Cwestiynau Cyffredin

Bydd llythyr yn cael ei anfon atoch i roi gwybod am ddyddiad yr apwyntiad. 

Pa mor hir fydd yn ei gymryd?

Mae'r ymgynghoriad ei hun fel arfer yn para hyd at 30 munud

Ydy rhywun yn gallu bod gyda mi yn ystod fy apwyntiad?

Mae'r ymgynghoriad yn gyfrinachol. Does dim oes ots gan ein Clinigwyr os ydych chi'n dymuno cael cefnogaeth cydymaith. Ond fel arfer ni fyddai disgwyl i'ch cydymaith gyfrannu at y drafodaeth, oni bai bod angen.

Oes angen i mi ddarparu rhywbeth?

Mae'n ddefnyddiol bod gennych yr holl fanylion am unrhyw feddyginiaeth, triniaeth neu brofion rydych chi'n eu cael a/neu sy'n berthnasol, yn ogystal â manylion eich apwyntiad gyda Meddyg Teulu/arbenigwr lle bo hynny'n berthnasol.

Pa gwestiynau fydd yn cael eu gofyn i mi?

Bydd y Clinigydd Iechyd Galwedigaethol yn gofyn cwestiynau amdanoch chi a'ch iechyd. Bydd hyn yn cynnwys gwybodaeth am eich problemau iechyd cyfredol gan gynnwys symptomau, archwiliadau a thriniaeth.

Bydd y Clinigydd Iechyd Galwedigaethol yn ceisio deall sut mae eich problem iechyd yn effeithio arnoch chi yn gyffredinol a'ch ffitrwydd i weithio. Efallai y bydd angen iddyn nhw gasglu gwybodaeth am broblemau iechyd blaenorol, ffordd o fyw cyffredinol, teulu, rhwydweithiau cymorth, gweithgareddau cymdeithasol. Mae hyn er mwyn cael darlun cyfannol o'r hyn a allai fod yn effeithio ar eich iechyd a pha gefnogaeth sydd gennych ar waith.

Ni allwn eich gorfodi i fynd i atgyfeiriad Iechyd Galwedigaethol. Fodd bynnag, yn y pen draw, bydd angen i ni wneud penderfyniadau ynghylch eich absenoldeb yn seiliedig ar y wybodaeth sydd gennym ac yn y rhan fwyaf o achosion gall gwybodaeth feddygol gywir a chyfredol helpu i wneud penderfyniad gwell a mwy gwybodus ynghylch eich absenoldeb a sut y caiff ei reoli.

Os ydych yn cytuno i fynd i apwyntiad Iechyd Galwedigaethol ac yn ei fethu, efallai y gellir cynnig apwyntiad arall i chi. Fodd bynnag, gellir cymryd camau disgyblu yn eich erbyn os ydych yn methu apwyntiadau yn gyson. Gall y tîm Iechyd Galwedigaethol godi tâl ar eich Adran hefyd o ganlyniad i wastraffu apwyntiad a allai fod wedi cael ei roi i rywun arall.

Mae gennych hawl i weld yr Adroddiad Iechyd Galwedigaethol cyn iddo gael ei ryddhau i'ch Rheolwr Llinell neu'r Rheolwr sy'n gwneud yr atgyfeiriad. Fodd bynnag, wedi i 10 niwrnod fynd heibio o ddyddiad derbyn disgwyliedig yr Adroddiad Iechyd Galwedigaethol, bydd y Gwasanaethau Iechyd Galwedigaethol yn rhannu'r adroddiad â'r Rheolwr Llinell Atgyfeirio a'r Ymgynghorydd Adnoddau Dynol.

Y Rheolwr Llinell neu'r Rheolwr Llinell Atgyfeirio, yr Ymgynghorydd Adnoddau Dynol ac Uwch Swyddogion perthnasol os bydd camau terfynol y weithdrefn yn debygol o gael eu rhoi ar waith, neu ar adeg lle gall gweithiwr ddefnyddio'i hawl i apelio neu ofyn am adolygiad.

Bydd y Tîm Rheoli yn gyfrifol am benderfynu ymarferoldeb gweithredu unrhyw addasiadau a awgrymwyd.

Mewn achosion lle rydych chi, fel rhan o'ch rôl, wedi bod o dan sgrinio Arolygu Iechyd gorfodol blynyddol, mae gofyniad i sicrhau bod archwiliad meddygol ymadael yn cael ei gynnal. Byddwn bob amser yn anelu at gwblhau'r rhain cyn i weithwyr adael. Fodd bynnag, yn dibynnu ar y rhybudd a ddarperir gan y rheolwr, efallai y bydd gofyn i chi fynd i apwyntiad ar ôl i chi adael.

Os ydych chi'n cael Cymorth Llesiant, a'ch bod yn gadael yr Awdurdod yn ystod y sesiynau, byddai yn ôl disgresiwn y rheolwyr p'un ai bod y sesiynau'n gallu parhau ai peidio hyd nes eu bod yn cael eu cwblhau.

Mae angen i'r tîm gael ei hysbysu gan reolwyr llinell yn uniongyrchol er mwyn canslo unrhyw apwyntiadau sydd wedi'u trefnu.