Copilot Chat

O 27 Hydref ymlaen, bydd gan holl staff y Cyngor fynediad at Copilot Chat, sef cynorthwyydd Deallusrwydd Artiffisial o fewn Teams a Microsoft Edge.

P'un a ydych chi'n drafftio dogfennau, yn crynhoi cynnwys neu'n taflu syniadau, bydd Copilot Chat yn gallu eich helpu i weithio'n ddoethach ac yn gyflymach.

Mae'r cynorthwyydd Deallusrwydd Artiffisial hwn, sef Copilot Chat, yn rhan o'n pecyn o gymwysiadau Microsoft 365 sydd ar gael i'r holl staff. Mae wedi'i gynllunio i gynorthwyo â'ch tasgau o ddydd i ddydd gan gadw eich data'n ddiogel a sicrhau ei fod yn cydymffurfio â safonau GDPR a Ffiniau Data yr UE

Copilot Chat neu Microsoft 365 Copilot

Copilot Chat

• Integreiddio: Mae ar gael yn Microsoft Teams a Microsoft Edge, ac mae modd i'r holl staff ei gyrchu fel rhan o becyn safonol Microsoft 365.
• Mynediad at Ddata: Nid yw'n cyrchu data sefydliadol mewnol yn awtomatig (negeseuon e-bost, cyfarfodydd, ffeiliau, ac ati.). Yn lle hynny, mae'n creu ymatebion yn seiliedig ar gynnwys gwe ac unrhyw ffeiliau rydych chi'n eu llwytho yn ystod y sgwrs.
• Nodweddion: Mae'n darparu cymorth ar ffurf sgwrs ar gyfer drafftio dogfennau, crynhoi cynnwys, taflu syniadau, ac ateb cwestiynau. Mae'n wych ar gyfer ymholiadau cyffredinol a chael cymorth yn gyflym.
• Cymhwysedd: Mae wedi'i gynnwys ar gyfer yr holl staff heb fod angen unrhyw drwyddedu ychwanegol.
• Diogelwch: Mae wedi'i ddatblygu gan ddefnyddio diogelwch gradd menter ac mae'n cydymffurfio â GDPR.
• Achos Defnydd: Mae'n addas ar gyfer staff sydd angen cael cymorth yn gyflym, ar ffurf sgwrs, ac nid oes angen integreiddio â data sefydliadol neu awtomeiddio uwch

Copilot Microsoft 365:

• Integreiddio: Mae wedi'i ymgorffori'n ddwfn yng nghymwysiadau Microsoft 365 fel Word, Excel, PowerPoint, Outlook, a Teams.
• Mynediad at Ddata: Mae'n gallu cyrchu eich negeseuon e-bost gwaith, cyfarfodydd, sgyrsiau, dogfennau, SharePoint, a ffeiliau OneDrive yn ddiogel, darparu ymatebion cyd-destunol perthnasol ac awtomeiddio tasgau o fewn yr apiau hynny.
• Nodweddion: Mae'n cefnogi nodweddion cynhyrchiant uwch fel rhoi crynodeb o gyfarfodydd, llunio dogfennau, dadansoddi data, creu cyflwyniadau, ac awtomeiddio tasgau ailadroddus.
• Cymhwysedd: Mae angen cael trwydded Microsoft 365 Copilot bwrpasol sy’n cael ei neilltuo gan yr adran TG. Mae'r drwydded fel arfer ar gael i staff y mae eu rolau yn cael budd o integreiddio dyfnach a nodweddion uwch.
• Diogelwch: Mae'n cydymffurfio'n llawn â safonau diogelu data mentrau, gan barchu caniatâd defnyddwyr a pholisïau sefydliadol.
• Achos Defnydd: Mae'n ddelfrydol ar gyfer staff sydd angen cael cymorth Deallusrwydd Artiffisial yn uniongyrchol o fewn eu hoffer gwaith o ddydd i ddydd a mynediad at ddata sefydliadol