Pecynnau Iechyd a Llesiant

Diweddarwyd y dudalen: 23/04/2026

Mae ein Tîm Iechyd a Llesiant yn darparu ystod gynhwysfawr o becynnau cymorth wedi'u teilwra sydd wedi'u cynllunio i hyrwyddo iechyd meddwl cadarnhaol, cryfhau gwydnwch, a chefnogi cydbwysedd iach rhwng bywyd a gwaith ar draws pob lefel o'r sefydliad. Mae pob pecyn yn hyblyg a gellir ei addasu i ddiwallu anghenion esblygol unigolion, timau ac adrannau, gan gyfrannu at ddatblygu diwylliant gweithle lle mae llesiant wedi'i wreiddio, yn weladwy, ac yn cael ei gefnogi'n weithredol.

Os ydych chi am gael cymorth gan y tîm, cwblhewch y ffurflen fer. Rhowch gymaint o fanylion â phosibl a nodwch yn glir pa becyn rydych chi'n gofyn amdano.

 Pecyn 1

Gall y Tîm Iechyd a Llesiant ddod i gyfarfodydd timau i drafod strategaethau ar gyfer cefnogi unigolion a thimau i gynnal cydbwysedd iach rhwng bywyd a gwaith. Yn ystod y sesiynau hyn, gallant gynnig awgrymiadau ymarferol ynghylch hunanofal, rheoli straen a llesiant meddyliol, a'r rheiny wedi'u teilwra i anghenion penodol y grŵp. Drwy rannu adnoddau, hyrwyddo sgyrsiau agored am lesiant, ac annog unigolion i gynnal arferion hunanofal yn rheolaidd, mae'r tîm yn helpu i feithrin amgylchedd gwaith cadarnhaol a chefnogol lle gall pawb ffynnu.

 Pecyn 2

Mae ein tîm Iechyd a Llesiant yn cynnig hyfforddiant a gweithdai pwrpasol sydd wedi'u cynllunio i ddiwallu anghenion unigryw eich tîm neu unigolion. Mae'r sesiynau hyn, sydd wedi'u teilwra yn seiliedig ar adborth manwl gan reolwyr, yn mynd i'r afael â heriau a nodau penodol i wella llesiant personol ac ar y cyd. P'un ai rheoli straen, meithrin gwytnwch, neu wella dynameg gyffredinol y tîm sydd o dan sylw, mae ein rhaglenni'n hyblyg ac yn berthnasol. Yn ogystal, mae cymorth parhaus ar gael trwy Becyn 3, gan sicrhau cynnydd parhaus a sicrhau bod y strategaethau a ddysgwyd yn cael eu hintegreiddio i fywyd gwaith bob dydd.

 Pecyn 3

Mae ein Tîm Iechyd a Llesiant wedi ymrwymo i greu amgylchedd gwaith cefnogol a ffyniannus trwy gynnig atebion pwrpasol trwy ein gwasanaethau ym Mhecyn Un a Phecyn Dau. Rydym yn llunio arolygon llesiant, cynlluniau gweithredu a siarteri wedi'u teilwra sy'n darparu'n benodol ar gyfer unigolion, timau ac adrannau. Trwy gasglu mewnwelediadau o arolygon wedi'u haddasu, rydym yn nodi'r prif feysydd o ran angen ac yn datblygu cynlluniau y gellir eu gweithredu i wella iechyd a llesiant yn gyffredinol. Mae ein dull gweithredu yn sicrhau bod iechyd a llesiant yn cael eu blaenoriaethu ar bob lefel, gan feithrin diwylliant lle mae pawb yn teimlo eu bod yn cael eu cefnogi, eu gwerthfawrogi a'u grymuso i ffynnu yn bersonol ac yn broffesiynol.

 

Iechyd a Llesiant

Cwrdd â'r Tîm

Cymorth Cyntaf Iechyd Meddwl

Hyrwyddwyr Iechyd a Llesiant

Cyngor ynghylch Ffordd o Fyw

Cyngor Ariannol

Straen, Iechyd Meddwl a Llesiant Emosiynol

Poen Cefn a Phoen yn y Cymalau

Canllawiau i Reolwyr a Phenaethiaid Ysgol

Strategaeth a Chynlluniau Gweithredu

Calendr Hunanofal

Digwyddiadau a Gweithgareddau

Cymorth a Chefnogaeth

Niwroamrywiaeth

LHDTRCA+

Pecynnau Iechyd a Llesiant

Heriau Misol

Cyd-ddealltwriaeth o Lesiant fel Sefydliad

Mwy ynghylch Iechyd a Llesiant