Dechrau Arni

System Ddwyieithog

Mae Thinqi yn hollol ddwyieithog.  Gallwch ddewis Cymraeg neu Saesneg o'r eicon ar dde uchaf y sgrin mewngofnodi neu drwy ddolen debyg tra o fewn y system.

I newid eich dewis iaith ar gyfer negeseuon e-bost wrth Thinqi, ewch i Broffil Dysgwr (o dan eich enw, y cornel de uchaf o’r sgrin), cliciwch ar y gog gosodiadau, yna Dewisiadau

Dangosfwrdd

Dyma ddangosfwrdd Thinqi. Byddwch yn gweld hyn pan fyddwch yn mewngofnodi am y tro gyntaf. Gallwch ddychwelyd i'r sgrin hon ar unrhyw adeg trwy glicio ar yr eicon cartref yn y gornel chwith uchaf. Yn dibynnu ar eich rôl a'r hyn sydd wedi cael eu gweithredu ar gyfer eich tîm, byddwch yn gweld nifer o eiconau ar y dangosfwrdd.  Gallwch hefyd ddod o hyd i'r union un eiconau â llwybrau byr trwy’r ddolen Apiau yn y gornel dde uchaf.

Fy Nghofnod Dysgu

Cliciwch ar eich enw yn y gornel dde uchaf ac yna cliciwch Gweld Cofnod Dysgwr. Dyma le mae Thinqi yn dangos agweddau amrywiol o’ch gweithgareddau dysgu.  Gallwch hefyd gael mynediad i'r un cofnod dysgwr drwy eicon ar ddangosfwrdd Thinqi.

Y Llyfrgell / Bathodynnau

Er bod croeso mawr i chi pori'r holl gynnwys yn y llyfrgell, y flaenoriaeth gychwynnol i bob un ohonom yw cwblhau'r holl eitemau yn y catalog dysgu hanfodol.  Mae'r catalog dysgu hanfodol yn cynnwys yr eitemau o ddysgu y mae angen i ni i gyd ei gwblhau.

Pan fyddwch yn cwblhau eitem, byddwch yn derbyn bathodyn bydd ar gael i’w weld yn eich cofnod dysgwyr. Mae bathodynnau dysgu hanfodol yn cael eu neilltuo yn awtomatig aton ni i gyd.  Byddwch yn derbyn e-byst yn eich atgoffa i gwblhau'r rhain.  Gallwch hefyd weld y dyddiadau cau o dan ‘Cynllunydd’ yn ogystal â'r ardal ‘Yn Ddyledus Nesaf’ ar y ddangosfwrdd.

Bydd bathodynnau sydd wedi’i neilltuo i chi, neu os ydych wedi clicio ar Ddechrau Bathodyn, ond heb ei gwblhau eto yn ymddangos yn llwyd yn eich cofnod dysgwyr.  Byddant yn troi'n las pan fyddwch wedi'u cwblhau.

Os nad yw'r eitem yn fathodyn, gallwch ddechrau'r dysgu trwy glicio’r botwm lansio.

Os yw'r eitem yn fathodyn, bydd gennych ddewis o un neu fwy o lwybrau yn yr adran ‘Sut i ennill y bathodyn’.  Efallai y byddwch yn gallu cwblhau rhywfaint o e-ddysgu, bwcio ar ddigwyddiad byw, neu wylio recordiad o ddigwyddiad byw blaenorol.  Dewiswch beth bynnag sy'n gweithio’n orau i'ch arddull ddysgu a'r amser sydd ar gael gennych. Pa bynnag lwybr a ddewiswch, bydd Thinqi yn cydnabod eich bod wedi cwblhau a dyfarnu'r bathodyn.  Gallwch gwblhau mwy nag un llwybr neu ddefnyddio'r cynnwys fel deunydd cyfeirio ac ailedrych arno ar unrhyw adeg.

Mae bathodynnau llwyd yn ymddangos yn eich ardal ddysgu pan nad ydych eto wedi cwblhau bathodyn sydd naill ai wedi'i aseinio'n awtomatig i chi, mae eich rheolwr wedi eich cofrestru arno, neu eich bod wedi cofrestru ar eu gyfer drwy ddefnyddio'r opsiwn ‘Dechrau Bathodyn’.  Bathodynnau glas yw’r bathodynnau yr ydych wedi cwblhau.

Bydd rhai bathodynnau yn dod i ben ar ôl cyfnod o amser, er enghraifft, tair blynedd.  Byddwch yn derbyn e-bost i’ch atgoffa ar gyfer y rhain neu gallwch wirio yn Thinqi pryd mae angen eu hadnewyddu.

Mae bathodynnau coch yn fathodynnau trosfwaol.  Mae hyn yn golygu bod angen i chi gwblhau nifer o fathodynnau eraill i gyflawni'r bathodyn hwnnw.  Er enghraifft, byddwch yn derbyn Bathodyn coch ar gyfer Dysgu Hanfodol pan fyddwch yn cwblhau'r gyfres o fathodynnau dysgu hanfodol.

Mae bathodynnau gyda logo'ch sefydliad yn benodol i'ch sefydliad.  Mae bathodynnau gyda logo Consortiwm Dysgu Cymru yn ymwneud â chynnwys sy'n cael ei rannu rhwng yr holl sefydliadau sy'n defnyddio cytundeb cenedlaethol Thinqi.

Digwyddiadau

Mae ‘Digwyddiadau’ yn elfennau dysgu rydych yn mynychu naill ai wyneb yn wyneb neu drwy Teams.  Mae eicon digwyddiadau ar y bwrdd gwaith.  Gellir gweld digwyddiadau sydd i ddod hefyd ar waelod yr Hafan.

Os cliciwch ar ‘ddigwyddiadau’, mi welwch disgrifiad, dewis o sesiynau posibl ac unrhyw ragofynion.  Ni fydd Thinqi yn gadael i chi gofrestru ar gyfer digwyddiad nes eich bod wedi cwblhau unrhyw ofynion rhestredig.  Bydd angen gwesteiwr ar rai digwyddiadau i dderbyn eich cais. Os felly, byddwch yn derbyn cadarnhad o'u penderfyniad drwy e-bost ac o fewn Thinqi.

Pan fyddwch yn cofrestru ar gyfer digwyddiad, gallwch weld y manylion yn eich cynllunydd, yn eich calendr Outlook neu Teams, ac os yw’n digwyddiad rhithiol neu hybrid fe welwch hefyd dolen am fynediad trwy Teams.

Bydd digwyddiadau rydych chi'n eu mynychu'n wyneb yn wyneb hefyd yn dangos map a chynnwys manylion unrhyw drefniadau neu ofynion arbennig fel hygyrchedd.

Pan fyddwch yn mynychu digwyddiad drwy Teams, bydd Teams yn siarad â Thinqi a chofnodi'ch presenoldeb yn awtomatig.  Byddwch yn gallu gweld bod hyn wedi digwydd trwy'r tab ‘gweithgaredd dysgwr’ yn eich cofnod dysgwr Thinqi.

Rhaglenni

Mae'r rhaglenni'n cynnwys cyfres o eitemau dysgu y byddai dysgwr yn cwblhau, bydd rhain fel arfer gyda grŵp o gydweithwyr.  Enghraifft fyddai rhaglen arweinyddiaeth, sy'n cynnwys nifer o eitemau o ddysgu, darlithoedd, ymarferion, hyd yn oed gwaith cartref. 

Gellir rheoli hyn i gyd gan Thinqi. Mae rhai rhaglenni trwy wahoddiad yn unig. Bydd eraill yn caniatáu i chi gofrestru ac efallai y bydd rywun yn cysylltu â chi i drafod eich anghenion datblygu personol cyn i chi cael eich derbyn ar raglen.

Rhwydweithiau

Defnyddir rhwydweithiau fel arfer ar gyfer grwpiau penodol caeedig o ddysgwyr, er enghraifft Pwyllgor Cynllunio'r Aelodau.  Os cewch eich gwahodd i ymuno â grŵp o'r fath, efallai bydd dysgu penodol sy'n cael ei neilltuo'n awtomatig i chi gan y system unwaith y byddwch yn aelod.

Proffiliau Llwyddiant

Mae proffiliau llwyddiant yn ffordd amlwg iawn i weld pa gymwyseddau, ac mewn rhai achosion ymddygiadau, sydd wedi cael eu mapio i'ch rôl. Pan fyddwch yn cwblhau dysgu penodol o fewn y system, dangosir y nodweddion hyn fel ticiau. Gallwch hefyd weld y proffiliau llwyddiant ar gyfer rolau eraill yn eich ardal chi. Mae hon yn ffordd wych o weld beth fydd angen i chi gyflawni yn unol â'ch dyheadau gyrfa a'r hyn yr ydych wedi'i gyflawni hyd yn hyn.

Pobl

Sut ydych chi'n gwybod pwy sydd wedi cwblhau eu dysgu ai peidio? Dyma le mae'r eicon Pobl yn gweithredu. Mae’r eicon ar eich dangosfwrdd Thinqi os rydych yn rheoli pobl.

Gallwch glicio ar fathodynnau a gweld crynodeb neu’r manylder o bwy sydd wedi gwneud beth, hyd yn oed pa ddigwyddiadau y gwnaethon nhw eu mynychu. Gallwch hyd yn oed neilltuo bathodynnau atynt - yna byddant yn derbyn hysbysiad a gallwch wylio eu cynnydd. Mae'r swyddogaeth ddefnyddiol hon yn eich helpu i gefnogi eich pobl gyda eu dysgu.