Rheoli eich cyfrinair

Diweddarwyd y dudalen: 16/05/2023

Os ydych wedi anghofio eich cyfrinair Windows, os oes angen i chi ei newid, neu os oes angen i chi ddatgloi eich cyfrif, gallwch wneud hyn i gyd drwy Microsoft SSPR (Hunanwasanaeth Ailosod Cyfrinair)

Beth yw Microsoft SSPR?

Mae Microsoft SSPR yn wasanaeth newydd i reoli cyfrineiriau sy'n disodli ein meddalwedd "Password Station" bresennol, felly yn ystod y cyfnod pontio, bydd y ddau opsiwn ar gael i ddefnyddwyr.

Rydym yn eich annog i gofrestru ar gyfer Microsoft SSPR cyn gynted â phosibl. Mae'n rhaid i chi fynd drwy'r broses gofrestru a dewis atebion i nifer o gwestiynau diogelwch.

Pwysig: Bydd methu â chofrestru yn golygu y bydd yn rhaid i chi gysylltu â'r Ddesg Gymorth TG yn y dyfodol os oes angen i chi newid eich cyfrinair neu ddatgloi eich cyfrif, yn hytrach na gallu gwneud hynny eich hun. Bydd "Password Station" yn cael ei ddileu ar ddyfeisiau ar ôl i'r rhan fwyaf o ddefnyddwyr gofrestru ar gyfer Microsoft SSPR.

Cofrestru ar gyfer Microsoft SSPR

Sut ydw i'n cael mynediad i Microsoft SSPR?

Ar ôl i chi gofrestru, os oes angen i chi ailosod, datgloi neu newid eich cyfrinair gallwch wneud hynny drwy'r ddau ddull canlynol.

  1. Drwy'r ddolen "Ailosod Cyfrinair" o dan y maes cyfrinair ar sgrin fewngofnodi Windows 10.
  2. Drwy fynd i https://passwordreset.microsoftonline.com o borwr gwe ar unrhyw ddyfais gorfforaethol.

Rheoli eich Cyfrinair

Awgrymiadau ar greu cyfrinair cryf

Ceisiwch ymarfer rheoli eich cyfrinair. Defnyddiwch gymysgedd o nodau, rhifau a symbolau arbennig e.e.$!%&. Peidiwch â defnyddio cyfrineiriau sy'n seiliedig ar wybodaeth bersonol, a pheidiwch â defnyddio'r un cyfrinair ar gyfer gwefannau gwahanol. Y lleiafswm hyd a argymhellir ar gyfer cyfrineiriau yw 9 nod, a dylid defnyddio ymadrodd yn hytrach na chyfrinair. Gellid defnyddio ymadrodd megis 'Rwy'n hoffi yfed te gwyrdd', yn hytrach na defnyddio cyfrinair 'te gwyrdd'.

Ond pam dylid dilyn y camau hyn?

Gellir lawrlwytho meddalwedd hacio, sy'n hawdd ei gael ar y Rhyngrwyd, a'i osod ar gyfrifiadur safonol er mwyn dyfalu neu 'gracio' cyfrineiriau (nid oes arnoch angen cyfrifiadur arbennig!). Mae'n llwyddo i wneud hyn drwy redeg cyfres o nodau hyd nes iddo ddod o hyd i'r un cywir. Byddai cyfrinair sy'n air cyffredin o'r geiriadur ac sy'n cynnwys 8 nod yn cymryd llai na 12 awr i'w ddyfalu. Byddai ymadrodd sy'n cynnwys 6 gair yn cymryd dros 100 mlynedd i'w ddyfalu!

Hefyd, ni ddylid cadw cofnod o gyfrineiriau yn un man, na'u rhannu ag unrhyw un. Cadwch nhw'n gyfrinach!

Bitlocker: Amgryptio gliniadur

Ers diwedd 2016 mae'r gliniaduron a ddarperir gan y Gwasanaethau TG wedi cael eu diogelu gan raglen amgryptio Microsoft Bitlocker. Drwy newid ein meddalwedd amgryptio i Bitlocker gallwn gynnig manteision eraill, megis rhif PIN unigol ar gyfer pob dyfais a hunanwasanaeth ar gyfer rhifau PIN.

 Beth fydd yn digwydd os anghofia i fy rhif PIN?

Gofynnwyd ichi ddewis rhif PIN pan gafodd eich dyfais ei gosod, er mwyn datgloi'r gliniadur. Os byddwch yn anghofio'ch rhif PIN ac yn methu mewngofnodi i'r ddyfais bydd gennych ddau ddewis.

Dewis 1: Hunanwasanaeth (Argymhellir): Os oes gennych fynediad i ddyfais arall (cyfrifiadur neu gliniadur) sydd wedi'i chysylltu i'n rhwydwaith bydd modd ichi ddatgloi'r gliniadur eich hun a dewis rhif PIN newydd.

Sylwch:  Bydd y broses hon ond yn gweithio os ydych wedi mewngofnodi i'r gliniadur yn y gorffennol.

  1. Mewngofnodwch i Windows ar y ddyfais arall, gan ddefnyddio manylion eich cyfrif defnyddiwr.
  2. Agorwch borwr y we ac ewch i https://myaccount.microsoft.com/device-list
  3. Ehangwch y ddyfais Windows ar y rhestr y mae angen y wybodaeth allweddol adfer arnoch, yna dewiswch 'View Bitlocker Keys'
  4. Trowch eich gliniadur ymlaen a phwyswch ar fotwm Escape i gyrraedd tudalen adfer Bitlocker
  5. Cymerwch sylw o'r allwedd adfer a'i chymharu â'r ID allweddol a gyflwynwyd yn ystod cam 3 ac os yw'n cyfateb dewiswch 'Show Recovery Key'
  6. Teipiwch y côd adfer 48 digid ac os yw'r côd yn gywir pwyswch Enter; dylai Windows ddechrau llwytho yn ôl yr arfer

Dewis 2: Desg Gymorth TG: Os nad oes mynediad gennych i ddyfais arall er mwyn datgloi eich gliniadur eich hun, gallwch ffonio'r Ddesg Gymorth TG ar rif ffôn 01267 24(6789) a byddwn yn eich tywys drwy'r broses dros y ffôn.

 Sut ydw i'n newid fy rhif PIN?

  1. Pan fyddwch wedi mewngofnodi i Windows cliciwch ar y botwm Cychwyn ac wedyn  ar ‘Panel Rheoli’. Ym mlwch chwilio'r Panel Rheoli teipiwch ‘BitLocker Encryption Options’ a phwyswch
  2. Dewiswch ”Manage your PIN” a newidiwch eich rhif PIN. Teipiwch eich PIN newydd yn y ddau faes a dewisiwch ”Reset PIN”.

Cymorth TG

Cais am Fynegiant o Ddiddordeb

Gweithio o bell

Polisïau TG

Strategaeth TG

Diogelwch TG

Argraffu a Sganio

Gosodiadau ffôn Mitel IP a Gosodiadau

Optimeiddio Band Eang Yn Y Cartref

Dyfeisiau Symudol

Gosodwch meddalwedd eich hun

Dewis Porwr Diofyn

Microsoft Teams

Caledwedd Corfforaethol Y Feithiau

Ffôn Meddal

Sharepoint

Office 365

Awgrymiadau Bywyd Batri

Kit Ystafell Cyfarfod Hybrid

Gweinyddwyr System Adrannol

Mwy ynghylch Cymorth TG