Gweithlu

Meysydd Prosiect

Beth rydym yn ei wneud

• Rydym wrthi'n rhoi ein Strategaeth Gweithlu newydd ar waith a fydd yn cefnogi'r nod o ddod yn gyflogwr o ddewis i'r ardal leol

• Creu cyfres ddata sy'n cyd-fynd â'r Strategaeth Gweithlu newydd a fydd yn ein helpu i ddeall ein gweithlu a'i anghenion yn well.

• Cynorthwyo rheolwyr i ddadansoddi anghenion eu gweithlu yn y dyfodol a nodi bylchau rhwng yr hyn sydd ganddynt nawr a'r hyn sydd ei angen arnynt fel y gellir datblygu atebion i helpu'r adran i gyflawni ei chynlluniau strategol.
• Mae pecyn cymorth wedi cael ei ddatblygu ac mae ar gael ar y fewnrwyd.
• Mae opsiynau ar gyfer prentisiaeth newydd, gan gynnwys prentisiaeth Gymraeg, yn cael eu datblygu.
• Mae cynllun diwygiedig i raddedigion wedi cael ei gyflwyno.
• Mae cyfleoedd i ymgysylltu â phobl ifanc a'u hysbrydoli i nodi Cyngor Sir Caerfyrddin fel eu cyflogwr o ddewis yn cael eu datblygu.
• Mae fframwaith datblygu ar gyfer arweinwyr a rheolwyr y dyfodol wedi cael ei ddatblygu ac mae grŵp peilot yr academi arweinyddiaeth wedi dechrau eu hyfforddiant.

• Mae system recriwtio newydd wedi cael ei chaffael a'i chyflunio'n benodol i anghenion y cyngor yn dilyn adolygiad o'r prosesau.
• Bydd Oleeo yn rhoi mwy o berchnogaeth i reolwyr dros eu proses recriwtio ac yn cefnogi ffyrdd mwy effeithlon o weithio gan geisio lleihau'r amser y mae'n ei gymryd i recriwtio a lleihau nifer yr ymgeiswyr sy'n gadael y broses oherwydd oedi.
• Mae'r broses gyflwyno fesul cam wedi dechrau a bydd y cam olaf yn cael ei roi ar waith erbyn diwedd mis Mawrth.

• Yn dilyn prosiect i adolygu'r potensial i ddatblygu swyddogaeth asiantaeth fewnol mae treial bellach wedi'i gytuno mewn gofal preswyl.
• Mae tîm prosiect yn y camau cynnar o sefydlu cynllun peilot.
• Mae adolygiad o staff asiantaeth mewn ysgolion wedi nodi amrywiaeth o ddulliau posibl i leihau costau staff asiantaeth a chefnogi darparu ateb cyflenwi o ansawdd gwell.

• Mae system rheoli dysgu Cymru gyfan newydd o'r enw Thinqi wedi'i datblygu a bydd yn cael ei lansio yng ngwanwyn 2024 gan roi'r holl ddysgu mewn un lle a rhoi mynediad digidol i weithwyr i amrywiaeth o ddigwyddiadau dysgu, adnoddau a chyfleoedd rhwydweithio.

• Yn dilyn adborth gan staff a chanlyniad adolygiad diwethaf Buddsoddwyr mewn Pobl, mae amrywiaeth o weithgareddau ymgysylltu newydd wedi'u rhoi ar waith i gefnogi gwell cyfathrebu ac ymgysylltu â staff.
• Mae enghreifftiau'n cynnwys sioeau teithiol i staff, arolygon staff, fforwm staff y Prif Weithredwr, treialu platfform EngagementHQ, codi proffil grwpiau a digwyddiadau staff.