Cyngor ynghylch Ffordd o Fyw

Coronafeirws (COVID-19)

Rydym bob amser yma i'ch cefnogi a'ch annog chi i ofalu am eich iechyd a'ch llesiant, ac yn enwedig felly yn ystod y cyfnod rhyfedd hwn sydd weithiau'n anodd. Mae'n bwysicach nag erioed ein bod yn ystyried sut y gallwn wneud dewisiadau cadarnhaol ac iach o ran ein ffordd o fyw a lleihau'r risg o salwch. Mae'r tudalennau canlynol yn rhoi gwybodaeth ac arweiniad ar ystod o bynciau iechyd cyffredinol, ond ar gyfer cymorth llesiant mwy penodol yn ystod y cyfnod hwn, gweler ein tudalen Gofalu am eich Llesiant.

Cofiwch barhau i edrych ar y dudalen newyddion i gael y wybodaeth ddiweddaraf. Gallwch hefyd ein dilyn ar Facebook a Twitter.

Mae cynnal ffordd iach o fyw yn bwysig ar gyfer sawl agwedd ar ein bywydau. Bydd mabwysiadu arferion sy'n ein galluogi i gynnal iechyd a llesiant cyffredinol da yn lleihau'r risg o ddatblygu llawer o glefydau cronig, yn cynyddu cynhyrchiant a lefelau egni, yn lleihau straen a'i gyflyrau cysylltiedig, ac yn ymestyn bywyd.

Nid yw iechyd da yn ymwneud â bwyta'n dda ac ymarfer yn rheolaidd yn unig - mae hefyd yn ymwneud â chael agwedd gadarnhaol, hunanddelwedd gadarnhaol a chymryd agwedd gyfannol at ofalu am eich corff. Bydd y tudalennau canlynol yn rhoi gwybodaeth ac arweiniad i chi ar elfennau amrywiol sy'n cyfrannu at ffordd iach o fyw sydd bwysicaf yn ein barn ni.