y cyfan.

5. Bydd rhain bellach yn cael eu harddangos yn barhaus fel opsiwn i'w gweld ar gyfer y dyfodol, ar ochr chwith y sgrin', dan 'Calendrau a Rennir'.

Sut i Archebu

1. Agorwch Outlook, dewiswch yr eicon Calendr ar waelod y sgrin ar yr ochr chwith.

2. Cliciwch ar y botwm 'Cyfarfod newydd' yn yr adran 'Hafan'. Mae ffenestr arall wag yn agor - Cyfarfod (gweler y dudalen nesaf).

3. Yn y maes Teitl, rhowch eich enw ac yn y maes Lleoliad, rhowch eich cyrchfan(au).

4. Dewiswch y dyddiad a'r amseroedd gofynnol.

5. Yn y blwch 'Required', teipiwch 'Pool Vehicle Parc Myrddin' a dewiswch y cerbyd yr hoffech ei archebu. Os yw calendr y cerbyd eisoes wedi cael ei glicio, bydd hyn yn ymddangos yn awtomatig.

6. Pan fydd pob maes yn llawn, cliciwch ar Anfon.

Proses Archebu a Defnyddio

• Gwirio argaeledd ar-lein
• Archebu'r car am yr amser angenrheidiol
• Casglu'r allweddi, y llyfr cofnodi milltiroedd, a'r llyfr diffygion o'r Swyddfa Cymorth Busnes, Llawr Gwaelod Bloc 1, Parc Myrddin.
• Symud y car o'r pwynt gwefru trydan
• Cwblhau'r llyfr diffygion gwyrdd cyn eich taith
• Cwblhau'r llyfr cofnodi milltiroedd cyn eich taith
• Llenwi'r car â thanwydd gan ddefnyddio'r depo (os ydych yn defnyddio car disel)
• Dychwelwch y car i Barc Myrddin ar ddiwedd eich taith a defnyddiwch gilfachau parcio'r pwll (dim ond un cerbyd trydan sydd wedi'i leoli yn Nhrostre, rhaid dychwelyd y cerbyd hwn i Drostre. Ni ellir dychwelyd unrhyw gerbyd arall i Ddepo Trostre).
• Plygio'r car i bwynt gwefru trydan
• Cwblhau'r llyfr cofnodi milltiroedd/llyfr diffygion ar ôl eich taith
• Dychwelyd yr allweddi, llyfr cofnodi milltiroedd/llyfr diffygion i'r swyddfa gyffredinol
• E-bostiwch envbsufleet@sirgar.gov.uk i roi gwybod am unrhyw broblemau ar ôl defnyddio'r car

Ar gyfer ein cerbydau sydd wedi'u lleoli yn Nhrostre bydd y cerbydau ym mhrif Faes Parcio Trostre a chedwir allweddi yn Nerbynfa'r Fflyd sydd â staff dyddiol. Gellir casglu allweddi o 8yb-4yp, bydd angen i'ch archebion calendr adlewyrchu'r amser y byddwch yn codi'r allweddi a'u gollwng. Ni all staff y fflyd gynorthwyo gydag unrhyw ymholiadau yn ymwneud â cheir pwll.

Ar gyfer ein cerbydau sydd wedi’u lleoli ym Mharc Myrddin bydd y cerbydau’n cael eu parcio yn y Maes Parcio uchaf y tu allan i Floc 1 a chedwir allweddi yn y swyddfa llawr gwaelod (drws nesaf i swyddfa gwasanaethau parcio) yn y cwpwrdd allweddi y tu ôl i’r drws. Gellir casglu allweddi o 8yb-6yp, bydd angen i'ch archebion calendr adlewyrchu'r amser y byddwch yn codi'r allweddi a'u gollwng. Ni all staff sy'n gweithio yn y swyddfa gynorthwyo gydag unrhyw ymholiadau yn ymwneud â cheir pwll.

Ar gyfer y cerbydau sydd wedi’u leoli yn Neuadd y Sir, mae ganddynt leoedd gwefru dynodedig y tu allan i Neuadd y Sir. Bydd yr allweddi yn cael eu dal ar y llawr cyntaf o fewn swyddfa’r DSU a byddant ar gael i’w casglu o 9 tan 5, bydd angen i’ch archebion calendr adlewyrchu’r amser rydych yn casglu’r allweddi a’u gollwng.

Os bydd angen unrhyw gymorth arnoch gyda'r ceir pwll cysswllt: 

• Am archebu, defnyddwyr newydd a gweinyddu:
  Emso@sirgar.gov.uk
• Am cynnal a chadw/tanwydd:
  envbsufleet@sirgar.gov.uk

Gweler isod ganllaw manwl ar sut i ddefnyddio'r Car Trydan. Cofiwch, er mwyn defnyddio Car awtomatig mae'n rhaid eich bod wedi cwblhau'r sesiwn Ymgyfarwyddo i Yrwyr Ceir awtomatig. Os nad ydych chi wedi llwyddo i gwblhau'r cwrs hwn, cysylltwch â Ryan Robinson neu Iwan Richards drwy e-bost.

Ryan Robinson: RMRobinson@sirgar.gov.uk

Iwan Richards: IJRichards@sirgar.gov.uk

Canllaw Hyfforddiant Kia E-Soul 

Mae gennym ni ganllaw pwrpasol.

Ap Archebu Ar-lein

Mae gennym dudalen Cwestiynau Cyffredin arbennig ar gyfer Cerbydau Trydan gweler ein canllaw

Mae gan y Ceir Pwll fannau parcio dynodedig o flaen Bloc 1.

Tri yn uniongyrchol ar yr Haen Uchaf ger y fynedfa a thri ger yr arglawdd yn y prif faes parcio.

Mae gan Geir Trydan eu mannau dynodedig eu hunain ar gyfer ail-wefru yn Haen Uchaf y maes parcio.

Sicrhewch eich bod yn gwefru'r cerbyd drwy gysylltu'r cebl.

Os yw'r mannau dynodedig hyn yn llawn pan fyddwch yn dychwelyd y cerbyd, sicrhewch ei fod wedi'i barcio mewn unrhyw fan parcio arall heb rwystro cerbydau eraill.

Ni ddylid parcio cerbydau eraill y cyngor megis faniau a cheir eraill sy'n rhan o'r adran, yn y mannau dynodedig hyn.

Rhaid i bob Gweithiwr ddychwelyd ffeil y cerbyd i'r dderbynfa.

Dylid casglu'r ffeil berthnasol gyda'r 'Taflen Cofnodi Taith y Gyrrwr' yr un pryd â chasglu allwedd y Cerbyd Adrannol. Cyn dechrau ar y daith, rhaid i'r gyrrwr gerdded o gwmpas y cerbyd er mwyn ei wirio. Os bydd rhyw nam, rhaid i'r gyrrwr gofnodi hynny yn y llyfr diffygion cerbyd; mae un ar gael ym mhob cerbyd, a rhoi gwybod am y nam i Reoli'r Fflyd, envbsufleet@sirgar.gov.uk Ffôn: 01554 784138 neu estyniad 3738

Pan fydd diffygion yn cael eu nodi yn dilyn yr archwiliad dyddiol ac os effeithir ar ddiogelwch y cerbyd, y teithwyr a defnyddwyr eraill y ffyrdd, dylid eu hatgyweirio ar unwaith.

Gellir trefnu bod diffygion eraill nad ydynt yn gysylltiedig â diogelwch yn cael eu hatgyweirio'r tro nesaf bydd y cerbyd yn y gweithdy.

Rhaid i'r gyrrwr gwblhau'r Daflen Gofnodi, oherwydd defnyddir y wybodaeth hon er mwyn adennill costau am ddefnyddio'r cerbyd.

Cyn dechrau ar y daith, dylid cwblhau Taflen Cofnodi Taith y Gyrrwr yn rhannol. Mae’r meysydd hyn fel a ganlyn:

• Dydd a Dyddiad
• Amseroedd y daith (Cychwyn)
• Darlleniadau'r Sbidomedr (Cyfanswm y Milltiroedd) (Cychwyn) – Ni ddylid tybio mai'r cofnod blaenorol o ran Darlleniadau'r
• Sbidomedr (Cyfanswm Milltiroedd) (Gorffen) yw'r milltiroedd cychwyn ar gyfer eich taith ac ni ddylech chi gofnodi ‘?’. Peidiwch â dibynnu ar gofnod y gyrrwr blaenorol, mae gweithwyr yn cofnodi gwybodaeth anghywir yn aml ar y ffurflenni hyn.
• Darlleniadau'r mesuryddion Tanwydd/Trydan cyn dechrau ar y daith
• Enw(au)'r gyrrwr/gyrwyr
• Llofnod y gyrrwr i ddatgan ei fod wedi cynnal archwiliad o'r cerbyd a llenwi'r Llyfr Diffygion (cyn y daith)
• Manylion y daith (o [os nad Parc Myrddin] – i – drwy)
• Rheswm Byr am y Daith e.e. Cyfarfod, Ymweliad Safle ac ati

Wrth ail-lenwi tanwydd y cerbyd (cerbydau Disel yn unig), rhaid llenwi Taflen Cofnodi Taith y Gyrrwr. Tynnir sylw at y meysydd hyn mewn gwyrdd.

• A wnaethoch chi ail-lenwi’r cerbyd? Do/Naddo
• Lleoliad ail-lenwi tanwydd Depo'r Cyngor/oddi ar y safle
• Milltiroedd ar adeg ail-lenwi tanwydd

Ar ôl dychwelyd y cerbyd, dylid llenwi Taflen Cofnodi Taith y Gyrrwr drwy lenwi gweddill y daflen. Mae'r meysydd hyn wedi cael eu nodi mewn melyn.

• Amseroedd y daith (Gorffen)
• Darlleniadau'r Sbidomedr (Cyfanswm y Milltiroedd) (Gorffen)
• Darlleniadau Mesuryddion Tanwydd/Trydan

Mae gan bob cerdyn tanwydd rif pin, unwaith y byddwch wedi archebu'r car pwll byddwch yn derbyn ymateb e-bost car yn rhoi'r rhif pin. Gwnewch nodyn o hyn ar gyfer eich taith.

Ewch i E-Route Online neu Find your nearest petrol station yn dangos lle gallwch chi lenwi a defnyddio'r cerdyn tanwydd cyflym. Bydd angen i chi ddewis eich lleoliad ac yna dewis yr opsiwn ar gyfer ‘Fastfuel Texaco’, bydd hwn yn dangos pob gorsaf sy’n derbyn y cerdyn tanwydd.

Os sylwch nad yw'r cerdyn tanwydd yno, anfonwch e-bost at envbsufleet@sirgar.gov.uk.

Gallwch hefyd danio gyda Disel yn ein depos, sef Trostre, Glanaman, Cillefwr a Llanymddyfri.

Os cewch unrhyw broblemau mecanyddol bydd angen i chi hysbysu'r fflyd ar unwaith - envbsufleet@sirgar.gov.uk , gan gynnwys y plât cofrestru a'r materion. Gofynnwn hefyd i chi gopïo yn y e-bost EMSO@sirgar.gov.uk , bydd hyn yn caniatáu i ni ddiweddaru'r calendrau archebu yn unol â hynny.

Os yw'r mater mecanyddol yn argyfwng, ffoniwch 01554 784138 rhwng 9yb a 5yp o ddydd Llun i ddydd Gwener. Mae hyn er mwyn gallu delio â'r mater yn gyflymach. Bydd angen i chi hefyd ebostio EMSO@sirgar.gov.uk i ddiweddaru’r calendrau archebu.

Os gallwch chi weld archeb ar y car yr un diwrnod ag y byddwch chi'n profi'r mater, rhowch wybod i'r person ar y calendr nad yw'r car yn cael ei ddefnyddio mwyach, nes ei fod wedi'i ddatrys.

Mae costau'r car yn cael ei gyfrifo drwy:

Rhannu cost y car â chyfanswm y milltiroedd a deithiwyd. Nid yw'r gost fesul milltir byth yn uwch na 45c.

Rhaid i weithwyr y tu allan i'r adran Lle ac Isadeiledd sicrhau eu bod yn ceisio awdurdodiad a bod ganddynt gytundeb ad-daliad ysgrifenedig yn ei le trwy e-bostio Ad-daliadau Ceir Pwll cyn archebu eu taith gyntaf.

Allwch nawr archebu cerbyd ar gyfer unrhyw deithiau gwaith, gall hyn gynnwys teithio y tu allan i'r sir.

Rhaid dychwelyd cerbydau i'r ganolfan (Parc Myrddin/Trostre) ar ddiwedd y dydd, lle casglwyd y cerbyd fydd y ganolfan.

Methiant Mecanyddol/Tyllau Teiars

Os byddwch yn dod ar draws unrhyw fethiant mecanyddol, tyllau yn eich teiars neu amnewidion tra bod y car hwn yn eich meddiant, dylech gysylltu:

'DAYS DriverLine' ar Rif ffôn- 0845 296 4423

NEU

'SINCLAIRS DriverLine' ar Rif ffôn - 0800 424 151

Bydd y cwmni'n dibynnu ar y cerbyd, mae'r wybodaeth yn cael ei harddangos ar daflenni gwybodaeth sydd wedi'u lleoli yn y cerbyd.

​​

Damweiniau

Os bydd y cerbyd mewn damwain a bod angen ei adfer, dylech gysylltu â'r rhifau isod:

Yn ystod Oriau Gwaith (Llun - Gwener) - Rheoli Fflyd Trostre Depo: 01554 784138

Tu allan i Oriau Gwaith – Delta Wellbeing: 0300 333 2222

Bydd eich galwad yn cael ei throsglwyddo i'r Rheoli'r Fflyd a fydd yn trefnu adferiad
Mor fuan â phosib.

Wrth ffonio'r rhifau ffôn hyn, rhaid i chi sicrhau bod gennych rif cofrestru'r cerbyd, rhif ffôn cyswllt, gwneuthuriad a model y cerbyd a manylion eich lleoliad. Bydd y rholi'r fflyd wedyn yn trefnu bod eich cerbyd yn cael ei adfer.

Os bydd angen unrhyw gymorth arnoch gyda'r ceir pwll cysswllt: 

• Am archebu, defnyddwyr newydd a gweinyddu:
  Emso@sirgar.gov.uk
• Am cynnal a chadw/tanwydd:
  envbsufleet@sirgar.gov.uk