Copilot Chat

Yn Microsoft Teams:

• Agorwch Microsoft Teams ar eich gliniadur.
• Chwiliwch am yr eicon Copilot Chat yn y bar ar yr ochr (fel arfer ar ochr chwith ffenestr Teams).
• Cliciwch ar yr eicon Copilot Chat i lansio'r cynorthwyydd.
• Dechreuwch deipio eich cwestiwn neu eich tasg. Mae Copilot Chat yn barod i'ch helpu i ddrafftio dogfennau, crynhoi cynnwys, taflu syniadau, a mwy.

Yn Microsoft Edge:

• Agorwch Microsoft Edge ar eich gliniadur.
• Gwnewch yn siŵr bod y fersiwn ddiweddaraf o Edge wedi'i gosod.
• Chwiliwch am yr eicon Copilot ar ochr dde uchaf y porwr a chliciwch arno i lansio Copilot Chat.

Mae Copilot Chat yn gynorthwyydd wedi'i bweru gan Ddeallusrwydd Artiffisial sydd ar gael yn Microsoft Teams ac Edge ac sydd wedi'i ddatblygu i helpu staff i weithio'n ddoethach ac yn gyflymach. Mae ei brif fanteision yn cynnwys:

• Hwb i Gynhyrchiant: Mae Copilot Chat yn eich helpu i ddrafftio dogfennau, crynhoi cynnwys, taflu syniadau, ac ateb cwestiynau'n gyflym, gan leihau'r amser rydych chi'n ei dreulio ar dasgau ailadroddus a'ch galluogi i ganolbwyntio ar waith gwerth uwch.
• Mynediad Hawdd a Chymorth ar ffurf Sgwrs: Gallwch gyrchu Copilot Chat yn uniongyrchol yn Teams neu Edge, gan ei gwneud hi'n hawdd cael help ar unwaith gyda thasgau o ddydd i ddydd trwy ryngwyneb sydd ar ffurf sgwrs.
• Adalw a Chrynhoi Gwybodaeth: Gall Copilot Chat ddod o hyd i wybodaeth am bynciau penodol, crynhoi dogfennau cymhleth, a chrynhoi pwyntiau allweddol o erthyglau neu dudalennau gwe, gan gefnogi gwaith ymchwil a phenderfyniadau.
• Creu a Thaflu Syniadau: Mae'n offeryn gwerthfawr ar gyfer creu syniadau, creu amlinelliadau, a datrys problemau ar y cyd.
• Diogelwch a Chydymffurfiaeth: Mae Copilot Chat wedi'i ddatblygu drwy ddefnyddio diogeledd a diogelu data gradd menter, gan sicrhau bod eich rhyngweithiadau'n cael eu diogelu a'u bod yn cydymffurfio â GDPR a safonau eraill.

Er mwyn cefnogi'r holl staff, rydyn ni wedi lansio modiwl e-ddysgu Deallusrwydd Artiffisial newydd, sydd wedi'i ddatblygu i'ch helpu i ddeall a defnyddio deallusrwydd artiffisial yn eich tasgau dyddiol. Mae'r modiwl hwn yn cwmpasu ystod eang o bynciau, gan gynnwys hanfodion Deallusrwydd Artiffisial, ei gymwysiadau mewn gwahanol feysydd, a sut i ddefnyddio offer Deallusrwydd Artiffisial yn effeithiol ac yn foesegol.

Cliciwch yma i gymryd rhan

Gallwch hefyd ymuno â Microsoft bob dydd Mawrth am 2pm ar gyfer gweminar Microsoft 365 Copilot Chat sy'n para am 60 munud, ac sydd wedi'i gynllunio'n benodol ar gyfer staff cynghorau llywodraeth leol.

Mae pob gweminar yn cynnwys awgrymiadau promptio ymarferol, enghreifftiau'r byd go iawn, a sesiwn holi ac ateb byw. P'un a ydych chi'n chwilfrydig am Ddeallusrwydd Artiffisial neu eich bod am wella darpariaeth gwasanaethau a'r modd y maent yn cydweithio, mae hwn yn gyfle gwych i ddysgu a chysylltu. 

Cliciwch yma i gofrestru: