Gwybodaeth i Reolwyr

Diweddarwyd y dudalen: 24/05/2023

Os yw gweithiwr wedi mynegi diddordeb mewn bod yn Hyrwyddwr Iechyd a Llesiant, darllenwch y wybodaeth ganlynol yn ofalus cyn cymeradwyo’r cais. Er ei bod yn rôl wirfoddol, mae'n bwysig eich bod chi, fel rheolwr, yn ymwybodol o'r cyfrifoldebau a'r ymrwymiad dan sylw.

 Diben y Rôl

Rôl yr Hyrwyddwr Iechyd a Llesiant yw cefnogi ac annog staff gyda'u hiechyd a'u lles.

 Hyfforddiant

I ddod yn Hyrwyddwr Iechyd a Llesiant, bydd rhaid i'r gweithiwr fynychu cyfnod sefydlu 3 awr. Bydd y rhaglen gynefino hon yn cael ei chyflwyno trwy Microsoft Teams ac yn cael ei chynnal gan y Cydlynwyr Iechyd a Llesiant. Bydd yr hyfforddiant yn ymdrin â sut i arwain cydweithwyr a’u cyfeirio i gymorth pellach yn ogystal â ffiniau’r rôl.

 Cymeriad y Gweithiwr

Rhaid i'r Hyrwyddwyr Iechyd a Llesiant fod yn llawn cymhelliant, yn ymroddedig ac yn angerddol dros annog iechyd a lles

Fel rheolwr, dylech wneud asesiad gonest o addasrwydd y cyflogai ar gyfer y rôl cyn cymeradwyo ei gais. Mae hyn yn bwysig i les y gweithiwr ei hun a lles eraill.

 Ymrwymiad Amser

Bydd yr Hyrwyddwyr Iechyd a Llesiant yn cael 1 awr yr wythnos a ddylai gael ei ymgorffori ochr yn ochr â'u horiau gwaith presennol. Mae hefyd yn ofynnol iddynt fynychu sesiynau diweddaru misol a sesiynau galw heibio lle bo angen. Gallant hefyd godi lles mewn cyfarfodydd adrannol ac adborth ar ddigwyddiadau a gweithgareddau corfforaethol.

Fel rheolwr, dylech annog yr Hyrwyddwr Iechyd a Llesiant yn ei syniadau a'i weithgareddau. Bydd hyn yn dangos eich cefnogaeth ac yn sicrhau bod lles yn flaenoriaeth i'ch tîm.

 Cymorth i'r Hyrwyddwyr Iechyd a Llesiant

Mae'n bwysig bod Hyrwyddwyr Iechyd a Llesiant yn cael mynediad at gymorth yn ôl yr angen. Fel rheolwr, dylech ddeall y ffaith y gall eich cyflogai fod yn delio â materion cyfrinachol neu sefyllfaoedd anodd.

 Y Camau Nesaf

Os ydych yn ansicr ynghylch addasrwydd y gweithiwr ar gyfer y rôl, argymhellir bod y gweithiwr yn mynychu sesiwn friffio gyda’r Cydlynydd Iechyd a Llesiant, lle bydd nhw yn cael y cyfle i ddarganfod mwy am y rôl.

Iechyd a Llesiant

Cwrdd â'r Tîm

Cymorth Cyntaf Iechyd Meddwl

Hyrwyddwyr Iechyd a Llesiant

Cyngor ynghylch Ffordd o Fyw

Cyngor Ariannol

Straen, Iechyd Meddwl a Llesiant Emosiynol

Poen Cefn a Phoen yn y Cymalau

Canllawiau i Reolwyr a Phenaethiaid Ysgol

Strategaeth a Chynlluniau Gweithredu

Calendr Hunanofal

Digwyddiadau a Gweithgareddau

Cymorth a Chefnogaeth

Niwroamrywiaeth

Mwy ynghylch Iechyd a Llesiant