Dechrau Arni

Mae popeth o fewn Thinqi ar gael yn Gymraeg a Saesneg. 

I weld cynnwys yn eich dewis iaith, dewiswch Cymraeg neu Saesneg o gornel dde uchaf unrhyw sgrin. 

I newid eich dewis iaith ar gyfer e-byst gan Thinqi, ewch i Gweld Cofnod Dysgwr (o dan eich enw ar ochr dde uchaf y sgrin), cliciwch ar y botwm Golygu Proffil, yna Dewisiadau. 

Dewiswch Fy Ngweithgareddau o'r bar uchaf i weld eich holl ddysgu neilltuedig mewn un lle, gan gynnwys yr hyn sydd angen ei gwblhau, yr hyn rydych chi wedi'i gwblhau, ac unrhyw beth rydych chi wedi'i nodi.

Eich blaenoriaeth chi yw cwblhau'r Bathodyn Dysgu Hanfodol.

Pan fyddwch chi'n cwblhau eitem, byddwch chi'n ennill bathodyn.

• Bathodynnau Llwyd – heb eu cwblhau eto (wedi'u neilltuo'n awtomatig, gan eich rheolwr, neu wedi'u dechrau gennych chi).
• Bathodynnau Glas - wedi'u cwblhau.

Ar gyfer eitemau bathodyn, efallai y bydd gennych un neu fwy o lwybrau o dan Sut i Ennill y Bathodyn hwn:

• Cwblhau e-ddysgu
• Archebu digwyddiad byw
• Gwylio recordiad o ddigwyddiad yn y gorffennol

Dewiswch y llwybr sy'n gweddu i'ch arddull a'ch amserlen. Mae cwblhau unrhyw lwybr yn ennill y bathodyn. Gallwch hefyd gwblhau llwybrau lluosog neu ailymweld â chynnwys unrhyw bryd.
Mae rhai bathodynnau yn dod i ben (e.e. ar ôl tair blynedd). Byddwch yn cael e-bost atgoffa, neu gallwch wirio Thinqi i adnewyddu.

• Bathodynnau Coch – bathodynnau cyffredinol sy'n gofyn am gwblhau sawl bathodyn arall (e.e., bathodyn Dysgu Hanfodol Coch).
• Bathodynnau wedi'u brandio gan y sefydliad – yn benodol i'ch sefydliad.
• Bathodynnau Consortiwm Dysgu Cymru – cynnwys a rennir ar draws pob sefydliad sy'n defnyddio'r contract Thinqi cenedlaethol.

Cliciwch ar eich enw yn y gornel dde uchaf a dewiswch Gweld Cofnod Dysgwr - gallwch hefyd gyrchu hwn o'r Ddewislen. Dyma lle gallwch weld manylion unrhyw fathodynnau rydych chi wedi'u hennill neu ychwanegu manylion hyfforddiant allanol at eich cofnod DPP. Gallwch hefyd olygu eich proffil yma.

Ar ôl i chi gwblhau eich Bathodyn Dysgu hanfodol, mae croeso i chi edrych ar yr holl gynnwys yn y llyfrgell. Gallwch hefyd ddefnyddio'r opsiwn chwilio o fewn y nodwedd i ddod o hyd i bynciau neu gyrsiau o ddiddordeb yn gyflym. O Sgiliau Digidol i'r Iaith Gymraeg ac Arwain a Rheoli, mae gan y llyfrgell rywbeth at ddant pawb, yn ogystal â dysgu sy'n benodol i'r gwasanaeth.

Mae digwyddiadau yn sesiynau dysgu y gallwch eu mynychu yn bersonol neu ar-lein (trwy Microsoft Teams). Gallwch ddod o hyd iddynt trwy ddewis Dewislen o dop y sgrin. 

Gallwch edrych ar bob digwyddiad neu hidlo yn ôl catalog. Mae dewis digwyddiad yn dangos y manylion, y sesiynau sydd ar gael, ac unrhyw ragofynion. Rhaid i chi gwblhau unrhyw ragofynion cyn cofrestru.

Bydd digwyddiadau wyneb yn wyneb yn cynnwys unrhyw wybodaeth bwysig, megis manylion hygyrchedd, gwybodaeth am leoliad. 

Bydd rhai digwyddiadau yn gofyn am westeiwr i dderbyn eich cais. Byddwch yn derbyn cadarnhad o'r penderfyniad trwy e-bost ac o fewn Thinqi.

Ar ôl archebu, bydd manylion y digwyddiad yn ymddangos yn Fy Nigwyddiadau. Bydd gennych hefyd yr opsiwn i'w ychwanegu at eich calendr Outlook, a Teams. Ar gyfer sesiynau ar-lein, byddwch hefyd yn cael dolen Teams i ymuno.

Rydym yn sylweddoli bod amgylchiadau'n newid weithiau, ac efallai y bydd angen i chi ganslo neu newid eich archeb. Os oes angen i chi ganslo lle, darperir dolen yn eich cadarnhad calendr, a fydd yn mynd â chi trwy'r camau sydd eu hangen arnoch. Fel arall, gallwch fewngofnodi i Thinqi a chanslo'ch lle.

Pwysig: Nid yw dileu'r sesiwn o'ch calendr yn hysbysu'r Tîm Dysgu a Datblygu eich bod wedi canslo. Rhaid canslo yn uniongyrchol drwy Thinqi bob tro. Bydd hyn yn golygu y gallwn roi gwybod i'r hwylusydd ac os yn bosibl, sicrhau bod y lle ar gael i rywun arall.

Mae rhaglenni yn gyfres o weithgareddau dysgu sydd wedi'u cynllunio ar gyfer grŵp o ddysgwyr. Gallant gynnwys e-ddysgu, darlithoedd, ymarferion ymarferol, ac weithiau gwaith cartref.

Er enghraifft, gellir defnyddio rhaglenni fel offeryn ymsefydlu i arwain gweithwyr newydd trwy ddysgu hanfodol a chyfeiriadedd.

Mae rhai rhaglenni trwy wahoddiad yn unig, tra bod eraill yn gadael i chi gofrestru ar eu cyfer. Mewn rhai achosion, efallai y cysylltir â chi i drafod eich anghenion datblygu personol cyn ymuno.

Mae rhwydweithiau yn grwpiau ar gyfer dysgwyr penodol, fel Mentoriaid Digidol.
Os cewch eich gwahodd i ymuno â rhwydwaith, gall y system neilltuo dysgu perthnasol i chi yn awtomatig unwaith y byddwch yn dod yn aelod.

Eisiau gweld a yw'ch tîm wedi cwblhau eu dysgu? Defnyddiwch yr eicon Pobl yn y tab dewislen ar dop eich sgrin (gweladwy os oes gennych swyddi sy'n uniongyrchol atebol ichi).

Cliciwch ar fathodynnau i weld crynodeb neu olwg fanwl o bwy sydd wedi cwblhau dysgu, gan gynnwys digwyddiadau y maent wedi mynychu neu ar fin eu mynychu. 

Gallwch hefyd neilltuo bathodynnau neu archebu lle i aelodau'r tîm ar ddigwyddiadau - byddant yn cael neges am hyn, a gallwch dracio eu cynnydd. Mae hyn yn eich helpu i gefnogi'ch tîm yn eu dysgu.

I lawrlwytho adroddiad manwl o'r bathodynnau y mae eich tîm wedi'u cwblhau, cliciwch "Opsiynau" ar ochr dde'r sgrin a dewiswch "Lawrlwytho CSV Manwl.”