Defnyddio adnoddau a gwybodaeth y Cyngor

Mae'r Cyngor yn gyfrifol am wneud defnydd effeithlon o'r adnoddau cyhoeddus y mae'n eu rheoli gan gynnwys adnoddau ariannol, cyfarpar a'i staff.

Rhaid i chi:

• Weithredu o fewn y safonau cyfrifyddu gofynnol
• Cydymffurfio â rheoliadau iechyd a diogelwch a defnyddio cyfarpar diogelu personol yn ôl y gofyn
• Gofalu am eiddo neu gyfarpar y Cyngor, ei gadw'n ddiogel a rhoi gwybod am unrhyw achosion o dorri eiddo neu dorri amodau diogelwch
• Defnyddio cyfarpar a chyfleusterau at ddibenion awdurdodedig yn unig
• Sicrhau bod archwilydd ac archwilwyr allanol y Cyngor yn cael mynediad ar bob adeg resymol i safleoedd, personél, dogfennau ac asedau y mae'r archwilwyr o'r farn eu bod yn angenrheidiol at ddibenion eu gwaith
• Rhoi i'r archwilwyr unrhyw wybodaeth ac esboniadau y maent yn eu ceisio yn ystod eu gwaith

Ni ddylech:

• Ddefnyddio safleoedd, eiddo, cerbydau neu gyfleusterau eraill y Cyngor oni bai eich bod wedi eich awdurdodi i wneud hynny
• Gwneud gwaith nad yw'n waith y Cyngor ar safleoedd y Cyngor neu drwy ddefnyddio cyfarpar neu ddeunyddiau'r Cyngor, neu yn ystod amser y Cyngor

Mae'r Cyngor yn sefydliad a ariennir yn gyhoeddus ac felly rhaid i chi fod yn gyfarwydd â Rheoliadau Ariannol y Cyngor.

Rhaid i chi:

• Ddefnyddio arian y Cyngor mewn ffordd gyfrifol, atebol a chyfreithlon
• Cydymffurfio â rheoliadau ariannol y Cyngor a chymryd cyngor cyfreithiol ac ariannol lle bo hynny'n briodol
• Ceisio gwerth am arian. Gall ein tîm Caffael Corfforaethol gynnig cyngor pellach
• Cydymffurfio â'r polisi a gyhoeddwyd gan eich Adran os yw eich rôl yn cynnwys ymdrin ag arian cwsmeriaid
• Gwneud yn siŵr bod unrhyw nawdd a dderbynnir yn gysylltiedig â busnes y Cyngor
• Os ydych yn amau unrhyw anghysondeb ariannol, llygredd neu dwyll, cysylltwch â'r Pennaeth Refeniw a Chydymffurfiaeth Ariannol
• Gwneud yn siŵr nad ydych yn elwa o unrhyw gontract neu nawdd y gall y Cyngor ei dderbyn, neu ddangos unrhyw ffafriaeth i bartner, priod, perthynas, ffrind neu gydymaith

Mae cadw gwybodaeth sensitif yn gyfrinachol yn hanfodol.

Rhaid i chi:

• Gydymffurfio â'n polisïau mewn perthynas â llywodraethu gwybodaeth gan sicrhau bod yr holl ddata'n cael ei ddiogelu
• Rhoi gwybod am unrhyw achosion tybiedig o dorri diogelwch gwybodaeth
• Labelu a storio dogfennau gwybodaeth i ganiatáu mynediad i ddefnyddwyr awdurdodedig a rhwystro defnyddwyr anawdurdodedig
• Cyfeirio unrhyw ymholiadau gan y cyfryngau neu'r wasg at y Tîm Marchnata a'r Cyfryngau ar unwaith
• Cadw rheolaeth dda ar gyfrineiriau a bod yn ymwybodol o negeseuon e-bost gwe-rwydo

Ni ddylech:

• Beryglu diogelwch gwybodaeth y Cyngor drwy anfon gwybodaeth bersonol, sensitif neu gyfrinachol yn allanol drwy e-bost safonol
• Datgelu eich cyfrinair (neu'ch cyfrineiriau) i neb
• Gadael eich dyfeisiau heb gadw llygad arnynt
• Defnyddio gwybodaeth neu gyfleusterau a ddarperir gan y Cyngor at ddefnydd personol anawdurdodedig, enillion amhriodol neu fasnachol, neu ar gyfer gweithgareddau twyllodrus neu faleisus

Gelwir y gwaith a wnewch ar ran y Cyngor yn eiddo deallusol.

• Rhaid i chi ofyn am ganiatâd eich rheolwr llinell neu Bennaeth y Gwasanaeth cyn i chi ddatgelu unrhyw ddyluniad neu ddyfais a grëwyd yn ystod eich gwaith