Canllawiau i Reolwyr

Fel cyflogwr, mae'n ofynnol i ni o dan Ddeddf Iechyd a Diogelwch 1974 ddiogelu Iechyd, Diogelwch a Lles ein staff. Felly, mae'n rhaid i ni sicrhau bod eu hiechyd yn cael ei ystyried ar bob cam o'r broses.

Rolau Newydd

Pan fyddwch yn creu rôl newydd drwy OLEEO ac yn llywio'r broses recriwtio, mae'n hanfodol deall a fydd tasgau'r rôl yn ei gwneud yn ofynnol i'r gweithiwr dderbyn monitro arolygu iechyd, er mwyn sicrhau ei fod yn cael ei ddiogelu rhag unrhyw effeithiau andwyol o ddod i gysylltiad â pheryglon yn ei rôl o'r diwrnod cyntaf. Mae Arolygu Iechyd hefyd yn sicrhau bod gweithwyr yn iach i gyflawni eu dyletswyddau.

I'ch cynorthwyo i nodi a oes angen Arolygu Iechyd ar y rôl, cwblhewch y daflen weithgareddau hon. Yn ogystal â llenwi'r ffurflen hon, mae'n bosibl y bydd angen trafodaeth wedyn gyda'ch Ymgynghorydd Iechyd a Diogelwch (iechydadiogelwch@sirgar.gov.uk) i sicrhau bod yr asesiadau risg perthnasol yn cael eu datblygu i'r gweithgareddau sy'n cael eu cynnal.

Gweithio gyda'r Nos

Os bydd y swydd newydd yn gofyn i weithwyr weithio'n rheolaidd o leiaf 3 awr yn ystod y nos (Cyfnod y nos yw 11pm i 6am). Wedyn mae Rheoliadau Amser Gweithio 1998 yn ei wneud yn ofynnol i'r Cyngor roi cyfle i weithwyr nos gael asesiad iechyd am ddim. Gellir cael mynediad at hyn drwy'r fewnrwyd: Arolygu Iechyd

Oedolion a Phlant Agored i Niwed

Os yw'r rôl newydd yn ei gwneud yn ofynnol i weithwyr weithio gydag oedolion neu blant sy'n agored i niwed, yna efallai y bydd gofyn iddynt ymgymryd â ffurflen sgrinio cyflogaeth newydd.

Proses atgyfeirio ar gyfer rolau presennol sy'n gofyn am Arolygu Iechyd

Rolau a Chyfrifoldebau

Dylai gweithwyr:

• Gydweithio drwy fynychu rhaglenni Arolygu Iechyd (os gwelir bod angen) er mwyn sicrhau bod dyletswyddau iechyd a diogelwch yn cael eu bodloni o dan y gyfraith.
• Rhoi gwybod am unrhyw symptomau o salwch cyn gynted â’ch bod yn sylwi arnyn nhw er mwyn cymryd camau cyflym i rwystro unrhyw niwed pellach.
• Cymryd gofal rhesymol o iechyd a diogelwch eich hun a phobl eraill y gallai eich gweithredoedd neu eich anweithredoedd yn y gwaith effeithio arnynt.
• Rhoi gwybod am unrhyw ddiffygion yn y trefniadau iechyd a diogelwch, hyd yn oed pan nad oes unrhyw beryglon amlwg, er mwyn i’ch rheolwr gymryd camau i adfer hynny os oes angen.

Dylai rheolwyr:

• Lle bo’n rhesymol ymarferol, sicrhau iechyd, diogelwch a lles yr holl weithwyr.
• Sicrhau bod asesiadau risg yn cael eu cynnal a’u hadolygu’n rheolaidd a bod Systemau Gweithio’n Ddiogel yn eu lle.
• Cynorthwyo gweithwyr i ddeall yr angen am Arolygu Iechyd a’i fanteision drwy egluro’r diben a’r broses.
• Annog gweithwyr i gymryd rhan gadarnhaol a chydweithio’n llawn yn y rhaglen Arolygu Iechyd, gan egluro pwysigrwydd a pherthnasedd y rhaglen iddyn nhw.

Dylai Ymgynghorwyr Iechyd a Diogelwch:

• Roi cyngor i chi a’ch rheolwyr ynglŷn â gofynion asesiadau risg, Systemau Gweithio’n Ddiogel, ac arolygu iechyd.
• Gyda’r rheolwyr, cynorthwyo’r uned Iechyd Galwedigaethol i sefydlu rhaglenni arolygu iechyd newydd neu eu haddasu.
• Cynorthwyo rheolwyr i fonitro ac adolygu gofynion asesiadau risg, Systemau Gweithio’n Ddiogel, ac arolygu iechyd.

Dylai Ymarferwyr Iechyd Galwedigaethol:

• Arolygu iechyd yn unol â’r protocolau a’r ddeddfwriaeth a chanllawiau y Weithrediaeth Iechyd a Diogelwch.
• Rhoi cyngor i chi ar ddilyn Systemau Gweithio’n Ddiogel, i ddefnyddio Cyfarpar Diogelu Personol priodol ac i roi gwybod am unrhyw bryderon ynglŷn â’ch iechyd.
• Rhoi gwybod i chi am unrhyw bryderon iechyd a’ch atgyfeirio i’r ymarferydd meddygol priodol.