Gweithio o bell

Os edrychwch yng nghornel dde waelod eich sgrin, byddwch yn gweld un o'r eiconau canlynol gan ddibynnu ar eich fersiwn o Windows 10. Mae'r ddau eicon hyn yn golygu nad ydych wedi cysylltu â'ch Wi-Fi.

Sut i gysylltu â'ch Wi-Fi:

• Cliciwch ar yr eicon a byddwch yn gweld Wi-Fi eich cartref (a Wi-Fi eich cymdogion siŵr o fod).
• Dewiswch Wi-Fi eich cartref a theipiwch y côd  (os nad ydych chi'n gwybod eich côd, bydd wedi'i nodi ar eich llwybrydd di-wifr).

Ar ôl i chi gysylltu, bydd yr eiconau uchod wedi newid i hyn:

Bellach bydd angen i chi sicrhau bod Global Protect yn cysylltu. Gallwch weld eicon Global Protect yn y bar tasgau a bydd yn edrych fel hyn i ddechrau:  

Ar ôl i Global Protect ganfod cysylltiad diogel â'r rhwydwaith corfforaethol bydd yn newid i'r glôb glas uchod. Gallwch bellach ddefnyddio'r gliniadur a'r rhaglenni fel pe baech yn eistedd wrth eich desg yn y swyddfa. Os ydych yn cael problemau cysylltu â Global Protect, ffoniwch 01267 246789.

O bryd i'w gilydd, mae'n bosibl na fydd eich gliniadur yn cysylltu â'r rhyngrwyd drwy eich llwybrydd di-wifr. Os yw'r broblem hefyd yn effeithio ar eich dyfeisiau personol, efallai y bydd yn werth ailddechrau eich llwybrydd di-wifr. Cofiwch nad yw pob llwybrydd yn edrych yr un fath, ond maent yn cyflawni'r un swyddogaeth.

I ailddechrau eich llwybrydd di-wifr: 

• Dadblygwch eich llwybrydd neu'ch modem o'r pŵer (peidiwch â'i ddiffodd yn unig).
• Arhoswch tua 30 eiliad cyn ei blygio'n ôl i mewn. 
• Caniatewch rai munudau i'r ddyfais droi nôl ymlaen.
• Ar ôl i'r llwybrydd ailddechrau, gwiriwch a yw eich gliniadur wedi cysylltu â'r rhyngrwyd fel y nodwyd yn yr adran 'Sut rwyf yn cysylltu â Wi-Fi'. 

Os ydych chi'n cael trafferth cysylltu â rhwydwaith yr Awdurdod, gofynnir i chi brofi dyfais bersonol gan ddefnyddio cysylltiad eich cartref â'r rhyngrwyd i weld ai'r cysylltiad â'r rhyngrwyd neu eich dyfais CSC sy'n gyfrifol am hyn, cyn cysylltu â ni.

Os ydych chi'n cael problemau o ran cysylltedd y rhyngrwyd yn eich cartref, cyfeiriwch at ein canllaw Wi-Fi uchod.

Dim ond drwy Citrix y dylid defnyddio'r systemau canlynol gartref:

• OHMS
• Flare
• Cefn Swyddfa Agresso

Dylai cleientiaid sy'n gweithredu o fewn gwasanaethau critigol ac sydd angen mynediad at systemau trwy Citrix wneud cais trwy Hunan Wasanaeth.

I gyfathrebu â'ch cydweithwyr o bell, yn ogystal ag e-bost, byddem yn argymell defnyddio Microsoft Teams. Mae'n bwysig bod Microsoft Teams yn rhedeg gyda chi pan fyddwch yn gweithio gartref, fel bod cydweithwyr yn gallu cysylltu â chi. 

Edrychwch am yr eicon hwn i wirio a yw Microsoft Teams wedi dechrau.

Os nad ydych yn gweld yr eicon hwn, bydd angen i chi agor Microsoft Teams eich hun. I ddod o hyd i Microsoft Teams, cliciwch ar y botwm 'Start' a sgroliwch i lawr nes y byddwch yn gweld Microsoft Teams, ac yna cliciwch arno i'w agor.

I gael rhagor o wybodaeth am sut i ddefnyddio Microsoft Teams

Gosodiad Teleweithiwr ar gyfer ffôn Mitel 5212

• Cysylltwch eich cebl rhwydwaith oddi tano i'r twll sydd â'r symbol rhwydwaith yn ei ymyl a gwasgwch "7" yn syth a'i ddal i lawr nes bod "Config Teleworker" yn ymddangos.
• Dilynwch y cyfarwyddiadau ar y sgrin:
  • Config Teleworker: gwasgwch * ar gyfer Yes.
  • Delete/New Settings gwasgwch # ar gyfer New.
  • Teleworker Gateway: teipiwch 212.219.142.124
  • Gwasgwch y botwm saeth i lawr yn ymyl y sgrin arddangos (ar yr ochr dde ar dop y ffôn).
  • Store Changes: gwasgwch * ar gyfer Yes.
  • Bydd y ffôn yn dangos “Saving to NVRAM” yna “NVRAM Save Complete”.
  • Bydd y ffôn yn lawrlwytho ei osodiadau ac yn barod i'w ddefnyddio.

Cofiwch y bydd angen dilyn y broses i'r gwrthwyneb i ddefnyddio'ch Ffôn IP yn y swyddfa eto:

Dileu gosodiad Teleweithiwr ar gyfer ffôn Mitel 5212

• Datgysylltwch ac yna ailgysylltwch eich cebl rhwydwaith i'r ffôn a gwasgwch y botwm "7" yn syth nes bydd "Config Teleworker" yn ymddangos.
• Dilynwch y cyfarwyddiadau ar y sgrin:
  • Config Teleworker: gwasgwch * ar gyfer Yes. 
  • Delete/New Settings gwasgwch * ar gyfer Delete.
  • Store Changes: gwasgwch * ar gyfer Yes. 
  • Bydd y ffôn yn dangos "Saving to NVRAM" yna "NVRAM Save Complete".
  • Datgysylltwch y ffôn. 

Gosodiad Teleweithiwr ar gyfer ffôn Mitel 5312/5320

• Cysylltwch eich cebl rhwydwaith oddi tano i'r twll sydd â'r symbol rhwydwaith yn ei ymyl a gwasgwch "7" yn syth a'i ddal i lawr nes bod "Config Teleworker" yn ymddangos. 
• Dilynwch y cyfarwyddiadau ar y sgrin:
  • Config Teleworker: gwasgwch * ar gyfer Yes. 
  • Delete/New Settings gwasgwch # ar gyfer New.
  • Math Cyfeiriad IP: gwasgwch * ar gyfer Yes.
  • Teleworker Gateway: teipiwch 212.219.142.124
  • Gwasgwch y botwm saeth i lawr yn ymyl y sgrin arddangos (ar yr ochr dde ar dop y ffôn).
  • Store Changes: gwasgwch * ar gyfer Yes
  • Bydd y ffôn yn dangos “Saving to NVRAM” yna “NVRAM Save Complete”.
  • Bydd y ffôn yn lawrlwytho ei osodiadau ac yn barod i'w defnyddio.

Cofiwch y bydd angen dilyn y broses i'r gwrthwyneb i ddefnyddio'ch Ffôn IP yn y swyddfa eto:

Dileu gosodiadau Teleweithiwr o ffôn Mitel 5312/5320

• Datgysylltwch ac yna ailgysylltwch eich cebl rhwydwaith i'r ffôn a gwasgwch y botwm "7" yn syth nes bydd "Config Teleworker" yn ymddangos.
• Dilynwch y cyfarwyddiadau ar y sgrin:
  • Config Teleworker: gwasgwch * ar gyfer Yes. 
  • Delete/New Settings gwasgwch * ar gyfer Delete.
  • Store Changes: gwasgwch * ar gyfer Yes. 
  • Bydd y ffôn yn dangos "Saving to NVRAM" yna "NVRAM Save Complete".
  • Datgysylltwch y ffôn.

Na, nid yw'n bosibl argraffu i argraffwyr personol.