Gosod neu newid eich llun proffil ar Microsoft Teams

Os ydych yn mynychu cyfarfodydd ar-lein neu hybrid, byddwch yn gyfarwydd â defnyddio meddalwedd Microsoft Teams i gynnal cyfarfodydd a thrafodaethau anffurfiol. Byddwch hefyd yn ymwybodol, drwy'r feddalwedd hon, mor bwysig yw hi i gadw'r cysylltiad gweledol drwy droi'r camera ymlaen er mwyn i ni allu rhyngweithio mewn modd sy'n debyg i'r hyn y byddem yn ei wneud wyneb yn wyneb.

Yn ogystal â sicrhau ein bod yn troi ein camera ymlaen yn ystod cyfarfodydd Teams, rydym hefyd yn eich annog i lanlwytho llun ohonoch chi'ch hun i'ch cyfrif Teams. Er nad yw hyn yn orfodol, rydym yn gwybod bod ein staff yn credu ei bod yn bwysig.

Pam mae'n syniad da?

• Mae llun yn helpu i wneud rhyngweithio digidol yn fwy dynol, fel bod cydweithwyr yn teimlo mwy o gysylltiad â chi.
  
• Mewn sefydliadau mawr, mae'n helpu cydweithwyr i'ch adnabod a'ch cofio, gan feithrin ymdeimlad o dîm.
  
• Gall llun proffesiynol feithrin ymddiriedaeth a hygrededd ymhlith aelodau eich tîm a chysylltiadau allanol.
  
• Wrth gymryd rhan mewn cyfarfodydd neu drafodaethau, mae'n haws i eraill weld pwy sy'n siarad neu'n cyfrannu.
  
• Mae pobl yn fwy tebygol o ymgysylltu â phroffil sy'n cynnwys llun yn hytrach na llythyren gyntaf enw neu rithffurf wag.
  
• Drwy ddangos eich llun, rydych yn annog eraill i wneud yr un peth, gan hyrwyddo amgylchedd rhithwir mwy cynhwysol a chysylltiedig.

Yn y bôn, gall defnyddio llun proffil ar Microsoft Teams wella cyfathrebu, datblygu perthnasoedd proffesiynol cryfach, a gwella eich presenoldeb rhithwir cyffredinol.

Bydd y canllawiau canlynol ar y math o lun i'w ddefnyddio a sut i ychwanegu neu newid eich llun yn helpu i'ch rhoi ar ben ffordd. Rhowch gynnig arni!