Ysgolion

Diweddarwyd y dudalen: 15/05/2023

 Arweinydd Grŵp Cyflawni'r Ffrwd Waith

Gareth Morgans – Cyfarwyddwr Addysg a Gwasanaethau Plant

 Nod y Ffrwd Waith

Cynorthwyo ysgolion i ddod o hyd i ffyrdd o dorri costau a ffyrdd gwell o weithio, a chefnogi’r gwaith o ddatblygu cyllidebau ysgol mwy cynaliadwy a helpu i ddiogelu darpariaeth academaidd rheng flaen.

 Amcanion y Ffrwd Waith

  • Cefnogi ysgolion i ddod o hyd i ffyrdd o ddatblygu cyllidebau ariannol cynaliadwy yn y tymor, canol a hir a sicrhau bod y gwaith hwn yn gydnaws â Rhaglen Cymunedau Dysgu Cynaliadwy’r Cyngor.
  • Trafod arbedion effeithlonrwydd ac arbedion costau posib o fewn cyllidebau ysgol gyda chyrff llywodraethu.
  • Datblygu fframwaith i rannu a lledaenu arfer da ar draws ysgolion.
  • Gweithio’n agos gyda gwasanaethau allweddol yn y Cyngor i adnabod data a gwybodaeth y gellir eu defnyddio mewn trafodaethau gydag ysgolion ynghylch cyfleoedd arbedion ariannol posib e.e. strwythurau staffio, cymorth busnes, maint dosbarthiadau.
  • Datblygu ymhellach a chryfhau rôl caffael strategol mewn ysgolion a chefnogi’r defnydd o fframweithiau priodol i sicrhau bod gwariant ysgolion yn cynnig gwerth am arian.
  • Cefnogi’r gwaith o ailfodelu’r berthynas rhwng ysgolion a gwasanaethau allweddol yn y Cyngor ynghylch meysydd gwariant dirprwyedig e.e. cynnal a chadw eiddo a thiroedd..
  • Datblygu dulliau o gefnogi meincnodi data ar draws ysgolion y sir ynghylch meysydd gwariant allweddol.
  • Gweithio gydag Uned Adnoddau Dynol y Cyngor a Phenaethiaid er mwyn ceisio lleihau gwariant ar absenoldebau salwch, a recriwtio a phenodi staff, gan gynnwys y defnydd o athrawon cyflenwi.

 Prosiectau a Chynnydd

Meysydd Prosiect

 Beth rydym yn ei wneud
Meincnodi a Data
  • Mae dangosfwrdd gwariant arferol wedi'i greu i nodi meysydd lle mae costau uchel neu gostau cynyddol mewn ysgolion unigol er mwyn hwyluso ymwybyddiaeth a hyrwyddo ymyrryd yn gynnar.
  • Mae system feincnodi sy'n caniatáu i ysgolion gymharu eu costau ag ysgolion tebyg eraill yn cael ei datblygu i gefnogi teithiau gwella parhaus ysgolion.
Y Gwasanaeth Tasgfan
  • Yn dilyn treial ysgol gynradd llwyddiannus cytunwyd ar gyllid ar gyfer 2024-25 i hwyluso ymweliadau â phob safle i nodi meysydd risg o ran adeiladwaith a seilwaith yr ystad ysgolion.
Athrawon Asiantaeth
  • Yn dilyn trafodaethau ag ysgolion mae patrymau a thueddiadau wedi'u dadansoddi ac mae opsiynau ar gyfer rheoli costau a lleihau costau asiantaeth wedi'u nodi.
Plant sy'n Codi'n 4 oed
  • Adolygu a dadansoddi'r Polisi Plant sy’n Codi’n 4 oed er mwyn nodi darpariaeth feithrin fwy effeithlon a chost-effeithiol mewn ysgolion.
  • Mae hyn bellach yn rhan o ymgynghoriad â'r cyhoedd ac yn aros am benderfyniad y Cabinet ynghylch y camau nesaf.
Cyfleoedd am arbedion
  • Cynyddu ymwybyddiaeth o gontractau corfforaethol sy'n gallu hwyluso arbedion.
  • Ystyried opsiynau ar gyfer strwythurau gweinyddol mewn ysgolion i gefnogi cynllunio'r gweithlu.
  • Gwella cyfleoedd i gyfathrebu ag ysgolion drwy lythyrau newyddion. Sianeli Teams a chyfarfodydd Gweinyddol / Rheolwr Busnes yr Ysgol.
Model cyllido ADY
  • Cefnogi’r adran Cynhwysiant/ADY i ddatblygu modelau cyllido mwy cost-effeithiol ar gyfer darpariaeth ADY prif ffrwd ac arbenigol mewn ysgolion ac unedau arbenigol.
  • Sefydlu strategaeth adennill costau briodol ar gyfer lleoliadau ADY y tu allan i'r sir

Pwrpas trawsnewid yw gwella er mwyn bod yn sefydliad modern, arloesol, a deinamig yr ydym i gyd eisiau gweithio iddo.  Os oes gennych chi unrhyw syniadau am ffyrdd o wneud rhywbeth o fewn y cyngor hyd yn oed yn well, rhowch wybod i ni, mae pob syniad yn cael ei groesawu, mae trawsnewid i bawb. Os ydych yn teimlo y gallai eich adran elwa o fod yn rhan o un o'n prosiectau presennol, cysylltwch â ni i ddechrau ar eich taith drawsnewid gyda ni.

 

 

 

Trawsnewid

Tîm Trawsnewid

Bwrdd Trawsnewid a Ffrydiau Gwaith Trawsnewid

Bwrdd Trawsnewid

Ffrydiau Gwaith Trawsnewid

Sut galla i gymryd rhan?

Newyddion diweddaraf

Mwy ynghylch Trawsnewid