Polisi Secondiadau - Ionawr 2023

1. Rhagarweiniad

Ystyr secondiad yw trosglwyddo gweithiwr neu "rhoi benthyg" gweithiwr dros dro i ddyletswyddau, cyfrifoldebau neu brosiectau eraill lle mae'r dyddiad gorffen wedi'i gytuno.  Pan ddaw cyfnod y secondiad i ben, bydd y gweithiwr yn ailgydio yn ei swydd barhaol yn yr adran gyflogi wreiddiol neu'n cytuno ar gyfnod pellach o secondiad.  
 
Mewn sefyllfaoedd brys, mae'n bosibl y bydd yn ofynnol adleoli gweithwyr am gyfnod dros dro. Nid yw'r math hwn o adleoli brys wedi'i gynnwys yn y weithdrefn ac mae'n bosibl ei fod wedi'i gynnwys yn y Polisi amharu ar drefniadau gwaith.  Bydd hyn yn gofyn am drafodaeth gyda'ch Partner Busnes Adnoddau Dynol yn y lle cyntaf i bennu'r broses fwyaf priodol i'w dilyn. 
  
Mae llawer o fanteision yn deillio o secondiad i Gyngor Sir Caerfyrddin a'n gweithwyr, sy'n cynnwys:
  
•    galluogi trosglwyddo gweithwyr i feysydd sydd angen adnoddau dros dro neu yn y tymor byr.
  
•    cyfeirio arbenigedd lle mae'r angen mwyaf.
  
•    cefnogi gweithio "ar y cyd" a gwella gwasanaeth drwy weithio gydag Awdurdodau eraill neu brofiad gwaith partneriaeth y gweithwyr a secondiwyd.
  
•    cefnogi datblygiad gweithwyr a hyblygrwydd o ran cyflogaeth.
  
•    datblygu a rhannu sgiliau a gwybodaeth o fewn ac ar draws ein sefydliad.  • Cefnogi'r gwaith o ddatblygu gofynion, sgiliau a chymwyseddau gweithlu'r dyfodol a fydd eu hangen i ddarparu gwasanaethau newydd, gwahanol neu well.